Connect with us

អ្នក​ដែល​និយម​ដេញតាម​បច្ចេកវិជ្ជា​រង់ចាំ​ឧបករណ៍​ថ្មីៗ​ដែល​នឹង​ចេញ​លក់​ជារ​ផង​រាល់​ឆ្នាំ​។ ដូចជា​ឆ្នាំ​ដទៃៗ​ទៀត​អ៊‍ីចឹង ឆ្នាំ ២០១៧ នេះ​គឺ​មាន​ឧបករណ៍​បច្ចេកវិជ្ជា​ចេញ​ថ្មី​ជាច្រើន​ដែល​ពិតជា​ទំនើប និង​គួរឱ្យ​ចង់​សាកល្បង​ប្រើប្រាស់​យ៉ាង​ពិតប្រាកដ​។ ប្រសិនបើ​អ្នក​ជា​អ្នក​ដែល​ចូលចិត្ត​ឧបករណ៍​បច្ចេកវិជ្ជា​ដែល​តែងតែ​រង់ចាំ​មើល​អ្វី​ដែល​ទើបនឹង​ចេញ​ថ្មី និង​ចុងក្រោយ នេះ​នែ៎ អ្វី​ដែល​អ្នកត្រូវការ​មាន​នៅ​ខាងក្រោម​នេះ​!
​កាមេរ៉ា​ថត​រូប Hubbel Hugo
​តើ​អ្នក​ធ្លាប់​ឮ​អំពី​កាមេរ៉ា​សុវត្ថិភាព​ដែល​មាន​សមត្ថភាព​ក្នុង​ការចាប់យក​ការសម្ដែង​ទឹកមុខ​របស់​អ្នក​ដែរឬទេ​? យើងខ្ញុំ​ពិតជា​មិន​ធ្លាប់​ឮ​ពីមុនមក​សោះ​!
Hubbel Hugo ជា​កាមេរ៉ា​សុវត្ថិភាព​ដ៏​ឆ្លាត​វៃ​ជាមួយនឹង​សមត្ថភាព​ក្នុង​ការចាប់យក​ការសម្ដែង​ទឹកមុខ​។ ដោយ​ប្រើប្រាស់​ការ​សម្គាល់​ផ្ទៃមុខ កាមេរ៉ា​ដ៏​ឆ្លាត​វៃ​នេះ​គឺ​តម្រូវឱ្យ​មាន​ការ​ម​សម្ដែង​ទឹកមុខ​។ វា​អាច​ស៊ើបរក​សម្លេង​ក្មេង​យំ និង​រោទិ៍​ជា​សម្លេង​ប្រាប់​ឪពុក​ម្ដាយ​ឱ្យបាន​ដឹង​។​
​កាមេរ៉ា​ដែល​ស៊ើបរក​ការសម្ដែង​ទឹកមុខ​នេះ​អាច​ធ្វើឱ្យ​អ្នកដឹង​អំពី​អ្វី​ដែល​កើតឡើង​នៅ​ជុំវិញ​អ្នក​។ អ្វី​ដែល​កាន់តែ​អស្ចារ្យ​ជាមួយនឹង​កាមេរ៉ា Hubbel Hugo គឺ​ជា​មិន​ចាប់​អ្វី​ក្រៅពី​ទឹកមុខ​របស់​មនុស្ស​ឡើយ មានន័យ​ថា​សត្វ​មិន​ត្រូវបាន​ស៊ើប​ដោយ​កាមេរ៉ា​នេះឡើយ​។​
​ម៉ាស​ឃ្លុប​មាត់ Hushme
Hushme ជា​ម៉ាស​ឃ្លុប​មាត់​ដែល​ត្រូវ​បាន​រចនា​ឡើង​ជា​ពិសេស​សម្រាប់​ប្រើ​ជាមួយ​ទូរ​សព្ទ​ឆ្លាត​វៃ​។ ឧបករណ៍​ដ៏​ទំនើប​នេះ​មាន​សមត្ថភាព​ក្នុង​ការទប់ស្កាត់​សម្លេង​ប​របស់​អ្នក​កុំឱ្យ​រំខាន​ដល់​អ្នកដទៃ​។ ម៉ាស​នេះ​ស្រដៀង​ទៅ​នឹង​ម៉ាស Bane ដែល​ជា​ការ​រចនា​របស់ “The Dark Knight” ប៉ុន្តែ​សម្រាប់​ហេតុផល​ខុសគ្នា​ទាំងស្រុង​តែ​ម្ដង​។​
