ខ្មែរ
English
តើអាល់ម៉ុន (ALMOND) ជាអ្វី?
អាល់ម៉ុនគឺជាប្រភេទគ្រាប់ផ្លែឈើស្ងួតដែលមានទំហំតូច ប៉ុន្តែផ្ទុកទៅដោយអាហារបំប៉នដ៏ច្រើន រួមមាន វីតាមីន E ប្រូតេអ៊ីន ម៉ាញ៉េស្យូម សារធាតុប្រឆាំងអុកស៊ីតកម្មខ្ពស់ និងជាតិសរសៃ។ គ្រាប់អាល់ម៉ុនអាចផ្តល់អត្ថប្រយោជន៍ដល់សុខភាព ដូចជាការកាត់បន្ថយសម្ពាធឈាមខ្ពស់ ការគ្រប់គ្រងជាតិស្ករក្នុងឈាម និងកម្រិតកូលេស្តេរ៉ុល ក៏ដូចជាចូលរួមកាត់បន្ថយការទល់លាមក ជំងឺផ្លូវដង្ហើម និងភាពស្លេកស្លាំង។
អាហារូបត្ថម្ភនៅក្នុងគ្រាប់អាល់ម៉ុនមានដូចជា ៖
អាល់ម៉ុនគឺជាគ្រាប់ដែលមានជីវជាតិខ្ពស់។ យោងទៅតាមទិន្នន័យជីវជាតិបំប៉នរបស់ USDA វាជាប្រភពថាមពល ជាតិសរសៃ ប្រូតេអ៊ីន វីតាមីន និងសារធាតុរ៉ែសំខាន់ៗមួយចំនួនដូចជាវីតាមីន B ប៉ូតាស្យូម ម៉ាញ៉េស្យូម និងស័ង្កសី។
• ប្រូតេអ៊ីន 6 ក្រាម
• ជាតិសរសៃ 3.5 ក្រាម
• ខ្លាញ់ 14 ក្រាម
• វីតាមីន E 37%
• ម៉ង់ហ្គាណែស (Manganese) 32%
• ម៉ាញ៉េស្យូម 20%
កាឡូរី (CALORIES)
អាល់ម៉ុនមួយកែវ មានកាឡូរី ៥២៩ កាឡូរី (ប្រហែល ២៥% នៃការទទួលទានកាឡូរីដែលត្រូវការប្រចាំថ្ងៃថ្ងៃ)។ អាល់ម៉ុនប្រមាណ ២៣គ្រាប់ ប្រហាក់ប្រហែល ១៣០ កាឡូរីក្នុងមួយអោន ការទទួលទានម្ដងអាចជួយបង្កើនកម្រិតជាតិខ្លាញ់ដែលមានសុខភាពល្អរបស់អ្នក ហើយវាផ្ទុកនូវសារធាតុរ៉ែដ៏អស្ចារ្យរាប់ជាច្រើនផងដែរ។
ខ្លាញ់ និងប្រូតេអ៊ីន
អាល់ម៉ុនមួយកូនចាន មានជាតិប្រូតេអ៊ីនប្រហែល ៣០ ក្រាម និងខ្លាញ់ ៧១ ក្រាម។ អាល់ម៉ុនមានជាតិខ្លាញ់ខ្ពស់ ប៉ុន្តែសូមកុំបារម្ភ ប្រមាណច្រើនជាង ៥០ ភាគរយនៃខ្លាញ់ទាំងនោះគឺជា ខ្លាញ់ដែលល្អសម្រាប់សុខភាពបេះដូង និងមុខងារសរីរាង្គ។
សម្បូរទៅដោយអង់ទីអុកស៊ីដង់ និងវីតាមីនE
អាល់ម៉ុនគឺជាប្រភពដ៏អស្ចារ្យនៃវត្ថុធាតុដើមអាល់កាលី ហើយវាត្រូវបានគេទទួលស្គាល់ថាជាជំនួយពង្រឹងប្រព័ន្ធភាពស៊ាំក៏ដូចជាបង្កើនសមត្ថភាពក្នុងការទប់ស្កាត់ជំងឺ និងស្ថានភាពសុខភាពផ្សេងៗ។ នៅក្នុងអាល់ម៉ុន ក៏មានផ្ទុកវីតាមីនE ខ្ពស់ដែរ ដែលជាសារធាតុប្រឆាំងអុកស៊ីតកម្មដ៏មានឥទ្ធិព សារធាតុប្រឆាំងអុកស៊ីតកម្មដូចជាវីតាមីនE ដែលមាននៅក្នុងអាល់ម៉ុនមានឥទ្ធិពលការពារជំងឺសំខាន់ៗរួមមានជំងឺមហារីក និងជំងឺបេះដូង។
កាបូអ៊ីដ្រាត
គ្រាប់អាល់ម៉ុនក្នុងមួយកែវមានផ្ទុកកាបូអ៊ីដ្រាតចំនួន ៥ ក្រាមដែលតំណាងឱ្យតែ ២ ភាគរយនៃតម្រូវការប្រចាំថ្ងៃ។ មនុស្សជាច្រើនយល់ឃើញថានេះជារឿងល្អព្រោះរបបអាហារដែលមានជាតិស្ករទាបមានប្រជាប្រិយភាពខ្លាំងនាពេលបច្ចុប្បន្ននេះ ដែលធ្វើឱ្យអាល់ម៉ុន បានក្លាយទៅជាអាហារសម្រន់ដ៏ល្អបំផុត។
