តើហេតុអ្វីសក់មានសារៈសំខាន់សម្រាប់សម្រស់?

សក់ជាផ្នែកមួយដែលបង្ហាញពីសម្រស់របស់មនុស្សម្នាក់ៗ ។ មិនថាសក់វែង ខ្លី លាបពណ៍ សក់រួញឬត្រង់ ក៏ដោយ កាលណាយើងចេះថែរក្សា និង រៀបចំឲ្យបានត្រឹមត្រូវសក់អ្នកនឹងមានសុខុមាលភាពល្អ និងរលាស់រលោងជារៀងរាល់ថ្ងៃ។
ជាការពិតណាស់កាលណាសក់មានសុខភាពល្អ និងរៀបចំបានត្រឹមត្រូវ អ្នកអាចមានទំនុកចិត្តលើខ្លួនឯង ។មនុស្សដែលមានសក់ស្អាត តែងមានអារម្មណ៍ល្អ និងមានភាពជឿជាក់នៅក្នុងជីវិតប្រចាំថ្ងៃ។

ខាងក្រោមនេះជាគន្លឹះសំខាន់ៗដែលធ្វើអោយសក់អ្នកមានភាពទាក់ទាញ ៖

• បង្កើនភាពទាក់ទាញ : សក់ដែលមានសុខភាពល្អ នឹងធ្វើអោយមុខរបស់របស់អ្នកមានភាពស្រស់ស្អាតជាងមុន។ចំពោះរូបរាងសក់(វែង, ខ្លី, រួញ, ត្រង់) អាចប៉ះពាល់ដល់រូបសម្បត្តិទាំងមូលផងដែរ។

• បង្ហាញពីអត្តសញ្ញាណ និងរចនាប័ទ្ម : មនុស្សគ្រប់រូបអាចជ្រើសរើសរចនាប័ទ្មតាមបែបផែនរបស់ខ្លួនដូចជា( Classic , Modern , Trendy) និង ការលាបពណ៌សក់ ។

• បង្កើនទំនុកចិត្ត : សក់ដែលមានសុខភាពល្អ និងរៀបចំបានត្រឹមត្រូវ អាចជួយឱ្យអ្នកមានទំនុកចិត្តលើខ្លួន មនុស្សដែលមានសក់ស្អាតតែងមានអារម្មណ៍ល្អ និងមានភាពជឿជាក់។

• បញ្ជាក់ពីអាយុ និង អាកប្បកិរិយា : សក់អាចធ្វើឱ្យអ្នកមើលទៅវ័យក្មេងជាងអាយុពិត បើអ្នកថែរក្សាសក់ឱ្យបានត្រឹមត្រូវ ផ្ទៃមុខរបស់អ្នកនឹងផ្លាស់ប្តូរទៅតាមរូបរាងសក់។