​ប្រសិនបើ​អ្នក​មាន​បំណង​ប្រើ​សម្លេង​ខ្លាំងៗ​នៅពេល​ដែល​កំពុង​ប្រើ​ទូរ​សព្ទ​ឆ្លាត​វៃ​របស់​អ្នក ឬ​ទស្សនា​វីដេអូ​តាម YouTube នៅក្នុង​ទូរ​សព្ទ​ដៃ​របស់​ង្ន​ក ម៉ាស​ឃ្លុប​មាត់ Hushme ពិតជា​ស័ក្ដិសម​បំផុត​សម្រាប់​អ្នក​។ អ្នក​អាច​បន្ត​ទស្សនា​វីដេអូ ឬ​លេង​ហ្គេម ដោយ​មិន​បង្ក​សម្លេង​រំខាន​ដល់​អ្នក​នៅ​ក្បែរ​អ្នក​។ អ្នក​ក៏​អាច​ជូន​ម៉ាស​ឃ្លុប​មាត់​នេះ​ទៅកាន់​មិត្ត​រួម​ការងារ​ដែល​ចូលចិត្ត​បង្ក​សម្លេង​រំខាន​។ ម៉ាស​ឃ្លុប​មាត់ Hushme អាច​ប្ដូរ​សម្លេង​បាន​ផង​ដែរ គឺ​ពិតជា​អស្ចារ្យ​ខ្លាំងណាស់​។​
​គ្រែ Sleep Number 360 Bed
​ពិភពលោក​នេះ​នឹង​ក្លាយជា​កន្លែង​ដែល​ប្រសើរ​ជាង​មុន​ប្រសិនបើ​អ្នក​អាច​គេង​លើ​គ្រែ​ដែល​អ្នក​ពេញចិត្ត​បំផុត​។ ពិតណាស់ ប្រសិនបើ​នេះ​ជា​អ្វី​ដែល​អ្នក​កំពុង​រង់ចាំ ក្ដី​សុបិន​របស់​អ្នក​ពេលនេះ​ក្លាយជា​ការពិត​ហើយ​!
​គ្រែ​គេង Sleep Number 360 Bed ជា​គ្រែ​ដ៏​ទំនើប​ចុងក្រោយ​បំផុត​ដែល​យល់ដឹង​យ៉ាង​ច្បាស់​អំពី​តម្រូវការ និង​ផាសុកភាព​ដែល​អ្នក​ចង់​ទទួលបាន​។ ពូក​នេះ​អាច​បំបាត់​អាការ​ស្រមុក និង​អាច​ផ្លាស់ប្ដូរ​ឥរិយាបថ និង​ក្បាល​របស់​អ្នក​ឱ្យ​មាន​ផា​សុកភាព​បំផុត​។ ពូក​ប្រភេទ​នេះ​មាន​សមត្ថភាព​ក្នុង​ការបន្ធូរបន្ថយ​ទៅតាម​ចលនា​ដែល​អ្នក​ផ្លាស់ប្ដូរ​។ លក្ខណៈ​ពិសេស​នៃ​គ្រែ​នេះ​គឺ​អាច​ធ្វើឱ្យ​ជើង​របស់​អ្នក​មាន​ភាពកក់ក្ដៅ​ខណៈ​ដែល​អ្នក​កំពុង​គេង​។
​នាឡិកាដៃ​ឆ្លាត​វៃ Fossil x Armani Hybrid Smartwatch
​ក្រុមហ៊ុន Apple មិនមែន​ជា​ក្រុមហ៊ុន​តែ​មួយ​ដែល​ផលិត​នាឡិកាដៃ​ឆ្លាត​វៃ​ទៀតឡើយ​។ ក្រុមហ៊ុន Fossil Group បាន​រចនា​នាឡិកា​ប្រភេទ​ហាយ​ប្រ៊ី​ដ​ថ្មី​សន្លាង​បំផុត​ជាមួយ​នឹង​មុខងារ Armani Exchange ដែល​នឹង​ទទួលបាន​ការចាប់អារម្មណ៍​ជាច្រើន​ក្នុង​ឆ្នាំ ២០១៧ នេះ​។ នាឡិកា​ឆ្លាត​វៃ​នេះ​មើល​ទៅ​មាន​រូបរាង​ធម្មតា ប៉ុន្តែ​វា​មាន​លក្ខណៈ​ពិសេស​បំផុត​ដែល​អាច​ទទួល​ព័ត៌មាន​ពី​ទូរ​សព្ទ​ដៃ​របស់​អ្នក​។ វា​មាន​មុខងារ​ដូចជា FitBit ដែល​កំណត់​អំពី​ជំហាន​នៃ​ការដើរ និង​រយៈពេល​ដែល​អ្នក​ទទួលទាន​ដំណេក​។ អ្នក​មិន​ចាំបាច់​សាក​ថ្ម​នាឡិកា​នេះឡើយ​។ មិន​ថា​តែ​អ្នក​ចង់​ឱ្យ​រូបរាងកាយ​របស់​អ្នក​មុំាន​ភា​ពសកម្ម ឬ​ការពង្រឹង​បែបបទ​ជីវិត​ទាំងស្រុង​របស់​អ្នក​ផងដែរ​។
​កញ្ចក់ HiMirror Plus
​កញ្ចក់ កញ្ចក់​! តើ​អ្នកណា​មាន​សម្រស់​ស្អាត​ជាង​គេ​បំផុត​?
