មិននឹកស្មាន… បារីផ្តល់ផលប៉ះពាល់ដល់សុខភាពស្បែកយ៉ាងធ្ងន់ធ្ងរ

ការជក់បារីអាចបណ្តាលឱ្យមានផលប៉ះពាល់អវិជ្ជមានយ៉ាងខ្លាំងដល់សុខភាព វាអាចបង្កឱ្យមានជំងឺបេះដូង ជំងឺមហារីក និងជំងឺទឹកនោមផ្អែម។ ផលិតផលថ្នាំជក់បានផ្ទុកសារធាតុបង្កគ្រោះថ្នាក់យ៉ាងអាក្រក់ចំពោះសុខភាព រួមមាន ជាតិអាសេតូន (Acetone) ជាតិតារ៉ា(Tar) ជាតិនីកូទីន(Nicotine) និងកាបូនម៉ូណូអុកស៊ីត (Carbon Monoxide) ។

សារធាតុនៅក្នុងបារី មិនត្រឹមតែធ្វើឱ្យប៉ះពាល់ដល់សុខភាពរាងកាយទេ ការជក់បារីក៏បង្កជាផលប៉ះពាល់ជាច្រើនដល់សុខភាពស្បែកដូចគ្នាផងដែរ។

សុខភាពស្បែកវិវត្តចាស់ជាងវ័យ

សុខភាពស្បែក នឹងត្រូវបានបំផ្លិចបំផ្លាញដោយសារធាតុគីមីនៅក្នុងបារីម្តងបន្តិចៗដោយអ្នកមិនដឹងខ្លួន។ អាការនៃការខូចសុខភាពស្បែករបស់អ្នកជក់បារី ជាដំបូងស្បែកនឹងមានអាការស្លេកស្លាំង ស្បែកស្ងួតខ្លាំងហាក់ដូចគ្មានជាតិទឹកក្នុងខ្លួន ហើយយូរៗទៅវិវត្តទៅជាខ្មៅ និងជ្រីវជ្រួញ រួមទាំងមានសភាពអុចខ្មៅៗ ប្រេះស្រកាជាដើម។

ចំពោះស្បែកមុខ អាចបង្កឱ្យមានការកើតមុន រលាក ក៏ដូចជាឡើងអាចម៍រុយច្រើនលើសលប់ដែលអ្នកនឹកស្មានមិនដល់។

ពន្យឺតដំណើរការព្យាបាលមុខរបួស ប្រសិនបើអ្នកមានរបួស ឬមានការរលាកទៅលើស្បែក ប្រាកដណាស់ការជក់បារីនឹងពន្យឺតដំណើរការព្យាបាលមុខរបួស មិនងាយជាសះស្បើយឡើយ ហើយវាអាចបណ្តាលឱ្យមានអាត្រាខ្ពស់នៃការឆ្លងមេរោគបន្ថែមទៀត។ ប

តាមប្រសាសន៍ អ្នកស្រីវេជ្ជបណ្ឌិត “Anjali Mahto” បានលើកឡើងទៀតថា ឱកាសនៃភាពជាសះស្បើយពីរបួសគឺមានតិចណាស់ សម្រាប់អ្នកជក់បានរី ព្រោះថា សារធាតុនីកូទីន ក្នុងផ្សែងបារី អាចបង្កឲ្យសរសៃឈាមរួមតូច កាត់បន្ថយលំហូរឈាម កាត់បន្ថយបរិមាណអុកស៊ីសែន និងសារធាតុចិញ្ចឹមជាច្រើនទៀត ដែលត្រូវបញ្ជូនទៅកាន់ជាលិកាសាច់ខ្ចីនៅមុខរបួស។

មហារីកស្បែក

តាមការស្រាវជ្រាវ បានបញ្ជាក់ថាការកើតមានជំងឺមហារីក គឹបណ្តាលមកពីស្បែកត្រូវរងកម្តៅព្រះអាទិត្យច្រើនលើសលប់ពេក ព្រោះសរីរាង្គស្រទាប់ស្បែករបស់អ្នកត្រូវបានដុតបំផ្លាញដោយកម្តៅ UV។ ប៉ុន្តែប្រសិនបើអ្នកជក់បារី គឺអាត្រាហានិភ័យខ្ពស់ទៅលើ ការកើតជំងឺមហារីកកោសិកា Squamous។

ក្រៅពីបណ្តាលឱ្យកើតមានជំងឺមហារីកស្បែក ការជកើបារីក៏បង្កឱ្យមានប្រភេទជំងឺមហារីកប្រភេទផ្សេងទោត មានដូចជា ៖

· មហារីកប្លោកនោម

· មហារីកឈាម Myeloid

· មហារីកមាត់ស្បូន

· មហារីកពោះវៀនធំ

· មហារីកបំពង់អាហារ

· មហារីកតម្រងនោម និងស្បូន

· មហារីកបំពង់ក

· មហារីកថ្លើម

· មហារីកលំពែង

· មហារីកក្រពះ

· មហារីកសួត បំពង់ខ្យល់ និងសួត