Connect with us

ការហាត់​យោ​ហ្គាត​ម្រូ​វ​ឱ្យ​អ្នក​ធ្វើ​ចលនា​ច្រើន​ដូចជា​បង្វិល បែរ​ខ្លួន និង​ទប់ខ្លួន​។ អ្វី​ដែល​អ្នក​មិន​គួរ​ធ្វើ​មុន​ពេល​ហាត់​យោ​ហ្គា​គឺ​ញ៉ាំ​អាហារ​ដែល​ធ្វើឱ្យ​អ្នក​ឆ្អែត​ខ្លាំង​។ ការ​ញ៉ាំ​អាហារ​ដូចជា​ប៉ា​ស្តា​ជា​មួយគ្រីម ឬ​ប៊ឺ​ហ្គឺ​រ​ឈី​ស​ឌុប​ជាដើម ច្បាស់​ជា​ធ្វើឱ្យ​អ្នក​មាន​អារម្មណ៍​មិន​ស្រួល​ឡើយ​។ ដាច់ខាត​មិន​ត្រូវធ្វើ​បែប​នេះ​ឡើយ​។
​ក៏ប៉ុន្តែ ដោយសារ​តែ​ការហាត់​យោ​ហ្គា​ត្រូវការ​កម្លាំងកាយ និង​ការ​ផ្តោតអារម្មណ៍​ច្រើន ដូច្នេះ​អ្នក​ត្រូវធ្វើ​យ៉ាងណា​ឱ្យ​រាងកាយ​របស់​អ្នក​មាន​ថាមពល​គ្រប់គ្រាន់​ដើម្បី​ហា​ត់​។ ការពិតទៅ នៅពេល​ដែល​អ្នក​ហាត់​យោ​ហ្គា​ពេលពោះ​ទទេ អ្នក​នឹង​មិន​អាច​ហាត់​យោ​ហ្គា​ឱ្យបាន​ពេញលេញ​ដូច​ដែល​អ្នក​ចង់​បាន​ឡើយ​។ សាច់ដុំ​អាច​នឹង​ធំ និង​រឹងមាំ​ឡើង​បាន​លុះត្រាតែ​រាងកាយ​របស់​អ្នក​មាន​ថាមពល​គ្រប់គ្រាន់​ដើម្បី​បង្កើត​សាច់ដុំ​ថ្មី​ទៀត​។​
​ដើម្បី​អាច​ហាត់​យោ​ហ្គា​បាន​ពេញលេញ អ្នក​គួរតែ​ទទួលទាន​អាហារ​ស្រាលៗ​យ៉ាងហោច​ណាស់​ឱ្យបាន ២ ម៉ោង​មុន​ពេល​ហា​ត់​។ ខាងក្រោម​នេះ​ជា​អាហារសម្រន់​ទាំង ១០ ដែល​អ្នក​អាច​ញ៉ាំ​មុនពេល​ហាត់​យោ​ហ្គា​ដើម្បី​ទទួលបាន​លទ្ធផល​ល្អ ក៏​ដូចជា​ទទួលបាន​ថាមពល​សម្រាប់​ពេល​ហា​ត់​។​
​គ្រាប់​អាល់​ម៉ុន​
​ប្រសិនបើ​អ្នក​ចង់​ឱ្យ​រាងកាយ​របស់​អ្នក​មាន​ថាមពល​គ្រប់គ្រាន់​ក្នុង​អំឡុងពេល​ហាត់​យោ​ហ្គា និង​មិន​ចង់ឱ្យ​មាន​អារម្មណ៍​ឆ្អែត​ពេក អ្នក​អាច​ញ៉ាំ​គ្រាប់​អាល់​ម៉ុន​មួយ​ក្តាប់ដៃ​ពេញ​បាន​។ គ្រាប់​អាល់​ម៉ុន​សម្បូរ​ទៅ​ដោយ​ជាតិ​ប៉ូ​តា​ស្យូម វីតាមីន E ម៉ាញ៉េ​ស្យូម និង​សារធាតុ​ដទៃទៀត​ដែល​ជួយ​បង្កើន​កម្លាំង និង​ភាព​អំណ​ត់​។ មិន​ត្រូវ​ញ៉ាំ​អាល់​ម៉ុន​ផ្សំ​រសជាតិ​ផ្សេងៗ​ឡើយ ចូរ​ញ៉ាំ​អាល់​ម៉ុន​ស្រស់​ដែល​ផ្តល់​ប្រយោជន៍​យ៉ាង​ល្អ​ដល់​សុខភាព​។ ថាមពល​ដែល​អ្នក​ទទួលបាន​ពី​ការ​ញ៉ាំ​អាល់​ម៉ុន​ជួយ​ឱ្យ​អ្នក​អនុវត្ត​បាន​នូវ​ចលនា​លំបាកៗ​បាន​។ អ្នក​អាច​ញ៉ាំ​គ្រាប់​អាល់​ម៉ុន ៣០ នាទី​មុន​ហាត់​យោ​ហ្គា​បាន​។​