​តើ​អ្នក​ជា​មនុស្ស​ដែល​ង​ប់ង​ល់នឹង​សម្រស់​ខ្លួនឯង និង​តែងតែ​ព្រួយបារម្ភ​អំពី​អនាម័យ រូបរាងកាយ​ខាងក្រៅ និង​អ្វីៗ​ជាច្រើន​ផ្សេង​ទៀត​ដែរឬទេ​? វា​ជា​ពេល​ដ៏​ល្អ​បំផុត​សម្រាប់​អ្នក​ព្រោះ​ថា​មិនយូរ​ទៀត​ឡើយ​អ្នក​អាច​នឹង​ក្លាយ​ជា​មា្ច​ស់កម្មសិទ្ធិនៃ​កញ្ចក់ដ៏​ឆ្លា​តវៃ​នេះ​ដោយ​អាច​ប្រាប់​អ្នក​ថា​តើ​ស្បែក​របស់​អ្នក​មាន​អ្វី​មិន​ប្រក្រតី​។ មិន​ថា​តែ​វា​ជា​ស្នាម​ខ្មៅ​មាន​សណ្ឋាន​មូល ឬ​ជា​ស្នាម​ជ្រួញ​ឡើយ កញ្ចក់ HiMirror Plus អាច​រកឃើញ​ភាពមិនប្រក្រតី​លើ​ផ្ទៃមុខ​របស់​អ្នក​។ អ្វី​ដែល​កាន់តែ​ពិសេស​ចំពោះ​ឧបករណ៍​នេះ​គឺ​វា​អាច​ប្រាប់​អ្នក​ថា​តើ​ផលិតផល​គ្រឿងសម្អាង​ដែល​អ្នក​កំពុង​ប្រើប្រាស់​ស័ក្ដិសម​នឹង​ផ្ទៃមុខ​របស់​អ្នក​ឬ​អត់​?
​ឧបករណ៍​អាំង​នំប៉័ង Griffin Technology Bluetooth Toaster
​នៅពេល​ដែល​អ្នក​គិតថា​ពិភពលោក​មិនអាច​ផ្ដល់​ឱ្យ​អ្នក​នូវ​អ្វី​ដែល​ប្រសើរ​ជាង​នេះ អ្នក​អាច​គិត​ដល់​ឧបករណ៍ Bluetooth toaster!
​ពិតជា​ត្រឹមត្រូវ​ខ្លាំងណាស់​! បច្ចេកវិជ្ជា Griffin Technology អាច​ផ្សារភ្ជាប់​ទំនាក់ទំនង​ពី​ឧបករណ៍​អាំង​នំប៉័ង​ជាមួយនឹង​កម្មវិធី​ក្នុង​ទូរ​សព្ទ​ដៃ​របស់​អ្នក​។ ឥឡុវនេះ​ង្ន​កមិន​ចាំបាច់រ​ត់​ទៅ​មើល​ថា​តើ​នំប៉័ង​របស់​អ្នក​ល្មម​អាច​ញ៉ាំ​បាន​ឬ​នៅទេ ព្រោះ​ថា​កម្មវិធី​ម​យ​យ​នេះ​នឹង​ធ្វើ​វា​ជំនួស​អ្នក​។​
​ស្បែកជើង​ឆ្លាត​វៃ Under Armour Gemini Smart Shoes
​ស្លាក​សញ្ញា Under Armour ទើបតែ​ផលិត​ស្បែកជើង​ឆ្លាត​វៃ​ដែល​អាច​ជួយ​ធ្វើឱ្យ​អ្នក​ស្រក​ទម្ងន់​។ វា​អាច​ជួយ​ពិនិត្យ​សុខភាព​បុគ្គល​ម្នាក់ៗ ហើយ​ស្បែកជើង​ប្រភេទ​នេះ​មាន​បច្ចេកវិជ្ជា​ខ្ពស់​ដែល​អាច​ឱ្យ​អ្នកដឹង​អំពី​សមត្ថភាព​ក្នុង​ការបញ្ចេញ​ថាមពល​របស់​អ្នក​ពេញ​មួយ​ថ្ងៃ​ដោយ​កម្ម​វិធី​មួយ​។ អ្វី​ដែល​អ្នក​ត្រូវ​ធ្វើ​គឺ​លោត​ឡើង​លើ និង​ទម្លាក់ខ្លួន​ចុះ​មកក្រោម​វិញ​ចំនួន ៦ ដង ហើយ​ស្បែកជើង​នេះ​នឹង​ប្រាប់​អ្នក​ថា​តើ​អ្នក​មាន​សមត្ថភាព​ប៉ុណ្ណា​។ តើ​មាន​បញ្ហា​ដែរ​ឬ​ទេ​ប្រសិនបើ​ស្បែកជើង​នេះ​អាច​ប្រាប់​អំពី​មុខម្ហូប​ដែល​អ្នក​ចង់​ទទួលទាន​នៅពេល​ដែល​អ្នក​ធ្វើ​ចលនា​លោត​ឡើង​លើ​បែបនេះ​?​

