ខ្មែរ
English
តាមពិតការញ៉ាំសាឡាត់ – Salad សម្រាប់ការសម្រកទម្ងន់ ឬដើម្បីទទួលបានសុខភាពល្អមិនមែនជារឿងពិបាកនោះទេ ថ្វីបើសាឡាត់ជារឿយៗមិនសូវលាយជាមួយប្រភេទសាច់ ប៉ុន្តែប្រសិនបើអ្នកចេះអំពីវិធីលាយទឹកស្រូបពីលើសាឡាត់ដែលមានឱជារសឆ្ងាញ់ អ្នកច្បាស់ជានឹកចង់ញ៉ាំសាឡាត់ជារៀងរាល់ថ្ងៃហើយ។
ខាងក្រោមនេះ គឹជាវិធីសាស្រ្តធ្វើទឹកសាឡាត់ដ៏ឈ្ងុយឆ្ងាញ់ទាំង 5 ៖
ទឹកសាឡាត់ Mustard ទឹកឃ្មុំ
ដាក់ទឹក Mustard, ទឹកឃ្មុំ, ទឹកខ្មេះប៉ោម និងម្រេចដាក់ក្នុងក្រឡបិទជិត រួចក្រឡុកឱ្យខ្លាំងរយៈពេល 10 វិនាទី ដើម្បីឱ្យល្បាយខាំចូលគ្នាទៅជាខាប់ និងទទួលបានរសជាតិដ៏ឆ្ងាញ់ដែលមិននឹកស្មានដល់។
ទឹកសាឡាត់ Passion Fruit
ជ្រើសយកផ្លែផាសសិនដែលមានរសជាតិរៀងផ្អែមបន្តិច ដើម្បីឱ្យសមាមាត្រជាមួយទឹកច្របាច់ចេញពីក្រូចឆ្មាស្រស់ៗ រួចលាយជាមួយទឹកឃ្មុំឱ្យមានក្លិនឈ្ងុយក្នុងការទទួលទាន។ កូរល្បាយទាំង 3 ឱ្យសព្វ សឹមយកទៅស្រូបលើសាឡាត់របស់អ្នក។
ទឹកខ្មេះស្រាក្រហម ជាមួយ Mustard ពណ៌លឿង
ទឹកស្រូបសាឡាត់មួយនេះមានការពេញនិយមយ៉ាងខ្លាំងនៅប្រទេសបារាំង សឹងទូទាំងភោជនីយដ្ឋានទាំងអស់ប្រើប្រាស់រូបមន្តទឹកជ្រលក់នេះ។ លាយទឹកខ្មេះស្រាក្រហម, ទឹក Mustard ពណ៌លឿង ដោយបន្ថែមចំណិតខ្ទឹមបារាំងតូចៗ រួចដាក់អំបិល និងម្រេចបន្តិចហើយច្របល់ចូលគ្នាឱ្យសព្វ។
ទឹកសាឡាត់ទឹកដោះគោជូរជាមួយក្លិនវ៉ានីឡា
គ្រឿងផ្សំរួមមាន ទឹក Mayonnaise 2 ស្លាបព្រាបាយ, ទឹកដោះគោជូរ 1 ពែងតូច, ទឹក Mustard 1 ស្លាបព្រា រួចលាយល្បាយទាំង 3 ចូលគ្នាឱ្យសព្វទើបធ្វើការបន្ថែម អំបិល ម្រេច និងស្លឹក Basil ឬ Parsley ស្រស់ៗតាមចំណូលចិត្ត។
Lemon vinaigrette
ជាដំបូងច្របាច់ក្រូចឆ្មាចំនួន 2 ស្លាបព្រាបាយ រួចថែមអំបិលបន្តិច បន្ទាប់មកដាក់ប្រេងអូលីវចំនួន 6 ស្លាបព្រាបាយ ហើយកូរវាឱ្យសព្វចូលគ្នា នោះអ្នកនឹងទទួលបានទឹកស្រូបសាឡាត់ដែលបន្ថែមរសជាតិពិសេសដល់មុខម្ហូបរបស់អ្នក។
