ព្រឹត្តិការណ៍ទេសចរណ៍កីឡាជាផ្នែកមួយដ៏សំខាន់ក្នុងការទាក់ទាញភ្ញៀវទេសចរ

Amber Kampot បានរៀបចំព្រឹតិ្តការណ៍ទេសចរណ៍កីឡា ដែលជាកម្មវិធីប្រណាំងចែកទូកកាយ៉ាក ស្ថិតនៅខេត្តកំពត ត្រូវចាប់ផ្តើមពីថ្ងៃទី ១១ ដល់ថ្ងៃទី១២ ខែឧសភា ឆ្នាំ២០២៤ ដែលមានរង្វាន់សរុបរហូតដល់ ២,៤៥០ ដុល្លារ ហើយជាផ្នែកមួយដ៏សំខាន់សម្រាប់វិស័​​យទេសចរណ៍ ដោយកម្ពុជាជឿជាក់ថា និងអាចពង្រីកទីផ្សារទេសរចណ៍កីឡាអោយកាន់តែមានភាពទូលំទូលាយបន្ថែមទៀត។

បើតាមប្រភព៖ alliedmarketresearch.com បានបង្ហាញថា ទំហំទីផ្សារទេសចរណ៍កីឡាសកលដែលមានតម្លៃ ៣២៣ លានដុល្លារក្នុងឆ្នាំ ២០២០ ហើយត្រូវបានព្យាករណ៍ថានឹងឈានដល់ ១,៨ ប៊ីលានដុល្លារនៅឆ្នាំ ២០៣០ ។

កីឡា​ក្នុង​ទឹក​កំពុង​រីក​ចម្រើនខ្លាំងនាពេលបច្ចុប្បន្ន ដូច្នេះ​ Amber Kampot បានមើលឃើញពីភាពរីកចម្រើន ដោយបាន​​រៀបចំ​ការ​ប្រកួត​ជិះ​ទូក​កាយ៉ាក ដើម្បីពង្រីកវិសាលភាពវិស័យទេសចរណ៍កីឡានេះអោយកាន់តែទូលំទូលាយ។ នេះមិនត្រឹមតែជាមធ្យោបាយដ៏ល្អក្នុងការធ្វើការអភិវឌ្ឍមូលដ្ឋានទេសចរណ៍របស់ខេត្តប៉ុណ្ណោះទេ ប៉ុន្តែវាថែមទាំងបានធ្វើឱ្យ Amber Kampot លើកកម្ពស់សុខភាពតាមរយៈកីឡាដល់ប្រជាជនកម្ពុជាទាំងមូល និងជាពិសេសដល់ក្មេងជំនាន់ក្រោយ។ លើសពីនេះ! គំនិតផ្តួចផ្តើមដ៏គួរឱ្យរំភើបផ្សេងទៀតគឺស្ថិតនៅក្នុងវិស័យទេសចរណ៍កីឡា រួមទាំងបាល់ទាត់  និងការប្រកួតជិះកង់ចុះភ្នំ ដែលកំពុងបានគ្រោងរៀបចំសម្រាប់ខេត្តផងដែរ។

ព្រឹត្តិការណ៍នេះផ្តល់ជូនអ្នកជិះទូកកាយ៉ាកដែលមានជំនាញផ្សេងៗគ្នា ហើយនៅក្នុងការប្រកួតប្រជែងនេះនឹងមានអ្នកជំនាញជិះទូកកាយ៉ាកជាច្រើនបានចូលរួម ដែលត្រូវបែងចែកជា ៣ប្រភេទ រួមមាន Fun , Semi-Pro និង Pro ដោយប្រភេទនីមួយៗត្រូវកំណត់តាមអាយុ និងចម្ងាយជាក់លាក់។

– ប្រភេទ Fun ៖ យ៉ាងតិច ១៨ ឆ្នាំ ចម្ងាយ៖ ៥០០ ម៉ែត្រ

– ប្រភេទ Semi-Pro ៖ គ្រប់ប្រភេទអាយុ៖ ចម្ងាយ៖ ២,០០០ ម៉ែត្រ

– ប្រភេទ Pro ៖ គ្រប់ប្រភេទអាយុ៖ ចម្ងាយ៖ ៥,០០០ ម៉ែត្រ

ក្នុង​ប្រភេទ​នីមួយ​ៗ បេក្ខនារី​កំពូល​ទាំង​បី​នឹង​ដណ្តើម​មិន​ត្រឹម​តែ​ប្រាក់​រង្វាន់​ប៉ុណ្ណោះ​ទេ ថែម​ទាំង​មេដាយ និង​ពាន​ផង​ដែរ។

នេះជាការចែករង្វាន់៖

– ប្រភេទ Fun ៖ – លេខ១ ទទួលបាន ២០០ ដុល្លារ , លេខ២៖ ១៥០ ដុល្លារ , លេខ៣៖ ១០០ ដុល្លារ

– ប្រភេទ Semi-Pro ៖ – លេខ ទទួលបាន ៣៥០ ដុល្លារ ,លេខ២៖ ២០០ ដុល្លារ ,-លេខ ៣៖ ១៥០ ដុល្លារ

– ប្រភេទ Pro ៖ – លេខ១៖ ៧៥០ ដុល្លារ ,-លេខ២៖ ៣៥០ ដុល្លារ ,- លេខ៣៖ ២០០ ដុល្លារ

សម្រាប់ការប្រណាំងទូកកាយ៉ាក់តាមដងទន្លេកំពតឆ្នាំ ២០២៤ នេះនឹងបានផ្តល់នូវភាពសប្បាយរីករាយ ទៅដល់អ្នកទេសចរជាតិ និងអន្តរជាតិ ក៏ដូចជាការលើកស្ទួយលើវិស័យកីឡាមួយនេះ។ Amber Kampot រង់ចាំស្វាគមន៍យ៉ាងកក់ក្តៅ ដើម្បីចាប់ផ្តើមដំណើរការរីការរីករាយនៅតាមដងទន្លេនៃខេត្តកំពត ដែលមានទេសភាពស្រស់ស្អាត ពោរពេញទៅដោយអនុស្សាវរីយ៍ដែលមិនអាចបំភ្លេចបាន។