Fashion

រុំ​ក​នឹង​កន្សែង​ប្រកបដោយ​ភាព​ទាក់ទាញ​

​កន្សែង​រុំ​ក​គឺជា​អា​សេស​សឺ​រី​ដ៏​ស័ក្ដិសម​សម្រាប់​ប្រើ​ពេល​អាកាសធាតុ….

​កន្សែង​រុំ​ក​គឺជា​អា​សេស​សឺ​រី​ដ៏​ស័ក្ដិសម​សម្រាប់​ប្រើ​ពេល​អាកាសធាតុ​ត្រជាក់​។ កន្សែង​រុំ​ក​អាចធ្វើឱ្យ​សម្លៀក​បំពាក់​របស់​អ្នក​មើល​ទៅ​កាន់តែ​ឡូយ ឬ​ក្លាយជា​ពិបាក​មើល​ទៅ​វិញ វា​ពឹងផ្អែក​ទៅលើ​ភាពស្រស់ស្អាត​នៃ​កន្សែង​រុំ​ក​របស់​អ្នក ក៏ដូចជា​វិធីសាស្ត្រ​ដែល​អ្នក​រៀបចំ​វា​ផងដែរ​។​

​ចូរ​អ្នក​បំភ្លេច​ចោល​កន្សែង​រុំ​ក​ម៉ូដ​ចាស់ រួច​ជ្រើសរើស​ម៉ូដ​ណា​ដែល​កំពុង​ពេញនិយម​នាបច្ចុប្បន្ន​។ ខាងក្រោម​នេះ​ជា​ស្តាយល៍​នៃ​ការរុំ​កន្សែងដ៏​ទាន់សម័យ​បំផុត​ទាំង ៥៖

1.​ កន្សែង​រុំ​ក​ម៉ូដ​ចង​ជាប់គ្នា​
•​ ​យក​កន្សែង​រុំ​ក​ធម្មតា​មួយ​មក រួច​ចង​ជាយ​កន្សែង​ភ្ជាប់​គ្នា​
•​ ​កន្សែង​របស់​អ្នក​ឥឡូវ​គួរតែ​ក្លាយ​ជា​រង្វង់​មួយ​
•​ ​ដាក់​កន្សែង​នៅ​ជុំវិញ​ក​របស់​អ្នក​
•​ ​ដាក់​តំណ​ដែល​បាន​ចងទៅ​ផ្នែក​ខាងក្រោយ​
•​ ​មួល​កន្សែង រួច​វ័ណ្ឌ​នៅ​ក​ពីរ​ទៅ​បី​ជុំ​
•​ ​អ្នក​ត្រូវ​តែ​ប្រាកដ​ថា​ស្រទាប់​នី​មួយៗ​នៃ​កន្សែង​បិទបាំង​តំណ​នៅ​ផ្នែក​ខាងក្រោយ​។​


