ខោពណ៌ស.. ប្រៀបដូចនឹងភ្នំព្រិលទឹកកកដ៏សាកសមសម្រាប់សុភាពនារីគ្រប់រូប

មិនថាជាប្រភេទខោសាច់ក្រណាត់ ឬខោខូវប៊យសនោះទេ វាសុទ្ធសឹងតែមានការស្ទីលម៉ូតខុសៗគ្នាទៅតាមចំណង់ចំណូល និងវដ្តរដូវហ្វេសិនប្រចាំខែនីមួយៗ។ ជាពិសេសនៅក្នុងរដូវរងារ ដែលវាហាក់បីដូចជាកំពុងឆ្លុះបញ្ចាំងអំពីភ្នំព្រិលទឹកកកដ៏សក្បុសមួយ រំលេចនូវសោភ័ណភាពយ៉ាងស្រស់ស្អាត។ សាកស្រម៉ៃទៅមើល ប្រសិនបើអ្នកលេងស្ទីលខោពណ៌សជាមួយម៉ូតអាវ ឬស្បែកជើង Boots កាបូបស្ពាយចំហៀង បំពាក់បន្ថែមជាមួយគ្រឿងលម្អប្រាណ តើវារំលេចការចោលភ្នែកមើលពីមនុស្សជុំវិញខ្លួនប៉ុណ្ណាទៅ?

នៅប៉ែកខាងអឺរ៉ុប មានការពេញនិយមខ្លាំងជាមួយសម្លៀកបំពាក់រដូវរងាពណ៌ស វាបានក្លាយជាចំណូលចិត្តនៃឈុតរចនាប័ទ្មតាមដងផ្លូវ ដើម្បីបង្អួតសម្រស់នៅក្នុងវិស័យហ្វេសិន។

ធម្មតាចំពោះម៉ូតខោសាច់ក្រណាត់ពណ៌ស ឬខោខូវប៊យស និយមជាខោចបង្កេះខ្ពស់ និងសម្រុងជើងវែង មានផាសុកភាពក្នុងការស្លៀកពាក់ ម្យ៉ាងទម្រង់ខោសម្រុងជើងវែង បង្ហាញអំពីភាពថ្លៃថ្នូរ និងស្រស់ស្អាតបែបសុភាពនារី។ បើកបង្ហាញអំពីហ្វេសិនសម្លៀកបំពាក់ ដែលអ្នកអាចផ្គូរផ្គងជាមួយខោពណ៌ស ដ៏សាកសមនៅខាងក្រោម ៖