​ទឹក​ផ្លែឈើ​កិន​
​ទឹក​ផ្លែឈើ​កិន​គឺជា​ភេសជ្ជៈ​ដ៏​ល្អ​សម្រាប់​សុខភាព និង​មាន​រសជាតិ​ឆ្ងាញ់​។ ជ្រើសរើស​ផ្លែឈើ និង​បន្លែ​ពីរ​បី​មុខ រួច​កិន​ជាមួយ​ទឹកដោះគោ​អាល់​ម៉ុន​បន្តិច​ជា​ការស្រេច​។ ក៏​ប៉ុន្តែ​ការធ្វើ​ផ្លែឈើ​កិន​អាច​នឹង​ធ្វើឱ្យ​អ្នក​មាន​អារម្មណ៍​ចង់​ដាក់​បន្លែ​ផ្លែឈើ​ច្រើន​មុខ​ចូលគ្នា​។ ដូច្នេះ​ប្រសិនបើ​អ្នក​មិន​ចង់​ឱ្យ​ប្រព័ន្ធ​រំលាយ​អាហារ​របស់​អ្នក​មាន​បញ្ហា​ទេ ចូរ​ដាក់​តែ​ផ្លែឈើ និង​បន្លែ​ពីរ​បី​មុខ​បាន​ហើយ​។ អ្នក​អាច​កិន​ស្លឹក​ឃែល​ជាមួយ​ទឹកដោះគោអា​ល់​ម៉ុ​ន រួច​ញ៉ាំ​វា​រយៈពេល ២ ម៉ោង​មុន​ហាត់​យោ​ហ្គា ដើម្បី​កុំឱ្យ​អ្នក​មាន​អារម្មណ៍​ថា​ឆ្អែត​ពេក​។ អ្នក​អាច​ញ៉ាំ​ផ្លែឈើ​កិន​មុន​ហាត់​យោ​ហ្គា ១ ម៉ោង​បាន​។
​ផ្លែ​ចេក​
​ផ្លែ​ចេក​សម្បូរ​ទៅ​ដោយ​ជាតិ​ប៉ូ​តា​ស្យូម និង​មាន​សមត្ថភាព​ជួយ​ឱ្យ​រាងកាយ​អ្នកមាន​ជាតិ​ទឹក​គ្រប់គ្រាន់​ក្នុង​អំឡុងពេល​ហាត់​យោ​ហ្គាដ៏​លំបាក​។ ដូច្នេះហើយ ចូរ​ជ្រើសរើស​ផ្លែ​ចេក​ធ្វើ​ជា​អាហារសម្រន់​មុន​ហាត់ប្រាណ និង​រីករាយ​ហាត់ប្រាណ​ដោយ​មិន​មាន​អារម្មណ៍​ថា​ខ្វះ​ជាតិ​ទឹក​។ អ្នក​អាច​ញ៉ាំ​ផ្លែ​ចេក​ពីរ​បី​ផ្លែ​រយៈពេល ៣០ នាទី​មុន​ហាត់ប្រាណ​។​
​ទឹកដោះគោ​ជូរ Greek
​ប្រសិនបើ​អ្នក​មិន​បាន​លឺឈ្មោះ​ទឹកដោះគោ​ជូរ Greek នោះទេ អ្នក​ប្រហែល​ជា​រស់នៅ​ក្នុង​រូងភ្នំ​ហើយ​។ ទឹកដោះគោ​ជូរ Greek គឺ​ល្អ​សម្រាប់​ប្រព័ន្ធ​រំលាយ​អាហារ និង​សម្បូរ​ទៅ​ដោយ​ជាតិ​ប្រូតេអ៊ីន និង​ឡាក់​តូ​ស​។ សារធាតុ​ឡាក់​តូ​ស​ផ្តល់​ថាមពល​ឱ្យ​រាងកាយ​ដើម្បី​ហា​ត់លំ​ហាត់ប្រាណ​ដែល​ច្រើន និង​ពិបាក​។ អ្នក​អាច​ញ៉ាំ​ទឹកដោះគោ​ជូរ Greek រយៈពេល ១ ម៉ោង​មុន​ហាត់​យោ​ហ្គា​។​