2.​ ​កន្សែង​រុំ​នៅ​ជា​ប់ក​
•​ ​យក​កន្សែង​ដែលមាន​ប្រវែង​វែង​មួយ​មក​បត់​ពី​ជុំ​រួច​បង់​នៅ​ក​របស់​អ្នក​
•​ ​ចង​ជា​យ​កន្សែង​ភ្ជាប់​គ្នា​មួយ​ជាន់
•​ ​ញាត់​តំណ​ដែល​បាន​ចង​ចូលក្នុងរង្វង់​កន្សែង​
•​ ​វា​ជា​ម៉ូដ​ទសវត្សរិ៍​ទី ៩០ ប៉ុន្តែ​វា​ពិតជា​ធ្វើឱ្យ​អ្នក​កក់ក្ដៅ​នៅពេល​មាន​អាកាសធាតុ​ត្រជាក់​ខ្លាំង​។​
3.​ ​កន្សែង​រុំ​ក​ស្តាយល៍​បិទបាំង​ស្មា​
•​ ​ដាក់​កន្សែង​នៅ​ជុំវិញ​ស្មា​របស់​អ្នក​ដូចជា​កន្សែង​បង់ក​ធម្មតា​
•​ ​ទាញ​ជាយ​កន្សែង​ទៅក្រោយ​ទាំងសងខាង​រួច​ចង​ជាយ​កន្សែង​នៅ​ផ្នែក​ខាងក្រោយ​
•​ ​ទាញ​ឱ្យ​តឹង​រួច ទាញ​ឡើង​ឱ្យ​ខ្ពស់​
•​ ​ទាញ​កន្សែង​ចុះក្រោម​ដើម្បី​បិទបាំង​តំណ​ដែល​បាន​ចង​

4.​ ​ស្តា​យល៍​ចង​បូ​- ស្រស់ស្អាត​
•​ ​ទាញ​ផ្នែក​ម្ខាង​នៃ​កន្សែង​ឱ្យ​វែង​ជាង​ផ្នែក​ម្ខាង​ទៀត (​បូ​ត្រូវបាន​បង្កើតឡើង​ខាង​ផ្នែក​វែង​)
•​ ​បត់​កន្សែង​ជា​រង្វង់​ដោយ​បិទបាំង​ជាយ​កន្សែង (​បង្កើត​ជា​រង្វង់​ដោយ​បត់​ឡើងលើ មិនមែន​ចុះ​ក្រោម​ទេ​)
•​ ​ធ្វើ​បូ​ដោយ​កាន់​ក្ដាប់​ចំនុចកណ្ដាល​នៃ​រង្វង់​ដែល​អ្នក​បាន​បត់​
•​ ​យក​ផ្នែក​ដែល​ខ្លី​នៃ​កន្សែង រុំ​ជុំវិញ​បូ​
•​ ​យក​ផ្នែក​ដែល​ខ្លី​រុំ​ជុំវិញ​បូ រួច​ដាក់​ជាយ​ចូលក្នុងរង្វង់​កន្សែង​
•​ ​ទាញ​វា​ឱ្យ​តឹង​
•​ ​នេះ​នែ៎​! ស្រស់​ស្អាត​ខ្លាំងណាស់​

5.​ ​ស្តា​យល៍​វេញ​ដូច​កម្រងផ្កា​
•​ ​បត់​បង្កើត​ជា​រង្វង់​មួយ​
•​ ​វេញ​កន្សែង​ក្នុង​រង្វង់​ដែល​អ្នក​បាន​បង្កើត​
•​ ​វេញ​បន្ត​រហូត​ទាល់តែ​មកដល់​ចំណុចកណ្ដាល​នៃ​ផ្នែក​ខាង​មុខ​
•​ ​ទាញ​ឱ្យ​វា​ស្មើគ្នា​ល្អ រួច​ធ្វើ​បែប​នេះ​ជាមួយ​នឹង​ផ្នែក​ម្ខាង​ទៀត​នៃ​កន្សែង​៕

