ចង់បានក្រចកដៃជើងរឹងមាំ… សូមអនុវត្តប៉ុន្មានគន្លឹះខាងក្រោមនេះ

ការផ្លាស់ប្តូរទម្លាប់នៃរស់នៅប្រកបដោយសុខុមាលភាព និងទទួលទាននូវប្រភេទអាហារូបត្ថម្ភ អាចជួយពង្រឹងសុខភាពក្រចកដៃជើងរបស់អ្នកឱ្យមានការលូតលាស់ល្អ និងរឹងមាំ មិនងាយបាក់ឡើយ។

ទទួលទានសារធាតុ Biotin
Biotin ត្រូវបានគេស្គាល់ថាជាវីតាមីន H និងវីតាមីន B7 មាននៅក្នុងចំណោមវីតាមីន B ។ សារធាតុ Biotin មានសមត្ថភាពអាចជួយពង្រឹងសុខភាពសក់ និងក្រចកបានយ៉ាងល្អ លើសពីនេះវាក៏ចូលរួមដល់ប្រព័ន្ធសរសៃប្រសាទនៃរាងកាយដំណើរការបានល្អត្រឹមត្រូវ។ សារធាតុមួយនេះមាននៅក្នុងប្រភេទអាហារដូចជាជ ត្រីសាឌីន ស៊ុតឆ្អិន និងគ្រាប់ធញ្ញជាតិ ។

កាត់បន្ថយការធ្វើក្រចក និងលាបថ្នាំក្រចក
ទោះបីជាថ្នាំលាបក្រចកមើលទៅស្អាតក៏ដោយ ប៉ុន្តែថ្នាំទាំងនោះក៏ចូលរួមជាចំណែកបំផ្លាញក្រចករបស់អ្នក ការប្រើប្រាស់ថ្នាំលាបក្រចកញឹកញាប់ពេកអាចធ្វើឱ្យក្រចកចុះខ្សោយ ស្លេក និងប្រេះជាដើម។
បន្ទាប់ពីលាបថ្នាំក្រចករយៈពេលមួយសប្តាហ៍ ឬយូរជាងនេះ សូមលុបថ្នាំលាបក្រចកចេញជាមួយទឹកសម្អាតក្រចកដែលគ្មានជាតិអាសេតូន ហើយបន្ទាប់មកទុកក្រចកធម្មជាតិចោលរយៈពេលមយយសប្តាហ៍។

ទទួលទានទឹកគ្រប់គ្រាន់
ការទទួលទានទឹកឱ្យបានគ្រប់គ្រាន់ មានសារសំខាន់ណាស់ចំពោះសុខភាពរូបរាងកាយ រួមទាំងសុខភាពក្រចកដៃ ក្រចកជើងរបស់អ្នកដូចគ្នា។ ប្រសិនបើខ្លួនប្រាណរបស់អ្នកមិនមានជាតិទឹកគ្រប់គ្រាន់ទេ ក្រចកដៃជើងអាចពុកផុយ និងបែក ឬរបកបានយ៉ាងងាយ។

កាត់បន្ថយការប៉ះពាល់ទឹក
ការត្រាំក្រចកនៅក្នុងទឹកច្រើនពេកអាចបណ្តាលឱ្យក្រចករបស់អ្នកខ្សោយ និងពុកផុយ។

ប្រើប្រាស់ឡេលាបលើក្រចក
សូមប្រើក្រែមលាបនៅលើប្រអប់ដៃជើង វានឹងធ្វើឱ្យក្រចករបស់អ្នកមានសំណើម និងមើលទៅរលោង មិនស្ងួត។

ក្រចកខ្លីប្រសើរជាងក្រចកវែង
ក្រចកវែងងាយទទយលរងការបាក់បែក និងទាក់ជាប់ជាមួយនឹងរបស់របរនៅជុំវិញខ្លួន ខណៈពេលដែលក្រចកខ្លីមិនសូវជាជួបប្រទះនឹងបញ្ហាទាំងអស់នោះ ដូច្នេះហើយក្រចកខ្លីមានភាពងាយស្រួលជាង។