ការប្រែប្រួលសរីរាង្គ និងការជះឥទ្ធិពលដល់សកម្មភាពរូបរាងកាយស្ត្រីតាំងគភ៌ ពេលធ្វើលំហាត់ប្រាណ

ការតាំងគភ៌គឺមានពាក់ព័ន្ធជាមួយនឹងសីតុណ្ហភាពរូបរាងកាយ ដូច្នេះហើយទើបរូបរាងកាយដំណើរការមុខងាររបស់វានៅចំណុចសីតុណ្ហភាពខ្ពស់ មុនពេលចាប់ផ្តើមធ្វើលំហាត់ប្រាណ។ វាមានសារសំខាន់ណាស់ក្នុងការចៀសវាងពីការត្រូវកម្តៅខ្លាំងក្នុងកំឡុងពេលធ្វើលំហាត់ប្រាណ និងមិនត្រូវលើសពី ២០នាទី។

1. ចង្វាក់នៃបេះដូងនាពេលសម្រាករបស់ស្រ្តីមានគភ៌មានការកើនឡើង ហើយកម្រិតអតិបរមាលោតរបស់បេះដូង មានការថយចុះ។ ស្រ្តីត្រូវចៀសវាងលំហាត់ប្រាណណាដែលប្រើប្រាស់កម្លាំងខ្លាំងក្នុងកំឡុងពេលមានគភ៌ ហើយអាត្រាលោតនៃបេះដូងមិនគួរលើសពី ១៤០ដងក្នុងមួយនាទីឡើយ។ បន្ថែមលើសពីនេះ ចំណុះវ៉ូលលូមឈាមកើនឡើងក្នុងពេលស្រ្តីពរពោះដោយសារតែសរសៃឈាមដែលត្រូវការផ្គត់ផ្គង់ទៅកាន់ទារកក្នុងផ្ទៃ។ ការកើនឡើងនៃការផ្គត់ផ្គង់ឈាមអាចបណ្តាលឱ្យសម្ពាធឈាមរបស់ម្តាយកើនឡើង ឬថយចុះអាស្រ័យទៅ​ តាមដំណាក់កាលនៃការតាំងគភ៌។ ចាប់ពីខែទី៤ នៃអាយុរបស់គភ៌ ស្រ្តីគួរចៀសវាងការផ្លាស់ប្តូរឥរិយាបថញឹកញាប់ ឬបម្លាស់ប្តូរសកម្មភាពភ្លាមៗ ដែលអាចធ្វើឱ្យអ្នកមានអាការវិលមុខ និងដួលសន្លប់បាន។

2. ស្ត្រីមានគភ៌ផលិតសារធាតុអ័រម៉ូនម្យ៉ាងដែលមានឈ្មោះថា Relaxin ដែលធ្វើឱ្យសាច់ដុំ មានភាពរហ័សរហួន។ កំឡុងពេលផ្តល់កំណើតអ័រម៉ូន Relaxin ធ្វើឱ្យសាច់ដុំពន្លា ដើម្បីជួយសម្រាលទារក។ ក្នុងអំឡុងត្រីមាសទី២ ឬទី៣ សាច់ដុំមានការកន្ត្រាក់និងងាយរងការឈឺចាប់ ដូច្នេះហើយ វអ្នកគ្រប់រូបគួរធ្វើលំហាត់ប្រាណថ្នមៗជាប្រចាំ ដើម្បីជួយពន្យឺតសាច់ដុំ។

3. កម្រិតជាតិស្ករក្នុងឈាមអាចថយចុះភ្លាមៗចំពោះស្រ្តីមានផ្ទៃពោះ។ នៅពេលធ្វើលំហាត់ប្រាណ អ្នកគួរណាតែត្រៀមរបស់ផ្អែម ឬអាហារវីតាមីនទុកសម្រាប់បរិភោគបំពេញកម្លាំងឡើងវិញ។

4. រូបរាងស្រ្តីមានការផ្លាស់ប្តូរច្រើននៅពេលតាំងគភ៌ ដូចជាការកើនឡើងនៃទំហំដើមទ្រូង ដូច្នេះសូមអ្នកជ្រើសរើសអាវទ្រនាប់ទំហំធំសម្រាប់ជំនួយក្នុងការហាត់ប្រាណ។

5. ក្នុងអំឡុងពេលត្រីមាសទី៣​ ស្បូនរបស់ស្រ្តីនឹងមានការរីកធំ ហើយចាប់ផ្តើមទប់សរសៃឈាមខ្មៅធំៗដែលនៅជ្រៅផ្នែកខាងក្រោមគូទ។ វាជាលិទ្ធផលនៃការច្រានឈាមពីសរសៃខ្មៅ (វ៉ែន) ត្រឡប់ទៅបេះដូង ជាពិសេសនៅពេលដែលគេងផ្ងារ។ យើងសូមផ្តល់យោបល់ជូនស្រ្តីតាំងគភ៌គ្រប់រូបធ្វើសំហាត់ប្រាណយូហ្គាជាការល្អបំផុត