តាមការសិក្សាស្រាវជ្រាវ ផ្លែប័រ ជាអាហារ ដុតកាឡូរី និងរក្សាទម្ងន់បានល្អបំផុត!

ភស្តុតាងស្រាវជ្រាវជាច្រើនបានបង្ហាញថា ការទទួលទានផ្លែប័រអាចជួយការពារការឡើងទម្ងន់ ជួយដុតបំផ្លាញជាតិខ្លាញ់ក្នុងរាងកាយ បង្កើនប្រព័ន្ធរំលាយអាហារដំណើរការបានល្អ និងគ្រប់គ្រងចំណង់ឃ្លានអាហារបានយូរ។

ផ្លែបឺរ គឺជាផ្នែកមួយនៃរបបអាហារដែលមានប្រយោជន៍ទាំងការសម្រកទម្ងន់ និងការគ្រប់គ្រងទម្ងន់របស់អ្នក។

ផ្លែប័រមានជាតិស្ករតិចបំផុត កាឡូរីនៃផ្លែប័រមួយ គឺតិចជាង ១០០កាឡូរីទៅទៀត ដែលជាកត្តាធ្វើឱ្យរាងកាយរបស់អ្នកដុតកាឡូរីបានលឿនជាងអាហារដទៃទៀត។

លើសពីនេះ ការទទួលទានផ្លែប័រ បានចូលរួមកាត់បន្ថយហានិភ័យនៃជំងឺបេះដូង ជំងឺទឹកនោមផ្អែម និងការលើសកម្រិតកូឡេស្តេរ៉ូលនៅក្នុងសរសៃឈាម។

ទាំងនេះគឺជាហេតុផលចម្បងដែលធ្វើអោយផ្លែប័រជាប់ឈ្មោះជាអាហារជំនួយការរក្សាតុល្យភាពទម្ងន់ ៖

១. ផ្លែប័រជួយគ្រប់គ្រងចំណង់អាហាររបស់អ្នក

នៅក្នុងការសិក្សាបានបញ្ជាក់ថា ផ្លែបឺរផ្ទុកទៅដោយជាតិសរសៃ (Fiber) – ផ្លែបឺរធំមួយមានជាតិសរសៃ ១៣ ក្រាម! ជាតិសរសៃគឺជាប្រភេទកាបូអ៊ីដ្រាតដែលមិនងាយរំលាយ វាត្រូវបានគេគិតថាមានផលប៉ះពាល់តិចតួចបំផុតទៅលើកម្រិតជាតិស្ករក្នុងឈាម។ជាតិសរសៃក៏បានជួយទាញជាតិទឹកកាន់តែច្រើនទៅក្នុងពោះវៀន ដែលធ្វើឱ្យអ្នកមានអារម្មណ៍ឆ្អែតបានយូរ និងជួយដល់ការរំលាយអាហារដែលមានសុខភាពល្អ។

២. ផ្លែប័រមានសារធាតុចិញ្ចឹមច្រើន

ផ្លែប័រ គឺជាអាហារដែលសម្បូរទៅដោយជីវជាតិច្រើនបំផុតនៅក្នុងរបបអាហារ។ ក្រៅពីផ្ទុកនូវជាតិខ្លាញ់ល្អ និងជាតិសរសៃ ផ្លែប័រមួយទាំងមូល (ធំ) បានផ្តល់នូវវីតាមីនជាច្រើនផ្សេងទៀតមានដូចជា៖ ប៉ូតាស្យូម 24% , វីតាមីន C 16% , វីតាមីន E 24% , វីតាមីន K 40% , វីតាមីន B1 (Thiamin) 16% , វីតាមីន B2 (Riboflavin) 32% , វីតាមីន B3 (Niacin) 24% ,វីតាមីន B5 (អាស៊ីត Pantothenic) 60% , វីតាមីន B6 24% Folate 40% , ម៉ាញ៉េស្យូម 16% , ទង់ដែង 40% ,ម៉ង់ហ្គាណែស 16% នៃតម្រូវការប្រចាំថ្ងៃរបស់អ្នក។

៣. ផ្លែប័រអាចជួយកាត់បន្ថយខ្លាញ់ក្បាលពោះ

ការទទួលទានផ្លែប័រមួយក្នុងមួយថ្ងៃអាចជួយកាត់បន្ថយខ្លាញ់ក្បាលពោះ ជាពិសេស គឺ ប្រភេទនៃខ្លាញ់ដែលទាក់ទងនឹងជំងឺបេះដូង ជំងឺទឹកនោមផ្អែម និងបញ្ហាសុខភាពផ្សេងៗទៀត។

៤. ផ្លែប័រជួយទ្រទ្រង់ឱ្យមានសុខភាពល្អ

អប្បរមាណនៃអាស៊ីតខ្លាញ់ 70% នៅក្នុងផ្លែប័រមួយផ្លែ គឺបានមកពីជាតិខ្លាញ់ Monounsaturated និងប្រមាណតិចជាង 15% បានមកពីជាតិខ្លាញ់ឆ្អែត។ លើសពីទៅនេះទៀត ភាគច្រើននៃជាតិខ្លាញ់ Monounsaturated នៅក្នុងផ្លែប័របានមកពីអាស៊ីត Oleic រាប់បញ្ចូលជាប្រភេទខ្លាញ់ដែលមានសុខភាពល្អដូចគ្នានៅក្នុងប្រេងសុខភាពអូលីវ។