Continue Reading

Fashion

ជន​ល្បីឈ្មោះ​ផ្នែក​ហ្វេ​ហ្សិន

ស្វែងយល់​អំពី​ជីវិត​អ្នក​តំណាង​ហ្វេ​ហ្សិន​នៅ​ខែ​នេះ​។ ចូរ​អាន​រឿងរ៉ាវ​ពី…

​ស្វែងយល់​អំពី​ជីវិត​អ្នក​តំណាង​ហ្វេ​ហ្សិន​នៅ​ខែ​នេះ​។ ចូរ​អាន​រឿងរ៉ាវ​ពីក្រោយ​ការតស៊ូ​និង​ភាពជោគជ័យ ដែល​ធ្វើឱ្យ​ជន​មាន​ឥទ្ធិពល​នៅក្នុង​ពិភព​ហ្វេ​ហ្សិន​ទទួលបាន​នូវ​អ្វីៗ​នាពេលនេះ​។

Vogue Fashion បង្ហាញ​អ្នក​ឌី​ហ្សា​ញ​និង​ត្រេន​ដ៍​ល្បីៗ​ចំនួន​២៥០ ដែល​មាន​ឥទ្ធិពល​នៅ​ក្នុង​ពិភព​ហ្វេ​ហ្សិន​។ ប្រសិនបើ​អ្នក​កាន់តែ​ចាប់អារម្មណ៍​បន្ដិច​ម្ដងៗ​លើ​ហ្វេ​ហ្សិន អ្នក​ត្រូវ​តែ​ជ្រើសរើស​តាម ពី​ព្រោះ​នេះ​ត្រូវបាន​គេ​ដឹងថា​ជា​គម្ពីរ​ហ្វេ​ហ្សិន​សម្រាប់​អ្នក​ធ្វើ​ការងារ​ផ្នែក​ហ្វេ​ហ្សិន​។​

យើង​ទាំងអស់គ្នា​សុទ្ធតែ​ដឹងថា Coco Chanel បំផុសគំនិត​និង​ផ្លាស់ប្ដូរ​វិស័យ​ហ្វេ​ហ្សិន​ជា​មួយ​រូប​សម្រស់​បែប​ក្លា​ស៊ី​ក​និង​រូប​សម្រស់​មិនចេះ​នឿយណាយ មួយ​នោះ​គឺ “​រ៉ូប​ខ្មៅ​តូច​”​។ អ្នក​ដែល​ល្បីល្បាញ​នឹង​ធ្វើការ​ពិនិត្យពិច័យ​ជាក់​ជាមិនខាន ប៉ុន្ដែ​សៀវភៅ​នេះ​ផ្ដោត​ទៅលើ​ភាពស្រស់ស្អាត ដែល Chanel បាន​ច្នៃប្រឌិត​និង​បំបាត់ចោល​នូវ​ពាក្យ​ច​ចាម​អារាម​និង​ភាពអវិជ្ជមាន​នានា​។

គោរព​ចំពោះ​ជន​ល្បីឈ្មោះ​ផ្នែក​ហ្វេ​ហ្សិន Diane von Furstenberg​។ គាត់​បាន​រួមចំណែក​បំផុសគំនិ​ត​សម្រាប់​ស្ដ្រី​។ គាត់​មាន​សុបិន​។ Diane បាន​រៀបការ​ជាមួយ​ព្រះអង្គម្ចាស់​មួយអង្គ និង​បាន​ច្នៃប្រឌិត​ឈ្មោះ​ស្លាក​សញ្ញា​ផ្ទាល់ខ្លួន​របស់​គាត់​។ គាត់​បាន​បង្កើត​ឱ្យមាន​អាណាចក្រ​ហ្វេ​ហ្សិន​តាមរយៈ​ការខិតខំរ​បស់​គាត់ (​ហើយ​វា​មិន​ប៉ះពាល់​ទៅ​ដល់​ការ​រៀបការ​ដ៏​អធិកអធម​របស់គាត់​ឡើយ​)​។ គាត់​ជា​មនុស្ស​រឹងមាំ​និង​មាន​ទំនុកចិត្ដ ហើយ​សម្លៀក​បំពាក់​រប​ស់បែប​ក្លាហាន​និង​បែប​រីករាយ ជាហេតុ​ធ្វើឱ្យ​គាត់​ជោគជ័យ ហើយ​អាជីព​របស់​គាត់​កាន់តែ​ខ្ពស់ត្រដែត​ឡើង​ជា​លំដាប់​។​