​ផ្លែ​ឪឡឹក​
​នៅពេល​ហាត់​យោ​ហ្គា អ្នក​ត្រូវ​រក្សា​រាងកាយ​ឱ្យមាន​ជាតិ​ទឹក​គ្រប់គ្រាន់ ហើយ​គ្មាន​អ្វី​ដែល​ជួយ​ឱ្យ​រាងកាយ​អ្នកមាន​ជាតិ​ទឹក​គ្រប់គ្រាន់​ល្អ​ជាង​ផ្លែ​ឪឡឹក​ឡើយ​។​
​ផ្លែ​ឪឡឹក​សម្បូរ​ជាតិ​ទឹក​ខ្ពស់ ហើយ​ការ​ញ៉ាំ​ផ្លែ​ឪឡឹក​មុន​ហាត់​យោ​ហ្គា​ជួយ​ឱ្យ​រាងកាយ​របស់​អ្នក​មាន​អារម្មណ៍​ស្រស់​ស្រាយ​។ ផ្លែ​ឪឡឹក​នឹង​ជួយ​ឱ្យ​រាងកាយ​របស់​អ្នក​មាន​ភាព​សកម្ម​ក្នុងអំឡុងពេល​ហាត់ប្រាណ និង​ជួយ​ឱ្យ​អ្នក​មិន​វិលមុខ​ឡើយ​។ អ្នក​អាច​ញ៉ាំ​ផ្លែ​ឪឡឹក​មុន​ហាត់​យោ​ហ្គា ១ ម៉ោង​។​
​បន្លែ​បៃតង​
​វិធី​ដ៏​ល្អ​បំផុត​ដើម្បី​កុំឱ្យ​មាន​អារម្មណ៍​ថា​ឆ្អែត​ខ្លាំង​មុន​ពេល​ហាត់ប្រាណ គឺ​ញ៉ាំ​បន្លែ​បៃតង​ដូចជា​ស្លឹក​ឃែល ស្ពៃ Romaine ស្ពៃ​អេពី​ណា និង​បន្លែ​ដទៃទៀត​។ បន្លែ​បៃតង​ទាំងនេះ​ផ្តល់​ថាមពល​ដល់​រាងកាយ​យ៉ាង​ច្រើន​ព្រោះ​វា​សម្បូរ​ដោយ​វីតាមីន B និង​សារធាតុ​អាហារូបត្ថម្ភ​ដទៃទៀត​ជាច្រើន​។ ការ​ញ៉ាំ​បន្លែ​បៃតង​មួយ​ចាន​នឹង​ជួយ​កាត់បន្ថយ​ជាតិ​អាស៊ីដ​ក្នុង​ឈាម និង​បង្កើន​អុកស៊ីហ្សែន​ជួយ​ឱ្យ​អ្នក​ដកដង្ហើម​បានល្អ​ក្នុង​អំឡុងពេល​ហាត់​យោ​ហ្គា​។ អ្នក​អាច​ញ៉ាំ​បន្លែ​បៃតង ៣០ នាទី​មុនពេល​ហាត់​យោ​ហ្គា​។
​ដុំ​គ្រាប់​ធញ្ញជាតិ​លាយ​ផ្លែឈើ​
​ដុំ​គ្រាប់​ធញ្ញជាតិ​លាយ​ផ្លែឈើ​គឺជា​អាហារសម្រន់​ដ៏​ល្អ​បំផុត​ដែល​អ្នក​គួរ​ញ៉ាំ​មុនពេល​ហាត់ប្រាណ ព្រោះ​វា​សម្បូរ​ជាតិ​ស្ករ​ដែល​ជួយ​បង្កើន​ថាមពល​ដល់​រាងកាយ​។ ក៏ប៉ុន្តែ​ត្រូវ​ចាំ​ថា​អ្នក​មិន​ត្រូវ​ជ្រើសរើស​ដុំ​គ្រាប់​ធញ្ញជាតិ​ណា​ដែល​មាន​ជាតិ​កាឡូរី​ច្រើនពេក​ឡើយ​។ គប្បី​គួរ​ជ្រើសរើស​ដុំ​គ្រាប់​ធញ្ញជាតិ​ដែលមាន​អត្រា​កាឡូរី​ពី ២០០ ទៅ ៣០០ ដើម្បី​ញ៉ាំ​មុន​ហាត់ប្រាណ​។ អ្នក​អាច​ញ៉ាំ​ដុំ​គ្រាប់​ធញ្ញជាតិ​លាយ​ផ្លែឈើ ១ ម៉ោង​កន្លះ​មុន​ហាត់​យោ​ហ្គា​។
