ការហូបចុកអំឡុងពេលតាំងគភ៌សំខាន់ណាស់ មកស្វែងយល់អ្វីគួរ អ្វីមិនគួរបរិភោគអំឡុងពេលនេះ

ការតាំងគភ៌មិនមែនជារឿងងាយស្រួលដូចដែលមនុស្សគ្រប់គ្នាគិតឡើយ​ នោះមានន័យថាយើងកំពុងទទួលបន្ទុកថែរក្សាជីវិតមនុស្សម្នាក់ទៀតហើយ។

ក្នុងអំឡុងពេលមានផ្ទៃពោះ​ ម្តាយគ្រប់រូបត្រូវផ្តល់នូវសារធាតុចិញ្ចឹមគ្រប់គ្រាន់ទៅដល់ទារកនៅក្នុងផ្ទៃជាចាំបាច់ លើសពីនេះ ម្តាយជៀសវាងរបបអាហារដែលបង្កផលប៉ះពាល់ដល់ទារក ឬបង្អាក់ដំណើរការលូតលាស់នៃទារក។

ជូនអ្នកម្តាយគ្រប់រូប សូមអានអត្ថបទខាងក្រោមដើម្បីយល់ដឹងអំពីរបបអាហារដែលគួរទទួល និងរបបអាហារគួរជៀសវាង។

របបអាហារគួរបរិភោគ ៖​

-ផលិតផលមានសារធាតុ​ទឹកដោះគោ

អំឡុងពេលមានផ្ទៃពោះ អ្នកនឹងត្រូវការប្រូតេអ៊ីន និងកាល់ស្យូមបន្ថែម ដើម្បីផ្តល់ជីវជាតិញគ្រប់គ្រាន់ទៅចិញ្ចឹមទារកនៅក្នុងផ្ទៃ។

-ស៊ុត

ស៊ុត​គឺជា​ប្រភព​ដ៏​អស្ចារ្យ​នៃ​សារធាតុ Choline ដែលជា​សារធាតុចិញ្ចឹម​ដ៏​សំខាន់មួយក្នុង​អំឡុងពេលស្រ្តី​មាន​ផ្ទៃពោះ​។ វាមានសារៈសំខាន់ក្នុងការអភិវឌ្ឍន៍ខួរក្បាលរបស់ទារក និងជួយការពារការវិវត្តខុសប្រក្រតីនៃខួរក្បាល និងឆ្អឹងខ្នងរបស់ទារក។

-ផ្កាខាត់ណាខៀវ និង បន្លែបៃតង

ផ្កាខាត់ណាខៀវ និង បន្លែបៃតង មានសារធាតុចិញ្ចឹមជាច្រើនដែលម្តាយនិងទារកត្រូវការជាចាំបាច់។

-សាច់ដែលគ្មានផ្ទុកខ្លាញ់ 

សាច់គោ សាច់ជ្រូក និងសាច់មាន់ដែលគ្មានផ្ទុកជាតិខ្លាញ់ គឺជាប្រភពដ៏ល្អនៃប្រូតេអ៊ីនដែកមានគុណភាពខ្ពស់។ សាច់គោ និងសាច់ជ្រូកក៏សម្បូរទៅដោយជាតិដែក កូលីន និងវីតាមីន B។ ជាតិដែកគឺជាសារធាតុដ៏សំខាន់ដែលប្រើដោយកោសិកាឈាមក្រហមជាផ្នែកនៃអេម៉ូក្លូប៊ីន។ 

-ប្រេងថ្លើមត្រី

ប្រេង​ថ្លើម​ត្រី​ត្រូវ​បាន​ផលិត​ចេញ​ពី​ខ្លាញ់​ថ្លើម​របស់​ត្រី ដែល​ជា​ធម្មតា​មក​ពី​ត្រី COD ។ វាសម្បូរទៅដោយ អាស៊ីតខ្លាញ់អូមេហ្គា 3 EPA និង DHA ដែលចាំបាច់សម្រាប់ការអភិវឌ្ឍខួរក្បាល និងភ្នែករបស់ទារក។

-ផ្លែប៊ឺរី៖ ផ្លែប៊ឺរីផ្តល់ជាតិទឹក កាបូអ៊ីដ្រាតដែលមានសុខភាពល្អ រួមទាំងវីតាមីន C ជាតិសរសៃ (Fiber) និងសារធាតុប្រឆាំងអុកស៊ីតកម្ម។ 

-ដំឡូង​ផ្អែម ឬ ដំំឡូងជ្វា៖ ដំឡូងជ្វាសម្បូរទៅដោយសារធាតុ Beta-carotene ជាសមាសធាតុធម្មតាដែលរាងកាយរបស់អ្នកបំប្លែងទៅជាវីតាមីន A មានសារខំខាន់ចំពោះការលូតលាស់របស់ទារក។

-បំពេញជាតិទឹក៖ ជាតិទឹកគឺចាំបាច់សម្រាប់មនុស្សគ្រប់រូប ជាពិសេសអំឡុងពេលមានផ្ទៃពោះ។ អ្នកត្រូវការជាតិទឹកច្រើន ដើម្បីបំពេញជាតិទឹកដល់ទារកក្នុងផ្ទៃរបស់អ្នក

-គ្រាប់ធញ្ញជាតិ៖ គឺជាប្រភពដ៏ប្រសើរនៃជាតិសរសៃ ប្រូតេអ៊ីន ជាតិដែក ជាតិ folate និងកាល់ស្យូម ដែលរាងកាយរបស់អ្នកត្រូវការបន្ថែមក្នុងអំឡុងពេលមានផ្ទៃពោះ។

របបអាហារមិនគួរបរិភោគ ៖

1. ប្រភេទសាច់ឆៅ ឬមិនបានចម្អិនឆ្អិនល្អ
2. បន្លែ និងផ្លែឈើដែលនៅសល់ជាច្រើនថ្ងៃ ឬបរិភោគទាំងមិនទាន់បានលាងសម្អាតឱ្យបានត្រឹមត្រូវ​

3.  បារី និងស្រា ឬស្រាបៀរគ្រប់ប្រភេទ និងស៊ុតឆៅ
4.  ជាតិកាហ្វេអ៊ីន និងជាតិអាល់កុល
5.  កុំព្យាយាមប្រើប្រាស់ថ្នាំសាស្រ្តផ្តេសផ្តាស់ដោយគ្មានវេជ្ជបញ្ជា6.  អាហារបំពងខ្លាញ់ (JUNK FOOD)