គុណប្រយោជន៍របស់ទឹកឃ្មុំចំពោះសុខភាពស្បែក

ទឹកឃ្មុំ​ ជា​ផលិតផល​ធម្មជាតិ​ត្រូវ​បាន​គេ​យកមកប្រើប្រាស់​ជា​ញឹក​ញាប់​ក្នុងការ​ថែរក្សា​ស្បែក​ដ៏​មាន​សក្ដានុពល​។ វាមានលក្ខណៈសម្បត្តិក្នុងការប្រឆាំងនឹងមេរោគ អង់ទីអុកស៊ីដង់ ដែលអាចជួយឱ្យស្បែកមានសុខភាពល្អ​ ជួយ​បំបាត់​ការ​រលាកស្បែក និង​កាត់បន្ថយ​ស្នាម​អុច​ខ្មៅ​។

តើទឹកឃ្មុំល្អសម្រាប់ស្បែកឬទេ?

ការសិក្សាជាច្រើនបង្ហាញថា ទឹកឃ្មុំមានលក្ខណៈសម្បត្តិប្រឆាំងនឹងមេរោគ ហើយត្រូវបានគេប្រើយ៉ាងទូលំទូលាយទៅលើការព្យាបាលស្បែក។ វាត្រូវបានគេរកឃើញនៅក្នុងផលិតផលថែរក្សាមុខជាច្រើន រួមទាំងជែលលាបមុខ ក្រែមផ្តល់សំណើម និងក្រែមលាបមាត់។

ទឹកឃ្មុំមានប្រយោជន៍សម្រាប់ស្បែក និងមុខដូចជា ៖

1. ជួយបំបាត់ស្លាកស្នាម :

​ប្រសិនបើមុខរបស់​អ្នកមាន​ស្នាម​មុន អ្នក​អាចសាកល្បង​ប្រើ​ម៉ាស​ទឹកឃ្មុំ​ ព្រោះវាមានប្រសិទ្ធិភាពចម្ចាត់មុន និងធ្វើឲ្យស្បែកមុខភ្លឺរលោង​។ តាមរយះការសិក្សា ទឹកឃ្មុំមានផ្ទុកបរិមាណអ៊ីដ្រូសែន peroxide និង AHAs ដែលជួយព្យាបាលមុន ។

2. ជួយបំបាត់មុន :

អ្នក​អាច​លាប​ទឹកឃ្មុំ​លើ​ស្បែក​របស់​អ្នក ប្រសិនបើ​អ្នកមាន​មុន​ផ្សិត​នៅលើ​ដងខ្លួន ឬ​មុខ​។ យោងតាមការសិក្សា ទឹកឃ្មុំមានផ្ទុកសារធាតុប្រឆាំងផ្សិត pinocembrin និងសមាសធាតុ lysozyme ។

3. ផ្តល់សំណើមដល់ស្បែក :

ទឹកឃ្មុំ​គឺជា​គ្រឿងផ្សំ​ដ៏​ល្អ​បំផុត​មួយ​សម្រាប់​ផ្តល់​សំណើម​ដល់​ផ្ទៃមុខ​ប្រសិនបើ​អ្នកមាន​ស្បែក​ស្ងួត ឬ​រលាក​។ ទឹកឃ្មុំមានផ្ទុកនូវបរិមាណ fructose និងគ្លុយកូសខ្ពស់ វាអាចរក្សាសំណើមស្បែកដោយជាតិទឹក។

4. មានលក្ខណៈសម្បត្តិប្រឆាំងនឹងភាពចាស់ :
អង្គធាតុរាវពណ៌មាសដ៏គួរឱ្យភ្ញាក់ផ្អើលនេះក៏មានប្រយោជន៍សម្រាប់ការលុបស្នាមជ្រីវជ្រួញ។ ដោយសារតែសារធាតុប្រឆាំងអុកស៊ីតកម្មធម្មជាតិរបស់វា គឺជាធាតុផ្សំដ៏ល្អឥតខ្ចោះក្នុងការទប់ស្កាត់ភាពចាស់នៃស្បែក។

 5. ទឹកឃ្មុំអាចប្រើប្រាស់ជាគ្រឿងផ្សំក្នុងម៉ាសបិទមុខធម្មជាតិ: រមៀត ទឹកឃ្មុំ និងក្រូចឆ្មា គឺអស្ចារ្យណាស់សម្រាប់ការធ្វើឱ្យស្បែកភ្លឺថ្លា៖ រមៀត (និងសារធាតុសកម្មរបស់វា curcumin) មានសារធាតុប្រឆាំងអុកស៊ីតកម្មដែលអាចជួយការពារស្បែកពីការខូចខាតដោយរ៉ាឌីកាល់សេរី 3 ខណៈដែលក្រូចឆ្មាមានចំណែកនៃវីតាមីន C ដែលល្អឥតខ្ចោះសម្រាប់បន្ថយស្នាមអុចខ្មៅ។