​ម្សៅ​ធញ្ញជាតិ​
​ធញ្ញជាតិ​គឺ​សម្បូរ​ទៅ​ដោយ​សារធាតុចិញ្ចឹម និង​ថាមពល​។ ទាំងនេះ​ជា​សារធាតុ​ដែល​រាងកាយ​របស់​អ្នកត្រូវការ​បំផុត​ដើម្បី​ត្រៀម​ខ្លួន​ហាត់​យោ​ហ្គាដ៏​តឹងតែង​។ ម្សៅ​ធញ្ញជាតិ​សម្បូរ​ទៅដោយ​ជាតិ​ម៉ាញ៉េ​ស្យូម និង​ជាតិ​សរសៃ​រំអិល​ដែល​សារធាតុ​ទាំងពីរ​នេះ​គឺ​សុទ្ធតែ​ជួយ​បង្កើន​កម្រិត​ថាមពល​នៅក្នុង​រាងកាយ និង​ជួយ​បង្ការ​កុំឱ្យ​មាន​ការឈឺចាប់​រមួល​ក្រពើ​។ ម្សៅ​ធញ្ញជាតិ​មួយ​ចាន​ក៏​ផ្តល់​នូវ​វីតាមីន B ដល់​រាងកាយ​របស់​អ្នក​ផងដែរ​។ ត្រូវ​ចាំ​ថា​អ្នក​គួរ​ញ៉ាំ​ម្សៅ​ធញ្ញជាតិ​យ៉ាងហោចណាស់ ១ ម៉ោង​មុន​ហាត់ប្រាណ​។​
​ផ្លែ​ភែ​រស៍​
​អាហារសម្រន់​ដ៏​ល្អ​បំផុត​មុន​ហាត់ប្រាណ​គឺ​ផ្លែឈើ និង​បន្លែ​។ ផ្លែ​ភែ​រស៍​គឺ​ជា​ផ្លែ​ឈើ​ដែល​អ្នក​អាច​ញ៉ាំ​មុន​ហាត់ប្រាណ​ដោយ​វា​សម្បូរ​ទៅដោយ​ជាតិ​សរសៃ ជួយ​ឱ្យ​រាងកាយ​អ្នកមាន​ថាមពល និង​សកម្ម​។ អ្នក​អាច​ញ៉ាំ​ផ្លែ​ភែ​រស៍​មួយ​ផ្លែ​មុន​ពេល​ហាត់ប្រាណ ៣០ នាទី​។ ក៏​ប៉ុន្តែ​ប្រសិនបើ​រាងកាយ​អ្នក​ដុត​រំលាយ​អាហារ​យឺត អ្នក​គួរតែ​ញ៉ាំ​វា​ឱ្យបាន ១ ម៉ោង​មុន​ហាត់ប្រាណ​។​
​ផ្លែ​ប៉ោម​
​អ្នក​មិន​ចាំបាច់​ធ្វើឱ្យ​អាហារសម្រន់​មុន​ហាត់ប្រាណ​របស់​អ្នក​មាន​ភាពស្មុគស្មាញ​ឡើយ​។ គ្រាន់តែ​ញ៉ាំ​ផ្លែ​ប៉ោម ១ ផ្លែ​មុន​ហាត់ប្រាណ ១ ម៉ោង អ្នក​នឹង​ទទួលបាន​ថាមពល​គ្រប់គ្រាន់​សម្រាប់​ធ្វើ​ចលនា​លំបាក​ផ្សេងៗ​បាន​ផង​ដែរ​។ ផ្លែ​ប៉ោម​សម្បូរ​ទៅដោយ​ជាតិ​សរសៃ វីតាមីន​ស៊ី ស្ករ និង​សារធាតុ​ដទៃទៀត​ដែល​ជួយ​ឱ្យ​រាងកាយ​របស់​អ្នក​មាន​អារម្មណ៍ល្អ​ក្នុងអំឡុងពេល​ហាត់ប្រាណ​។​
​គោលបំណង​ញ៉ាំ​អាហារសម្រន់​មុន​ហាត់​យោ​ហ្គា​គឺ​ដើម្បី​ជួយ​ឱ្យ​រាងកាយ​របស់​អ្នក​មាន​ថាមពល​គ្រប់គ្រាន់​ក្នុង​ការអនុវត្ត​ចក្រៈ​សំខាន់ៗ និង​ចលនា​យោ​ហ្គា​ផ្សេងៗ​៕​

