មានដំណឹងថា ជូលី ល្អហួស ត្រៀមថតភាពយន្តមួយជាមួយតារា ឥណ្ឌូនេស៊ី

ជូរី ល្អហួស បានធ្វើឱ្យទស្សនិកជនដែលជាអ្នកគាំទ្ររបស់នាង មានការរំភើបជាខ្លាំង បន្ទាប់ពីទទួលបានដំណឹងថា​ បវរកញ្ញាយុវតីម្ចាស់មកុដ Miss Preteen Junior Idol World 2024 រូបនេះ ត្រូវបានផលិតកម្មនៅឥណ្ឌូនេស៊ី ចង់បានរូបនាងទៅចូលរួមថតខ្សែភាពយន្តជាមួយនឹងតារាឥណ្ឌូនេស៊ី។

លោក អុិន វិចិត្រ ស្ថាបនិកកម្មវិធីប្រឡងបវរកញ្ញាយុវតី បានបង្ហោះនៅលើហ្វេសប៊ុករបស់លោកថា “Shaquila Keisha ប្រាប់ថា គាត់សប្បាយចិត្តពេលប្រជាជនខ្មែរចូលចិត្តមើលរឿងឥណ្ឌូនេដុី Vina។ បន្តិចទៀត ដល់ពេល Shaquila សម្តែងជាខ្មោចឥណ្ឌូនេសុីវិញម្តង ក្នុងភាពយន្តខ្នាតធំជាមួយ Laor Hours ល្អហួស និង Ly muy leang- លី មួយលាង ។ មើលក្នុងរូបថតមួយនេះ Comment ម្នាក់ណា Shaquila និង ម្នាក់ណា Vina? Shaquila និង Nayla (តួឯកក្នុងរឿងVina) ជាតារាសម្តែងឥណ្ឌូនេសុីវ័យក្មេងដូចគ្នា”។

កន្លងមកគេសង្កេតឃើញថាភាពយន្តរបស់ឥណ្ឌូនេស៊ី ទទួលបានការគាំទ្រគួរឱ្យកត់សម្គាល់នៅក្នុងចំណោមអ្នកគាំទ្រខ្មែរ។ នេះអាចជាសញ្ញាវិជ្ជមានមួយដែលអ្នកសិល្បៈរបស់កម្ពុជា អាចចូលរួមសម្តែងនៅក្នុងខ្សែភាពយន្តរបស់ឥណ្ឌូនេស៊ី ដែលគេចាត់ទុកថាជាប្រទេសឈានមុខមួយនៅក្នុងវិស័យកុនផងដែរ។ យ៉ាងណាមិញ អ្នកគាំទ្រកំពុងតែទន្ទឹងរង់ចាំមើលអំពី ការសម្តែងរួមគ្នារវាងតារាខ្មែរ និង តារាឥណ្ឌូនេស៊ី ដែលពួកគេសុទ្ធសឹងតែមានវ័យក្មេងដូចគ្នា៕