តើកត្តាអ្វីខ្លះ… បានចូលរួមបង្កើនឱកាសទទួលបានកូនភ្លោះ?

តើអ្នកធ្លាប់ប៉ងប្រាថ្នាចង់ទទួលបានកូនភ្លោះមួយគូដ៏ស្រស់ស្អាតទេ? ការដែលទទួលបានកូនភ្លោះ ហាក់ដូចជាអំណោយដ៏វិសេសវិសាលមួយ ព្រោះកូនដែលចាប់កំណើតមកដំណាលគ្នា អាចនឹងមានភាពកក់ក្តៅជាជាងការចាប់កំណើតម្នាក់ឯង ម្យ៉ាងមាតានៃទារកអាចសម្រាលបន្ទុកមួយកម្រិតផងដែរ បើនិយាយឱ្យចំតែម្តង គឺ ”ចំណេញពេលវេលាឆ្លងទន្លេកូនមួយ” ។

តើកត្តាអ្វីខ្លះដែលបង្កើនឱកាសទទួលបានកូនភ្លោះ?

កត្តាមួយចំនួនខាងក្រោមនេះ បានចូលរួមជាចំណែកនៃដំណឹងល្អចំពោះម៉ាក់ៗណាមានបំណងប្រាថ្នាចង់បានកូនភ្លោះ ជាពិសេសឱកាសជាភ្លោះបងប្អូនទៀត (កូនភ្លោះដូចគ្នាគឺកម្រ ហើយសំណាងនេះគឺកើតឡើងដោយចៃដន្យ ដូច្នេះ វាកាន់តែបង្កការភ្ញាក់ផ្អើលបន្ថែមទៀត)

សមាជិកសាច់ញាតិក្នុងក្រុមគ្រួសារមានកូនភ្លោះ

តំណក់ឈាមតំណពូជនៅក្នុងក្រុមគ្រួសារ អាចចូលរួមបង្កើនឱកាសកាន់តែខ្ពស់ក្នុងទទួលបានកូនភ្លោះ – ប៉ុន្តែមានតែតំណពូជសាច់ញាតិខាងម្តាយប៉ុណ្ណោះ។ ដូច្នេះ ទោះបីជាមែកធាងនៃគ្រួសារខាងប្តីរបស់អ្នកផ្ទុកទៅដោយ Dynamic Duos ក៏ដោយ ក៏មិនបានបង្កើនឱកាសដល់អ្នកក្នុងការមានកូនភ្លោះនោះទេ។ ផ្ទាល់ខ្លួនរបស់អ្នកក្នុងការមានកូនភ្លោះនោះទេ។

ពរពោះនៅអាយុ 35 ឆ្នាំ ឬវ័យចាស់ជាងនេះ

នៅពេលដែលវ័យអ្នកជ្រេកាន់តែចាស់ ឱកាសនៃការមានកូនភ្លោះនឹងកើនឡើងទ្វេដង។ អ្នកវិទ្យាសាស្រ្តបានធ្វើការសិក្សាស្រាវជ្រាវទៅលើការពរពោះនៃមាតា បានរកឃើញថាស្ត្រីដែលមានអាយុលើសពី 35 ឆ្នាំផលិតអរម៉ូនរំញោច (FSH) ច្រើនជាងស្ត្រីវ័យក្មេង ដែលអាចបណ្តាលឱ្យមាការបញ្ចេញពងបង្កកំណើតច្រើនជាង។

ការបង្កកំណើតផ្អែកលើជំនួយវិទ្យាសាស្រ្ត

បើទោះបីជាការព្យាបាល ការមិនមានកូន បានធ្វើឱ្យអ្នកមានអារម្មណ៍អស់សង្ឃឹមក្នុងការបង្កកំណើត មិនដូចអ្នកដែលធ្លាប់ពរពោះក៏ដោយ ប៉ុន្តែការបន្តពូជដោយផ្អែកទៅលើជំនួយវិទ្យាសាស្រ្តណាមួយ (ជាពិសេសប្រភេទដែលជំរុញការបញ្ចេញពងអូវុល) បានចូលរួមបង្កើនឱកាសនៃការទទួលបានកូនភ្លោះច្រើនផងដែរ។

1. ស្ត្រីដែលមានស្បែកស និងស្រ្តីដែលមានស្បែកខ្មៅមានឱកាសទទួលបានកូនភ្លោះខ្ពស់ជាង ស្ត្រីនៅតំបន់អាស៊ី
2. ស្ត្រីដែលធ្លាប់មានកូនភ្លោះពីមុនមក និងស្រ្តីដែលធ្លាប់បង្កកំណើត
3. ស្ត្រីដែលមានផ្ទុក BMIs មុនពេលមានផ្ទៃពោះខ្ពស់ជាង 30