ពិធីរៀបមង្គលការ កូនមហាសេដ្ឋីឥណ្ឌា និងជាអ្នកមានទ្រព្យសម្បត្តិច្រើនបំផុតនៅក្នុងទ្វីបអាស៊ី

មង្គលការរបស់កូនមហាសេដ្ឋីមានបំផុតនៅអាស៊ី បានប្រព្រឹត្តទៅកាលពីពេលថ្មីៗនេះ ក្រោមវត្តមានចូលរួមពីសំណាក់បុគ្គលល្បីៗនៅលើពិភពលោក មានទាំងអតីតនាយករដ្ឋមន្រ្តី​ តារាភាពយន្ត​ តារាចម្រៀង និង CEO ក្រុមហ៊ុនបច្ចេកវិទ្យាយក្ស។

Mukesh Ambani ​កូនប្រុសរបស់មហាសេដ្ឋីឥណ្ឌា បានចូលរោងជ័យបញ្ចប់ភាពនៅលីវនៅមួយគូស្នេហ៍ Radhika Merchant ដែលជាកូនស្រីរបស់សេដ្ឋីឥណ្ឌា​ដូចគ្នា រកស៊ីទៅលើវិស័យសុខាភិបាល។ ពិធីមង្គលការ ដែលគេសន្និដ្ឋានថាបានចាយប្រាក់អស់ 600 លានដុល្លារនេះ រៀបចំធ្វើឡើងនៅមជ្ឈមណ្ឌល​ Jio World Drive ក្នុងទីក្រុង Mumbai។

អតីតនាយករដ្ឋមន្រ្តីអង់គ្លេស Boris Johnson និង Tony Blair, Kim Kardashian, Priyanka Chopra និង Nick Jonas, តារាសម្តែង​អាមេរិក John Cena, តារាភាពយន្ត បូលីវូដ Amitabh Bachchan, Shakrukh Khan និង Salman Khan សុទ្ធសឹងជាភ្ញៀវកិត្តិយស ដែលបានមកចូលរួមពិធីមង្គលការដ៏ធំបំផុតនៅឥណ្ឌា ផ្អើលអស់មួយចំហៀងផែនដី។

គួរឱ្យដឹងថា គ្រួសារត្រកូល Ambani ជាអ្នកមានទ្រព្យសម្បត្តិស្តុកស្តម្ភ និង មានឥទ្ធិពលបំផុតនៅក្នុងប្រទេសឥណ្ឌា។ ឪពុករបស់ កូនកម្លោះ​ Mukesh Ambani ជាមហាសេដ្ឋី ស្ថិតនៅលំដាប់លេខរៀងទី 9 លើពិភពលោក មានសាច់ប្រាក់សុទ្ធ 116 ពាន់លានដុល្លារអាមេរិក។ លោកជាអ្នកមានបំផុត នៅក្នុងទ្វីបអាស៊ី។ ទន្ទឹមនឹងនេះ ផ្ទះកម្ពស់ 27 ជាន់ មានតម្លៃ 1 ពាន់លានដុល្លារ ស្ថិតនៅក្នុងទីក្រុង Mumbai ក៏ជាកម្មសិទ្ធរបស់គ្រួសារត្រកូល Ambani នេះផងដែរ។