សូម​ស្វែងយល់​ឱ្យបាន​ច្រើន​អំពី​វ័យ​កុមារភាព​របស់ Christian Dior​។ សៀវភៅ​នេះ​នាំ​អ្នក​ត្រឡប់​ទៅ​កាន់​ទសវត្សរ៍​ឆ្នាំ​១៩៥០​នៅ​តំបន់ Normandy និង​របៀប​ដែល​គាត់​បាន​ចាប់ផ្ដើម​ច្នៃប្រឌិត​សម្លៀក​បំពាក់​ហ្វេ​ហ្សិន​លំដាប់​ខ្ពស់​។ គាត់​បាន​ខិតខំ​បង្កើត​នូវ “​រូប​សម្រស់​ថ្មី​” នៃ​រ៉ូប​ដ៏​អស្ចារ្យ ហើយ​ចាប់តាំងពី​ពេលនោះ​មក គេ​នាំគ្នា​ឱ្យ​តម្លៃ​ទៅលើ​ស្នាដៃ​របស់​គាត់​តាមរយៈ​ការច្នៃប្រឌិត​របស់គាត់​៕

Continue Reading

Fashion

រដូវកាលដ៏គួរឱ្យចាប់ចិត្តបំផុត

គន្លឹះ​លេង​ស្តា​យល៍​នៃ​កូឡិក​ហ្សិន​មុនរ​ដូវ​ស្លឹកឈើ​ជ្រុះ​ឆ្នាំ ២០១៧

គន្លឹះ​លេង​ស្តា​យល៍​នៃ​កូឡិក​ហ្សិន​មុនរ​ដូវ​ស្លឹកឈើ​ជ្រុះ​ឆ្នាំ ២០១៧
​រដូវ​កាល​មុន​ស្លឹកឈើ​ជ្រុះ​ ​— កូឡិក​ហ្សិ​ន​ដែល​ទទួលបាន​ការពេញ​និយម​កំឡុង​ខែ​កក្កដា និង​កញ្ញា ជា​កូឡិក​ហ្សិន​ស័ក្ដិសម​បំផុតស​ម្រាប់​អ្នក​ទាំងអស់​គ្នា​។ សម្លៀក​បំពាក់​ទាំងអស់​នោះ​គួរតែ​អាច​ស្លៀកពាក់​បាន​គ្រប់​កាលៈទេសៈ (​មិន​ថា​ខែ​ណា ឬ​ខែ​ណា​ឡើយ​) ស្តា​យល៍​ច្រើន​ជាន់ និង​ងាយស្រួល​ក្នុងការ​ស្លៀកពាក់​ផងដែរ​។ យើង​ទាំងអស់​គ្នា​ក៏​សង្ឃឹម​យ៉ាង​មុតមាំ​ដែរ​ថា​កូឡិក​ហ្សិន​រដូវ​កាល​មុន​ស្លឹកឈើ​ជ្រុះ​គឺ​មាន​ច្រើន​ស្តា​យល៍​សម្រាប់​ដាក់​ចូល​ក្នុង​ទូ​សម្លៀក​បំពាក់​របស់​យើង​ផង​ដែរ​។ នេះ​នែ វិធី​ដែល​ម៉ាក Miu Miu និង Versace ក៏ដូចជា​កូឡិក​ហ្សិន​ជាច្រើន​ផ្សេងទៀត​កំពុងតែ​បំផុសគំនិតដ​ល់​ការ​ស្លៀកពាក់​របស់​យើងទាំងអស់គ្នា​។
1.​ ​លេង​គ្រឿង​អា​សេស​សឺ​រី​លើ​មួក​៖ ខែ​នេះ​ពិតជា​ត្រជាក់​ណាស់​ក្នុងការ​ធ្វើ​ដំណើរ​ទៅ​ខាងក្រោយ​ដោយ​មិន​ពាក់មួក​។ ប្រសិនបើ​អ្នក​ចង់​ឱ្យ​មួក​គ្មាន​ហាម Beanie និង​មួកកន្តឹប Basque កាន់តែ​លើក​សម្រស់​របស់​អ្នក អ្នក​គួរតែ​បន្ថែម​នូវ​បន្ទះ​ស្លាក​ដែល​មាន​អក្សរ​ផ្សេងៗ ម្ជុល​ក្លាស់ និង​កន្លាស់​ដែលមាន​ក្បូរក្បាច់​ស្អាតៗ​៖ អ្នក​អាច​ជ្រើសរើស​អ្វីមួយ​តែ​រៀង​ធំ​បន្តិច ឬ​ដាក់​ទាំង ២ ឬ ៣ បញ្ចូល​គ្នា មិន​ថា​បែប​ណា​ឡើយ អ្នក​ដឹង​តែ​ស្រស់​ស្អាត​ឥតខ្ចោះ​តែម្ដង​។​
