ស្រីលង្ការំពឹងថានឹងទាក់ទាញការវិនិយោគបរទេសជាង ៤ប៊ីលានដុល្លារនៅឆ្នាំនេះ

ដោយយោងតាមរដ្ឋមន្ត្រីក្រសួងជំរុញការវិនិយោគរដ្ឋលោក Dilum Amunugama បាននិយាយថា រដ្ឋាភិបាលស្រីលង្ការំពឹងថានឹងទាក់ទាញការវិនិយោគបរទេសពី ៤ប៊ីលានទៅ ៤.៥ ប៊ីលានដុល្លារក្នុងឆ្នាំ ២០២៤ នេះ។

ក្នុងនោះ រដ្ឋមន្ត្រីរដ្ឋបាននិយាយថានៅឆ្នាំ ២០២៣ ប្រទេសស្រីលង្កាបានទាក់ទាញការវិនិយោគបរទេសដែលមានតម្លៃ ១.៨ ប៊ីលានដុល្លារ ទោះបីជាគោលដៅមានត្រឹមតែ ១.៥ ប៊ីលានដុល្លារក៏ដោយ។ លោក​បន្ត​ថា រដ្ឋាភិបាល​បាន​កំណត់​ទិសដៅ​វិនិយោគ ៤,៥ ប៊ីលាន​ដុល្លារ​នៅ​ឆ្នាំ ២០២៤។

រួមជាមួយនោះ លោក Amunugama បានលើកឡើងថា ការវិនិយោគបរទេសបានកើនឡើងយ៉ាងខ្លាំង បន្ទាប់ពីប្រទេសនេះបានចូលទៅក្នុងកិច្ចព្រមព្រៀងជាមួយមូលនិធិរូបិយវត្ថុអន្តរជាតិ (IMF)។ ហើយលោកបានបន្ថែមថា ដោយសារតែអស្ថិរភាពនយោបាយ និងសេដ្ឋកិច្ចនៅក្នុងប្រទេសស្រីលង្កា ការវិនិយោគបរទេសបានធ្លាក់ចុះនៅឆ្នាំ២០២២ និងឆមាសទីមួយនៃឆ្នាំ ២០២៣។ Source:(Xinhua)