Health & Fitness

អ្នក​ច្បាស់​ជា​លែង​ខ្វះខាត​គ្រឿងសម្ល​ទៀតហើយ​

បង្កើត​សួន​ដំណាំ​គ្រឿង​ទេស​ដោយ​ខ្លួនឯង​

​សម្រាប់​ចុងភៅ​ជំនាញ ពួក​គេ​ច្បាស់​ជា​ប្រាប់​អ្នក​ថា​គ្រឿងទេស​ដែល​ល្អ​បំផុត​គឺ​ជា​គ្រឿងទេស​ដែល​ទើប​បេះ​ថ្មីៗ ជាពិសេស​គឺ​គ្រឿងទេស​ដែល​ដាំ​ដោយ​ផ្ទាល់​ដៃ​របស់​អ្នក​តែម្តង​។​
​ខាងក្រោម​នេះ​ជា​គន្លឹះ​ងាយៗ​ដើម្បី​បង្កើត​សួន​ដំណាំ​គ្រឿងទេស​ដ៏​មាន​អត្ថប្រយោជន៍​នៅក្នុង​ផ្ទះបាយ​របស់​អ្នក​។​

​ជ្រើសរើស​ទីតាំង​
​ទីកន្លែង​ដ៏​ល្អ​បំផុត​សម្រាប់​ដាំ​ដំណាំ​គ្រឿងទេស​គឺ​ជ្រើសរើស​កន្លែង​ណា​ដែល​ស្ថិតនៅក្រោម​ពន្លឺព្រះអាទិត្យ​យ៉ាងហោចណាស់ ៦ ម៉ោង​ក្នុង​មួយថ្ងៃ​។ នៅ​គែម​បង្អួច​គឺ​កន្លែង​ដ៏​ល្អ​បំផុត​សម្រាប់​ដាំ​គ្រឿងទេស​នៅក្នុង​កូន​ផើង​តូចៗ​។​

​ការត្រៀម​សម្រាប់​ដាំ​ដំណាំ​
​ដំបូង​ចូរ​ជ្រំដី​ឱ្យ​ធូរ​បន្ទាប់​មក​បន្ថែម​ជី​រកំ​ប៉ុស ល្បាប់​ភក់ ស្លែ ឬ​ខ្សាច់​គ្រើម​ពីលើ​ដី​ដើម្បី​ឱ្យ​ដី​ងាយ​ស្រូបយក​ទឹក​។ ចូរ​ដាំ​នៅ​ពេល​ព្រឹក​ព្រលឹម ឬ​ពេល​ល្ងាច​ដើម្បី​ការពារ​កុំឱ្យ​ដំណាំ​ប្រែជា​ស្លោក​ដោយសារ​ពន្លឺ​កម្តៅ​ថ្ងៃ​។​

​ការជីក​ដី​ដាំ​ដំណាំ​
​ចូរ​ចោះ​ប្រហោង​ធំៗ​សម្រាប់​ដាំ​ដំណាំ​។ ប្រហោង​នីមួយៗ​គួរតែ​មាន​ទំហំ​ធំ​ជាង​ពីរដង​នៃ​ទំហំ​ទទឹង​របស់​ឫស​ដំណាំ​ថ្មី​។​

A gardener plants a broad bean plant in a raised bed.

​របៀប​ដាំ​ដំណាំ​
​ចូរ​ក្រាល​ដំណាំ​ឱ្យនៅ​ឃ្លាត​ពីគ្នា​យ៉ាងហោចណាស់ ១៨ អ៊ី​ញ​ដើម្បី​វា​មាន​កន្លែង​ធំ​លូតលាស់​គ្រប់គ្រាន់​។ ចូរ​តម្រៀប​ដំណាំ​ខ្ពស់ៗ​ដូចជា​ជីរ Sage ដើម Rosemary ដើម Marjoram នៅ​ខាងក្រោយ រួច​តម្រៀប​ដំណាំ​ខ្លីៗ​ដូចជា​ស្លឹក Parsley និង​ស្លឹក Cilantro នៅខាងមុខ​។​

​បិទ​ឈ្មោះ​ដំណាំ​
​ចូរ​បិទ​ឈ្មោះ​ដំណាំ​ដើម្បី​ងាយស្រួល​ចំណាំ​។​


​ដាំ​ចម្រុះ​ជា​មួយ​ដើម​ផ្កា​ដទៃទៀត​
​ធ្វើឱ្យ​សួន​ដំណាំ​គ្រឿងទេស​របស់​អ្នក​កាន់តែ​ស្រស់ស្អាត​តាមរយៈ​ការដាំ​វា​ចម្រុះ​ជាមួយ​ដើម​ផ្កា​ស្អាតៗ​ដូចជា​ផ្កា Zinnias និង​ផ្កា Salvia​។​