2.​ ​ស្លៀក​រ៉ូប​រដូវក្ដៅដ៏​ស្រស់ស្អាត​៖ ចា៎ ពិតជា​អ៊‍ីចឹង​មែន​ហើយ​៖ ការ​ដែល​រៀបចំ​ទូ​សម្លៀក​បំពាក់​របស់​អ្នក​ដោយ​ដាក់​សម្លៀក​បំពាក់​រដូវ​ក្ដៅ និង​រដូវរងា​ដោយឡែក​ពីគ្នា​គឺ​ពិតជា​ហួស​សម័យ​ហើយ​។ អ្នក​មិន​ចាំបាច់​ធ្វើ​អ្វី​ទាំងអស់ ហើយ​ទុក​វា​ឱ្យ​នៅ​ឯ​កន្លែង​ដដែល​ចុះ​។ ពិតណាស់ អ្នក​គួរតែ​ប្រុងប្រយ័ត្ន​នៅពេលដែល​អាកាសធាតុ​ត្រជាក់ ប៉ុន្តែ​អ្នក​មិនបាច់​បារម្ភ​ពេក​នោះទេ អ្វី​ដែល​អ្នក​ត្រូវ​ធ្វើ​គឺ​ស្លៀកពាក់​ឱ្យបាន​ច្រើន​ជាន់​ទៅ​បាន​ហើយ​។ អាវ​ក​អណ្ដើក​ស័ក្ដិសម​បំផុត​ជាមួយ​រ៉ូប​ពណ៌​ស្រាលៗ ហើយ​អាវ​ក្រៅ​សម្រុង​វែង និង​កន្សែង​សាច់​ឡែន​។ សាកល្បង​ស្លៀកពាក់​បែប​នេះ​ល៎មើល៎​!
3. ខោ​ជើងវែង​៖ ខោជើងវែង​ដែល​មាន​សម្រុង​ដល់​កែងជើង​គឺ​ពិតជា​ស្រស់ស្អាត​ខ្លាំង​ណាស់​រហូតដល់​រដូវ​រងា​ឆ្នាំនេះ ប៉ុន្តែ​សម្រាប់​ពេល​ឥឡូវនេះ​ខោជើងវែង​គឺ​ពិតជា​ពេញនិយម​ខ្លាំងណាស់​។ វា​ប្រហែលជា​មិន​ងាយស្រួល​ប៉ុន្មាន​ឡើយ ជាពិសេស​នៅពេល​ដែល​មេឃ​ភ្លៀង ហើយ​អ្នក​នឹងត្រូវ​បោកគក់​ខោ​របស់​អ្នក​រៀង​រាល់​ពេល​ដែល​អ្នក​ស្លៀក​រួចហើយ​។ ម៉ាក់​របស់​អ្នកនឹង​សួរ​អ្នក​ជានិច្ច​ថា​តើ​អ្នកត្រូវការ​យក​ខោ​នោះ​ទៅឱ្យ​ជាងដេរ​កាត់​ជើងខោ​ចោល​ខ្លះ​ឬទេ ឬ​អ្នក​រវល់​ពេក​មិន​បាន​យកទៅ​? ប៉ុន្តែ​អ្នកជំនាញ​ខាង​ហ្វេ​ហ្សិន​ដឹង​ច្បាស់​ណាស់​ថា​អ្នក​កំពុងតែ​ធ្វើ​អ្វី​៖ ជាទូទៅ អ្នកនឹង​កាន់តែ​មាន​ភាព​ទាក់ទាញ​ខ្លាំង​ជាង​មុន​បន្ថែមទៀត​៕​

Continue Reading

Trending

Copyright © 2018 Ladies Magazine Cambodia.