ម៉ូតរ៉ូប​ ដាក់លក់ដេញថ្លៃ មានតម្លៃថ្លៃបំផុតនៅលើពិភពលោក

នៅក្នុងពិភពនៃសិល្បៈ រាល់ផ្ទាំងគំនូរ និង រូបចម្លាក់ពិសេសៗ ត្រូវបានគេដាក់ដេញថ្លៃរហូតដល់ទៅរាប់លានដុល្លារ។ ទន្ទឹមគ្នានេះ ចំពោះអ្នកស្រលាញ់វិស័យហ្វេស្សិន បានព្យាយាមដេញថ្លៃ ដើម្បីប្រមូលយក សំពត់ដែលថ្លៃជាងគេនៅលើពិភពលោក។

ប៉ុន្មានឆ្នាំចុងក្រោយនេះ សម្លៀកបំពាក់របស់តារាចម្រៀង Pop គឺ Marilyn Monroe និង Princess Diana បានធ្វើឱ្យមានការភ្ញាក់ផ្អើលនៅក្នុងទីផ្សារដេញថ្លៃ។ ជាក់ស្តែង រ៉ូប Paco Rabanne បានដាក់លក់ដេញថ្លៃនៅក្នុងតម្លៃរហូតដល់ទៅ ជាង ១១មុឺនដុល្លារ។ រ៉ូបនេះជា collection ឆ្នាំ ១៩៦៧ ហើយវាបានបំបែកកំណត់ត្រាពិភពលោកជារ៉ូប Paco Rabanne ដែលត្រូវបានលក់នៅក្នុងតម្លៃថ្លៃបំផុត។

អ្នកដែលស្រលាញ់វិស័យហ្វេស្សិន បានផ្តល់តម្លៃទៅដល់សម្លៀកបំពាក់កម្រ និងមានអាយុកាលយូរឆ្នាំ។ សម្លៀកបំពាក់ខ្លះបន្សល់ទុកមកតាំងពីអំឡុងឆ្នាំ ១៩៦០ មកម៉្លេះ ដោយគេដាក់ដេញថ្លៃជារបស់កម្រ និង មានអ្នកហ៊ានចំណាយលុយរាប់ពាន់ រាប់មុឺនដុល្លារដើម្បីដេញថ្លៃយកវា មកទុកក្នុង collection របស់ពួកគេ។

ខាងក្រោមនេះ​ជា រ៉ូប ដែលថ្លៃបំផុត ដាក់លក់នៅក្នុងការដេញថ្លៃ

១. Paco Rabanne’s 1967 dress / តម្លៃ ១១២,១០០ ដុល្លារ

២. Princess Diana’s Jacques Azagury dress / តម្លៃ ១,១៤៨,០៨០ ដុល្លារ

៣. Audrey Hepburn’s Givenchy dress / តម្លៃ ៨០៧,000 ដុល្លារ

៤. Marilyn Monroe’s Jean Louis dress / តម្លៃ ៤,៨ លានដុល្លារ

៥. Kate Middleton’s sheer dress / តម្លៃ ១២៥,០០០ ដុល្លារ

៦. Dorothy’s Wizard of Oz dress / តម្លៃ ១,៥៦៥,០០០ ដុល្លារ

៧. Princess Diana’s Victor Edelstein gown / តម្លៃ ២៩០,000 ដុល្លារ

៨. Marilyn Monroe’s William Travilla dress / តម្លៃ ៥,៦ លានដុល្លារ

៩. Audrey Hepburn’s My Fair Lady dress / តម្លៃ ៤,៥ លានដុល្លារ