​ស្រោច​ទឹក​ឱ្យបាន​ទៀងទាត់​
​ចូរ​ស្រោច​ទឹក​ដំណាំ​ថ្មីៗ​របស់​អ្នក​ឱ្យបាន​ច្រើន និង​ទៀងទាត់​។ ធ្វើយ៉ាងណា​ឱ្យ​សួន​ដំណាំ​របស់​អ្នក​ទទួល​បាន​ទឹក​មួយ​អ៊ី​ញ​រៀង​រាល់​សប្តាហ៍​។​


​ការប្រមូល​ផល​ពេល​ដែល​ដំណាំ​ចាស់​ល្អ​
​អ្នក​អាច​ប្រមូល​ផល​បាន​ភ្លាមៗ​នៅពេល​ដែល​ដំណាំ​របស់​អ្នក​ចាស់​ល្អ ក៏ប៉ុន្តែ​ចូរ​យកតែ​ដំណាំ​ណា​ដែល​អ្នក​ត្រូវ​ការ​បាន​ហើយ​។ មិន​ត្រូវ​ប្រមូល​ផល​ច្រើន​ហួសហេតុ​ពេក​ឡើយ (​ឧទាហរណ៍ បេះ​យក​ច្រើន​ជាង​បី​ភាគ​នៃ​ដំណាំ​ទាំងមូល​)​។ ដំណាំ​គ្រឿងទេស​មាន​រសជាតិ​ឆ្ងាញ់​បំផុត​នៅពេល​ដែល​បេះ​ពេលព្រឹក ហើយ​វា​មាន​រសជាតិ​ល្អ​បំផុត​នៅពេល​ដែល​យើង​បេះ​មុន​ពេល​វា​ចេញ​ពន្លក​ផ្កា​៕​

Continue Reading

Health & Fitness

​អ្វី​ដែល​អ្នក​ត្រូវការ​ជា​ចាំបាច់​ក្នុង​អំឡុង​ពេល​សម្រាលកូន​

សម្ភារៈ​ចាំបាច់​ដែល​ម្តាយ​គ្រប់រូប​ត្រូវមាន​នៅ​ក្នុង​កាបូប​…

សម្ភារៈ​ចាំបាច់​ដែល​ម្តាយ​គ្រប់រូប​ត្រូវមាន​នៅ​ក្នុង​កាបូប​

១.) អាវ​រងា​
​មិនថាឡើយ​មន្ទីរពេទ្យ​ឬ​កន្លែង​ណាៗ​ក៏ដោយ​នៅ​ពេល​ឆ្លងទន្លេ​អ្នក​អាច​នឹង​មាន អារម្មណ៍​ថា​ត្រជាក់​ស្រិចៗ ឬក៏​សីតុណ្ហភាព​ក្នុង​ខ្លួន​របស់​អ្នក​អាច​មាន​ការប្រែប្រួល ដូច្នេះ​អាវ​រងា​គឺជា​ជម្រើស​ដ៏​ល្អ​មួយ​នៅពេល​ដែល​អ្នក ត្រូវការ​ភាពកក់ក្តៅ​។

២.) ខោ​អាវទ្រនាប់​សម្រាប់​ស្ត្រី​មាន​ផ្ទៃពោះ
​ខោ​ទ្រនាប់​រឹបៗ​ឬក៏​ហ្គេន​រឹ​ប​រាង​មិនមែន​ជា​ជម្រើស​ល្អ​សម្រាប់​អ្នក​នៅ​ពេល​ដែល​អ្នក​កំពុង​ពរ​ពោះ​នោះទេ​។ អ្នក​ត្រូវ​ត្រៀម​ខ្លួន​សម្រាប់​បញ្ហា​មួយចំនួន​ដូចជា​អាការ​ឈាម​ហូរ តាម​ទ្វារមាស អាការ​លេច​នោម​ពេល​កណ្ដាស់ និង​អា​ការឈឺ​សុដន់​ជាដើម ដូចនេះ ចូរ​ស្លៀក​សំលៀក​បំពាក់​ណា​ដែល​រលុងៗ​ដើម្បី​ផ្តល់​ភាពងាយស្រួល​សម្រាប់​អ្នក​ទើប​ជា​ការល្អ​។​
៣.)​ក្រែមការពារ​ប្រេះប​បូរ​មាត់​
​បបូរមាត់​ស្ងួត​ឬ​ប្រេះ​អាច​ជា​បញ្ហា​ដែល​គួរ​ឱ្យ​ធុញទ្រាន់​ដូចនេះ​ការដាក់​ក្រែ​មលាប​ការពារ​ប្រេះប​បូ​រ​មាត់​ជាប់​ខ្លួន​គឺជា​ដំណោះស្រាយ​ដ៏​ល្អ​មួយ​នៅពេល​ដែល​បបូ​មាត់​របស់ អ្នក​ខ្វះ​ជាតិ​សំណើម​។
៤.) ឆ្នាំង​សាក​ទូរស័ព្ទ​
​ដាក់​ឆ្នាំ​សាក់​ទូរស័ព្ទ​បំរុង​ទុក​ជាប់​តាម​ខ្លួន​ជា​ជម្រើស​មួយ​ដ៏​ល្អ​ព្រោះ​ថា​នៅពេល​ដែល​អ្នក​សម្រាក​ក្នុង​ពេល​ឆ្លងទន្លេ​ទូរស័ព្ទ​របស់​អ្នក​អាច​នឹង​ត្រូវ​មាន​គេ​យក​ទៅ​ប្រើប្រាស់​ច្រើន​ឬ​ម្តងម្កាល​ហើយ​ត្រូវ​ប្រាកដថា​ចិត្ត​របស់​អ្នក​ត្រូវ​បើក​ឱ្យ​ទូលាយ​ចំពោះ​បញ្ហា​នេះ​ផង​ដែរ​។

