រូបមន្តម៉ាសធម្មជាតិទាំង 6 ដើម្បីធ្វើឱ្យអ្នកមានអារម្មណ៍ថាកំពុងស្ប៉ានៅផ្ទះ

ជំនួសឱ្យការចំណាយប្រាក់ទៅលើការថែទាំស្បែកដែលមានតម្លៃថ្លៃ អ្នកអាចសាកល្បងជាមួយរូបមន្តម៉ាសធម្មជាតិដែលអ្នកអាចស្វែងរកគ្រឿហផ្សំនៅក្នុងផ្ទះ ជាពិសេសមានប្រសិទ្ធភាពខ្ពស់អាចជួយឱ្យស្បែកមានសុខភាពល្អ (ផ្តល់សំណើម បំពាត់ស្នាម រក្សាសភាពភ្លឺរលោង…) ព្រមទាំងតម្រូវទៅតាមប្រភេទស្បែកផ្សេងៗគ្នា។

រូបមន្តម៉ាស ធ្វើឱ្យស្បែកភ្លឺស្រស់ថ្លា និងរក្សាតុល្យភាពស្បែក

រូបមន្តម៉ាសនេះ អាចធ្វើឱ្យស្បែកមុខមានសភាពត្រជាក់ និងបន្ធូរបន្ថយបញ្ហាស្បែកមុខ វាសម្អាត និងផ្តល់សំណើមដល់ផ្ទៃមុខទាំងមូល។ វាផ្តល់ជាតិទឹកយ៉ាងច្រើនពីប្រេងដូង រួមជាមួយសារធាតុប្រឆាំងអុកស៊ីតកម្មមកពី ទឹកឃ្មុំ និងបំបាត់ការរលាកក្រហមជាមួយនឹងប្រេងផ្កាឡាវេនឌ័រ។ លាយគ្រឿងផ្សំទាំងអស់ចូលគ្នារួចលើផ្ទៃមុខរបស់អ្នកដោយប្រើជក់។

រូបមន្ត ៖

• ទឹកឃ្មុំ 1 ស្លាបព្រា
• ប្រេងដូង 1 ស្លាបព្រា
• ផ្លែបឺរទុំ
• ប្រេងផ្កាឡាវេនឌ័រ 2 ដំណក់

 រូបមន្តម៉ាស ធ្វើឱ្យស្បែកមានសំណើម

ប្រសិនបើអ្នកចង់ធ្វើឱ្យ ស្បែកមានសភាពទន់ល្មើយដូចកូនក្មេង ការពារសញ្ញាភាពចាស់ ដូចជាស្នាមជ្រីវជ្រួញ ស្នាមអុចខ្មៅ ឬអាចម៍រុយ សូមប្រើប្រាស់រូបមន្តម៉ាសមួយនេះ។

រូបមន្ត ៖

• ផ្លែល្មៅកិន 2 ស្លាបព្រា
• ប្រេងអូលីវ 1 ស្លាបព្រា
• ទឹកឃ្មុំ 1 ស្លាបព្រាបាយ
• ស៊ុតលឿង 1
• Oatmeal 2 ស្លាបព្រា

រូបមន្តម៉ាស បង្រួមរន្ធញើស

សម្រួលដល់បញ្ហារន្ធញើស ដោយរូបមន្តម៉ាសធម្មជាតិមួយនេះ បើទោះបីមិនអាចបំពាត់វាទាំងស្រុង។ ស៊ុត និងក្រូចឆ្មាមានលក្ខណៈសម្បត្តិបំបាត់ស្នាមដែលនឹងធ្វើឱ្យស្បែកតឹងណែន ខណៈទឹកឃ្មុំអាចផ្តល់សំណើម និងធ្វើឱ្យស្បែកអ្នកមានភាពទន់រលោង។

រូបមន្ត ៖

• ស៊ុតពណ៌ស
• ទឹកឃ្មុំ 1 ស្លាបព្រាបាយ
• ទឹកក្រូចឆ្មាបន្តិច

រូបមន្តម៉ាសសម្រាប់ស្បែកខ្លាញ់

នេះគឺជារូបមន្តរបាំងមុខដ៏ល្អឥតខ្ចោះសម្រាប់អ្នកដែលមានស្បែកខ្លាញ់ ដោយត្រសក់នឹងជួយផ្តល់សំណើមដល់ស្បែក ហើយចូលរួមកាត់បន្ថយជាតិប្រេងលើស្បែកមុខផងដែរ ព្រោះវាមានផ្ទុកវីតាមីន C រីឯផ្លែបឺរជួយសម្រួលដល់ ការផលិតជាតិប្រេងនៃស្បែក កាត់បន្ថយការរលាក និងធ្វើឱ្យ ស្បែកភ្លឺថ្លា។

រូបមន្ត ៖

• ផ្លែបឺរ 1 ផ្លែ
• ត្រសក់ក្រឡុកម៉ត់

រូបមន្តម៉ាសសម្រាប់ស្បែកស្ងួត

ផ្លែបឺរ រួមផ្សំជាមួយប្រេងអូលីវ ពិតជាល្អសម្រាប់សុខភាពស្បែកស្ងួតផងដែរ។ គ្រឿងផ្សំម៉ាសនេះអាចជួយសម្រួលដល់បញ្ហាស្នាមប្រេះរវាងកោសិកាស្បែក។ ចំណែកឯទឹកឃ្មុំ និងទឹកដោះគោជូរ ធ្វើឱ្យស្បែករបស់អ្នកមានសភាពទន់ល្មើយ។

រូបមន្ត ៖

• ផ្លែបឺរ 1 ផ្លែ
• ទឹកដោះគោជូរ 2 ស្លាបព្រា
• ប្រេងអូលីវ 1 ស្លាបព្រា
• ទឹកឃ្មុំ 1 ស្លាបព្រា

រូបមន្តម៉ាសសម្រាប់ស្បែកងាយប្រតិកម្ម

ប្រសិនបើស្បែករបស់អ្នកងាយប្រតិកម្ម និងឡើងក្រហមឆាប់រហ័ស សូមសាកល្បងរូបមន្តម៉ាសនេះ ព្រោះថាទឹកដោះគោជូរសម្បូរទៅដោយសារធាតុ Probiotics ហើយទឹកឃ្មុំសម្រួលដល់អាការស្បែកក្រហម។

រូបមន្ត ៖

• ទឹកដោះគោជូរ 1 ស្លាបព្រា
• ទឹកឃ្មុំ 1 ស្លាបព្រា
• ម្សៅកាកាវ 1 ស្លាបព្រា