កញ្ញា “លូស៊ីអេណា ហ្វូស្ទើរ” MGI បានមកដល់ព្រះរាជាណាចក្រកម្ពុជាយប់មិញ

ខណៈដែល កញ្ញា Sheynnis Palacios ជា Miss Universe ត្រៀមនឹងចាកចេញពីប្រទេសកម្ពុជាវិញនៅថ្ងៃនេះ ក្រោយបញ្ចប់ទស្សនកិច្ច៣ថ្ងៃនៅកម្ពុជា ស្រាប់តែ យប់មិញនេះ មាន Miss ម្នាក់ទៀត គឺកញ្ញា លូស៊ីអេណា ហ្វូស្ទើរ Miss Grand International 2023 បានមកដល់ទឹកដីព្រះរាជាណាចក្រកម្ពុជាម្ដង។

ដំណឹងអំពីការមកដល់ Miss អន្តរជាតិទី២ ត្រូវបានប្រកាសអោយដឹងដោយទំព័រ Miss Grand Cambodia។ ភ្ជាប់ជាមួយរូបភាពជាច្រើនសន្លឹកបញ្ជាក់ពីការមកដល់របស់ MGI ទំព័រហ្វេសប៊ុក បានសរសេរសារភ្ជាប់មកជាមួយថា “សូមស្វាគមន៍មកកាន់ទឹកដីអច្ឆរិយៈ (ព្រះរាជាណាចក្រកម្ពុជា) នៃការមកដល់របស់កញ្ញា “លូស៊ីអេណា ហ្វូស្ទើរ” គឺជាម្ចាស់ម្កុដ Miss Grand International 2023 រួមទាំងលោកស្រី “Teresa Chaivisut””។

ទស្សនៈកិច្ចរបស់ MGI 2023 បានការទទួលស្វាគមន៍យ៉ាងកក់ក្តៅពីសំណាក់ National Director of MGC លោកស្រី អ៊ឹម សុគន្ធា និង Top 5 MGC 2023 និងបេក្ខភាពចូលរួមប្រឡងកម្មវិធី MGC 2024 ទាំង 28 រូប។

លោកស្រី “Teresa Chaivisut” Vice President of Miss Grand International បានបង្ហាញវត្តមានជាមួយ គណៈកម្មការនៅក្នុងកម្មវិធីសន្និសិទកាសែតនិងការបំពាក់ឆៀងជូនដល់បេក្ខភាព MGC 2024 ទាំង 28រូប ដែលប្រាព្ធឡើងនៅរសៀលថ្ងៃទី 10 ខែមេសា ឆ្នាំ2024 មានទីតាំងនៅ SUMMER BAY BEACH CLUB & CABIN។

លើសពីនេះ ក៏មានការចូលរួមពិសេសពីសំណាក់អតីត MISS GRAND CAMBODIA 2022 កញ្ញា “ពេជ្រវត្តី សារ៉ាវុឌ្ឍី” នារាត្រីនេះ។ ចំពោះដំណើររបស់ MGI 2023 មកកម្ពុជានៅពេលនេះ មិនទាន់មានការបញ្ជាក់ថាមកក្នុងគោលបំណងអ្វីពិតប្រាកដនោះទេ ហើយនាងនឹងធ្វើកិច្ចអ្វីខ្លះ ស្នាក់ប៉ុន្មានថ្ងៃនៅកម្ពុជា ក៏អត់ទាន់ដឹងដែរ។ ប៉ុន្តែគេអាចប៉ាន់ស្មានថា បេសកកម្មរបស់ម្ចាស់មកុដ អាចដូចគ្នានឹងកញ្ញា Sheynnis Palacios ម្ចាស់មកុដ Miss Universe ដែរ គឺមកសិក្សាស្វែងយល់រឹតចំណងខាងផ្នែកវប្បធម៌ប្រទេសក្នុង Miss Universe