៥.) សម្លៀក​បំពាក់​ទូលាយៗ​
​បន្ទាប់​ពី​ផ្តល់​កំណើត​ដល់​ទារក​រួច​អ្នក​ប្រា​ដក​ជា​ត្រូវការ​អ្វី​តិចតួច​ហើយ​ដើម្បី​ផា សុកភាព​ផ្ទាល់ខ្លួន​របស់​អ្នក​ហើយ​។ សម្លៀក​បំពាក់​រលុងៗ​ឬ​ស្តើង​អាច​នឹង​មាន​ភាព ចាំបាច់ សម្រាប់​អ្នក​ព្រោះ​ថា​អ្នក​អាច​នឹង​ត្រូវការ​វា​ជា​ញឹកញាប់​នៅក្នុប​ពេល​ចាំបាច់​។
៦.) ទស្សនា​វ​ដ្តី ឬ សៀវភៅ​
​ក្រោយ​ពេល​ឆ្លងទន្លេ​រួច​អ្នក​ម្តាយ​អាច​នឹង​តំរូវ​ឱ្យ​សម្រាក​ក្នុង​អំឡុងពេល​យូរ​នៅលើ​គ្រែ​ដូចនេះ​ដើម្បី​ជា​ជំនួយ​ក្នុង​ពេល​សំរាក​នោះ​ទស្សនា​វ​ដ្តី​ឡេឌី​ស៍​អាច​ជា​ជម្រើស​ដ៏​ល្អ​បំផុត​សម្រាប់​អ្នក​។​
៧.)​ឈុត​សម្លៀកបំបាក់​គេង​យប់​
​ឈុត​ដែល​ពេញនិយម​ជាងគេ​សម្រាប់​អ្នក​ម្តាយ​នៅ​ក្នុង​ឈុត​សម្លៀកបំបាក់​គេង​យប់​ដែល​មាន​រូប​ស្អាតៗ​នៅ​ពី​លើ​។ ដូចនេះ​ជ្រើស​យក​ប៉ុន្មាន​ឈុត​គេង​ដែល​អ្នក​ស្រលាញ់​ជាងគេ គឺជា​ជម្រើស​ដ៏​ល្អ​បំផុត​។​
៨.) ភួយ​ដណ្តប់​
​មាន​ភួយ​ឬ​ផាហ៊ុម​ដាក់​តាម​ខ្លួន​នៅ​ពេល​ដែល​អ្នកត្រូវការ​របស់​ទន់ៗ​ដើម្បី​កល់​ដំណេក ស្អំ​ក្បាល ឬក៏​រុំ​ដណ្តប់​ទារក​របស់​អ្នក​ដែល​ទើប​នឹង​កើត​ជា​ដើម​។
៩.) កាមេរ៉ា និង ឆ្នាំង​សាក​កាមេរ៉ា​
​ថ្ងៃ​ឆ្លង​ទន្លេ​គឺជា​ថ្ងៃ​សំខាន់​បំផុត​ហើយ​វេលា​មួយ​ដ៏​ពិសេស​ដែល​អ្នក​មិន​អាច​បំភ្លេច​ផងដែរ​។​


