ក្រចក អាចបញ្ជាក់ពីបញ្ហាសុខភាពរបស់អ្នក

ក្រចក និងសុខភាព៖

តើអ្នកដឹងទេ… ក្រចករបស់អ្នកអាចបង្ហាញពីសុខភាពទូទៅរបស់អ្នក?

ក្រចកស្លេក Pale Nails ក្រចកពណ៌ស ដែលគេស្គាល់ថាជា leukonychia ពិពណ៌នាអំពីក្រចកដៃដែលមានពណ៌សដោយផ្នែក ឬទាំងស្រុង។ ពណ៌សអាចបង្ហាញពីបញ្ហាជាច្រើនដូចជា មានរបួស ភាពស្លេកស្លាំង កង្វះរបបអាហារ ជំងឺបេះដូង ឬតម្រងនោម។

ក្រចកពណ៌ស White Nails ប្រសិនបើក្រចកភាគច្រើនមានពណ៌សជាមួយនឹងគែមងងឹត នេះអាចបង្ហាញពីបញ្ហាថ្លើម ដូចជាជំងឺរលាកថ្លើម ឫ ជំងឺខាន់លឿងជាដើម។

ក្រចកលឿង Yellow Nails មូលហេតុមួយក្នុងចំណោមមូលហេតុទូទៅបំផុតនៃក្រចកលឿងគឺការឆ្លងមេរោគផ្សិត។ ក្នុងករណីកម្រ ក្រចកលឿងអាចបង្ហាញពីស្ថានភាពធ្ងន់ធ្ងរជាងនេះ ដូចជាជំងឺបែកក្រពេញទីរ៉ូអ៊ីតធ្ងន់ធ្ងរ ជំងឺសួត ជំងឺទឹកនោមផ្អែម។

ក្រចកពណ៌ខៀវ Bluish Nails ក្រចកដែលមានពណ៌ខៀវអាចមានន័យថារាងកាយមិនបានទទួលអុកស៊ីហ្សែនគ្រប់គ្រាន់។ នេះអាចបង្ហាញពីបញ្ហាសួត ដូចជាជំងឺស្ទះសួត។

ក្រចករហែក Rippled Nails ប្រសិនបើផ្ទៃក្រចកមានការរហែក ឬប្រេះ នេះអាចជាសញ្ញាដំបូងនៃជំងឺស្បែក psoriasis ឬរលាកសន្លាក់។

ទោះបីជាការផ្លាស់ប្តូរក្រចកអមនឹងលក្ខខណ្ឌជាច្រើនក៏ដោយ ការផ្លាស់ប្តូរទាំងនេះកម្រជាសញ្ញាដំបូងណាស់។ ហើយភាពមិនធម្មតានៃក្រចកជាច្រើនគឺមិនបង្កគ្រោះថ្នាក់នោះទេ មិនមែនគ្រប់គ្នាដែលមានក្រចកពណ៌សសុទ្ធតែមានជំងឺរលាកថ្លើមនោះទេ។ ប្រសិនបើអ្នកព្រួយបារម្ភអំពីរូបរាងនៃក្រចករបស់អ្នក សូមទៅជួបគ្រូពេទ្យ ឬគ្រូពេទ្យជំនាញខាងសើស្បែក។