មោទកភាពរបស់កម្ពុជា កូនខ្មែរម្នាក់ បាន​ប្រឡង​ឈ្នះមកុដ​នៅ​លើ​ទឹកដីម៉ាឡេស៊ី​ហើយ

ប្រិយមិត្ត​នៅ​លើ​បណ្ដាញ​សង្គម បាន និង​ចូល​រួម​អបអរបេក្ខនារី​កូន​ខ្មែរ​ម្នាក់​មាន​ឈ្មោះ​ថា ហ្រ្វេតឌ្រីកសន អេរីកាស្កាយ បាន​ប្រឡង​ឈ្នះ​មកុដ​គួរ​ជា​ទីមោទនៈ​នៅ​លើ​ទឹក​ដី​ប្រទេស​ម៉ាឡេស៊ី​កាល​យប់មិញ​នេះ។

បេក្ខនារី​ពាក់​ស្លាក​លេខ ២៨ របស់​កម្ពុជា ហ្រ្វេតឌ្រីកសន អេរីកាស្កាយ បាន​ចូល​រួម​ប្រឡង​ក្នុង​កម្មវិធី Miss Preteen Global 2024 ក្នុង​វេលា​ដ៏​រំជើបរំជួល។

ឆ្លងកាត់​ការ​ប្រកួត​ជម្រុះ​យ៉ាង​ស្វិតស្វាញ ហ្រ្វេតឌ្រីកសន អេរីកាស្កាយ បាន​ដល់​វគ្គ​ផ្ដាច់​ព្រ័ត្រ​ជាមួយ​បេក្ខនារី​ស្បែក​ខ្មៅ​មួយ​រូប។ ដោយ​សារ​មាន​សម្រស់​ស្អាត​ទាំង​ក្នុង និង​ខាង​ក្រៅ បេក្ខនារី​កម្ពុជា​ត្រូវ​បាន​ប្រកាស​ជា​ជយលាភី​ក្នុង​កម្មវិធី​ខាង​លើ​សម្រាប់​ឆ្នាំ ២០២៤ ដែល​សូម្បី​តែ​សាមី​ខ្លួន​ក៏​នឹក​ស្មាន​មិន​ដល់។

ហ្រ្វេតឌ្រីកសន អេរីកាស្កាយ បាន​លោត​ភ្លាម​ៗ ក្រោយ​ពី​លឺ​លេខ​រៀង​របស់​នាង ត្រូវ​បាន​បន្លឺ​ឡើង​ពី​មាត់​របស់​គណៈកម្មការ។ យុវតី​ស្រស់​ស្អាត និង​មាន​ភាព​ជឿជាក់​ខ្លាំង​រូប​នេះ ពោល​ដោយ​មោទកភាព​​ថា “ខ្មែរ​ធ្វើ​បាន​ហើយ!”។ កញ្ញា សូម​ចូល​រួម​ថ្លែង​អំណរគុណ​ដល់​បង​ប្អូន​ជន​រួម​ជា​តិ​ខ្មែរ​ទាំង​អស់ ដែល​បាន​ផ្ដល់​ការ​គាំទ្រ​ចំពោះ​នាង​តាំង​ពី​ពេល​ចាប់​ផ្ដើម រហូត​ដល់​ចុង​បញ្ចប់​នៃ​កម្ពុជា។

តាម​ការ​បញ្ជាក់​របស់ ហ្រ្វេតឌ្រីកសន អេរីកាស្កាយ នាង​នឹង​មក​នាំ​យក​មកុដ​ Miss Preteen Global 2024 មក​ដល់​​ព្រះរាជាណាចក្រ​កម្ពុជា​នៅ​ថ្ងៃ​ទី ៩ មីនា ២០២៤​នេះ៕