១០.) សម្ភារៈ​បរិក្ខារ​
​អ្វី​ដែល​អ្នក​ត្រូវ​មាន​ជា​ចាំបាច់​និង​មិន​អាច​ខ្វះ​បាន​ដូចជា ក្រាស​សិតសក់ ច្រាស់​ដុសធ្មេញ ថ្មាំ​ដុសធ្មេញ ថ្មាំ​បំបាត់​ក្លិន ទឹក​/​សាប៊ូ​លាងមុខ គ្រឿង​តុបតែង​មុខ សាប៊ូកក់សក់ ផលិតផល​បន្ទន់​សក់ ឡេ​លាប និង​ថ្មាំ​ដាក់​ភ្នែក​ជាដើម ។​ល​។​
១១.) ចម្រៀង​សំណប់​ចិត្ត​
​ការ​ផ្តល់​កំណើត​អាច​ជា​បទពិសោធន៍​មួយ​ដ៏​តានតឹង​មួយ​និង​ពិបាក​មួយ​។ ស្តាប់​បទ​ចម្រៀង​ដែល​អ្នក​ចូលចិត្ត​អាច កាត់បន្ថយ​ភាព​តានតឹង និង ជួយ​ឱ្យ​អ្នក​មាន​អារម្មណ៍​ស្រស់ថ្លា​។
១២.) ស្រោម​ជើង​
​ ​ដើម្បី​រក្សា​ភាព​កក់ក្តៅ និង​អារម្មណ៍​ស្រស់ថ្លា​
១៣.) អាហារសម្រន់​
​មាន​អាហារសម្រន់​បន្តិចបន្តួច​អាច​ជួយ​បង្អន់​នៅពេល​ដែល​ឃ្លាន (​ដូចជា ម្ជូ​រ សណ្តែកដី ជាដើម​។​ល​។​)


១៤.) ប្រាក់​បំរុង​
​ក្នុងករណី​ដែល​អ្នកត្រូវការ​ជិះ​តាក់ស៊ី​ឬក៏​រ៉ឺម៉ក​មក​ផ្ទះ​វិញ​ឬ​ត្រូវ​នរណា​ម្នាក់​ដើម្បី​ជា​ជំនួយ​ក្នុង​ពេល​ត្រូវ​ការទិញ​សម្ភារៈ​ចាំបាច់​ក្នុងពេល​បន្ទាន់​។ មាន​ប្រាក់​បំរុង​ទុក​ក្នុង​ដៃ​ក៏​ជា ដំណោះស្រាយ​ដ៏​សំខាន់​មួយ​ដែរ​។
១៥.) សម្លៀក​បំពាក់​សម្រាប់​ទារក​ដំបូង​
​ត្រៀម​សម្លៀកបំពាក់​ដំបូង​សម្រាប់​ទារក ជា​ពិសេស​ពេល​ដែល​ទារក​ចាប់កំណើត​រួច

Continue Reading

Health & Fitness

​ភេសជ្ជៈ​ខក់​ថែ​ល Cupid’s Arrow

គ្រឿងផ្សំ​៖…

គ្រឿងផ្សំ​៖
•​ ​ស្រា​ផ្លែឈើ Boulard VSOP Calvados ១ អោ​នស៍​
•​ ​ស្រា​វ៉​ដ​កា Absolut Raspberri ១/២ អោ​នស៍​
•​ ​ស្រា​សូកូឡា White Godiva ពណ៌​ស ១ អោ​នស៍​
•​ ​ទឹក​ស៊ីរ៉ូ​ធម្មតា ១/២ អោ​នស៍​
•​ ​ទឹក​ផ្លែ​ទទឹម​ស្រស់ ១/៤ អោ​នស៍​
•​ ​ស្ករ​វ៉ា​នី​ឡា​ពី​ធម្មជាតិ​ទុក​សម្រាប់​លាប​មាត់​កែវ​
​ផ្លែ​រ៉ាស់​ប៊ែ​រី​ស្រស់ទុក​សម្រាប់​លម្អ​

​វិធី​ធ្វើ​៖
​ផ្តិត​មាត់​កែវ​ជាមួយ​ស្ករ​វ៉ា​នី​ឡា​។
•​ ​ចាក់​ស្រា Calvados វ៉​ដ​កា ស្រា​សូកូឡា និង​ទឹក​ស៊ីរ៉ូ​ចូលទៅ​ក្នុង​ឧបករណ៍​ក្រឡុក​ស្រាដែ​ល​មាន​ទឹកកក​នៅ​ខាងក្នុង​។​
•​ ​ក្រឡុក​ឱ្យ​សព្វ​។​
•​ ​ច្រោះ​រួច​ចាក់​ចូលក្នុង​កែវ​ដែល​បាន​ត្រៀម​ទុក​។​
•​ ​ចាក់ទឹក​ផ្លែ​ទទឹម​ស្រស់​បន្ថែម​ពីលើ​។
•​ ​បន្ទាប់​មក​លម្អ​កែវ​ជាមួយ​ផ្លែ​រ៉ាស់​ប៊ែ​រី​ដោតឈើ​។​

Continue Reading

Trending

Copyright © 2018 Ladies Magazine Cambodia.