តើរាងកាយពិតជាអាចព្យាបាលដោយខ្លួនឯងបានមែនឬទេ?

តើរាងកាយពិតជាអាចព្យាបាលដោយខ្លួនឯងបានមែនឬទេ?

រាងកាយរបស់យើងមានសមត្ថភាពមិនគួរឱ្យជឿក្នុងការជាសះស្បើយដោយខ្លួនឯង។ ប្រសិនបើយើងមានរបួស ឬឈឺ រាងកាយរបស់យើងនឹងដោះស្រាយបញ្ហានោះក្នុងរយ:ពេលដ៏ខ្លី​​ ហើយត្រឡប់មកមានសុខភាពល្អឡើងវិញ។ រាងកាយដែលមានសុខភាពល្អ អាចប្រយុទ្ធប្រឆាំងនឹងការឆ្លងមេរោគ ព្យាបាលរបួស សម្លាប់កោសិកាមហារីក និងប្រឆាំងនឹងភាពចាស់។ ទោះជាយ៉ាងណាក៏ដោយ ការថែរក្សា និងពង្រឹងសុខភាពរាងកាយរបស់យើងគឺនៅតែមានភាពចាំបាច់ក្នុងការការពារ និងថែរក្សាតាមបែបធម្មជាតិ។

តើរាងកាយរបស់យើងជាសះស្បើយដោយរបៀបណា?

ការព្យាបាលកើតឡើងតាមវិធីផ្សេងៗគ្នា ផ្អែកទៅលើមូលដ្ឋាននៃពួកវាមួយចំនួន។ កោសិកាអាចព្យាបាលខ្លួនឯងបាន នៅពេលដែលកោសិកាខូច វានឹងជំនួសដោយកោសិកាថ្មី។ ដូចក្នុងករណី ប្រសិនបើយើងបានបាក់ឆ្អឹង រាងកាយរបស់យើងនឹងចាប់ផ្តើមផលិតកោសិកាថ្មីភ្លាមៗ ដើម្បីព្យាបាលការបាក់ឆ្អឹងនោះ។​ ហើយនៅពេលដែលស្បែករបស់យើងត្រូវបានមុតចេញឈាម រាងកាយរបស់យើងក៏នឹងបញ្ឈប់ការហូរឈាមនោះដោយមានកោសិកាឈាមសទៅជំនួស និងបង្កើតកោសិកាថ្មីដែលមានសុខភាពល្អ។ ជាការពិតណាស់ រាងកាយរបស់យើង ពិតជាមានសមត្ថភាពក្នុងការជម្រុះនូវជាលិកាខូច និងបង្កើតជាលិកាថ្មីដែលមានសុខភាពល្អ។

ប្រព័ន្ធភាពស៊ាំរបស់យើងក៏មានសារ:សំខាន់ក្នុងការដោះស្រាយបញ្ហាមួយចំនួនផងដែរ ដូចជា កំចាត់ មេរោគ បាក់តេរី និងជាតិពុលជាដើម​ ។ល។ កោសិកាសម្លាប់កោសិកាដូចគ្នា នៅពេលដែលកោសិកាណាមួយរបស់យើងត្រូវបានឆ្លងមេរោគ។ ខណៈពេលដែលមនុស្សគ្រប់គ្នាគិតថាការរលាកជាបញ្ហាចោទ​​ ប៉ុន្តែតាមពិតទៅគឺការឆ្លងមេរោគក្នុងរាងកាយយើងទេ ដែលអនុញ្ញាតឱ្យប្រព័ន្ធភាពស៊ាំរបស់យើងផ្តោតលើការស្ដារឡើងវិញនូវតំបន់ដែលរងរបួស ឬទីកន្លែងដែលមានឆ្លងមេរោគដោយពួកគេព្យាយាមព្យាបាល ធ្វើយ៉ាងណារក្សាបាននូវប្រព័ន្ធមួយដែលមានផាសុកភាព។ គ្រុនក្តៅ គឺសំដៅលើរាងកាយរបស់យើងកើនសីតុណ្ហភាពដល់កម្រិត ក្នុងអំឡុងពេលដែលវាកំពុងប្រយុទ្ធប្រឆាំងសម្លាប់មេរោគ និងបាក់តេរី។ ការកើនឡើងនៃសីតុណ្ហភាពក៏បង្កឡើងដោយសារតែកោសិកាមួយចំនួនកំពុងបន្តរយន្តការជួយរាងកាយរបស់យើងប្រឆាំងនឹងការឆ្លងមេរោគផងដែរ។

ហេតុអ្វីបានជារាងកាយរបស់យើងមិនជាសះស្បើយ?

មានកត្តាជាច្រើនរារាំងដល់មុខងារព្យាបាលរបស់រាងកាយ។ យើងដឹងថារាងកាយរបស់យើងត្រូវការការគេងឱ្យបានគ្រប់គ្រាន់ បរិភោគអាហារដែលផ្តល់ផាសុកភាពល្អ និងការធ្វើលំហាត់ប្រាណ។ ភាពស្មុគស្មាញខាងផ្នែកសតិអារម្មណ៍និងជាតិពុលបង្កឱ្យមានគ្រោះថ្នាក់ដល់រាងកាយ ហើយពេលខ្លះទៀតគឺការគិតនិងផ្នត់គំនិតរបស់យើង ក៏ធ្វើឱ្យប៉ះពាល់ដល់សុខភាពផងដែរ ។

1.ការគេង

ការគេងគ្រប់គ្រាន់ ​វាពិតជាមានសារៈសំខាន់ណាស់។ មួយផ្នែកធំនៃការជួសជុល និងការដំណើរបង្កើតឡើងវិញនៃកោសិកា ត្រូវបានធ្វើឡើងនៅពេលដែលយើងកំពុងគេងលក់។ ការគេងមិនបានគ្រប់គ្រាន់ មិនត្រឹមតែកាត់បន្ថយរយៈពេលដែលរាងកាយរបស់យើងមានធ្វើការនោះទេ​ វាថែមទាំងធ្វើឱ្យប្រព័ន្ធការពាររាងកាយរបស់យើងចុះខ្សោយផងដែរ។ ហេតុនេះហើយ ទើបធ្វើឱ្យយើងងាយទ្រុឌទ្រោម និងងាយឆ្លងជំងឺពីផ្នែកខាងក្រៅ។

2.របប​អាហារ

របប​អាហារ​សម្បូរ​សារធាតុចិញ្ចឹម​ ​ក៏​មាន​សារៈសំខាន់​សម្រាប់​ដំណើរការ​ព្យាបាល​ផងដែរ។ រាងកាយរបស់យើងត្រូវការស្រូបយកសារធាតុបម្រុងពីអាហារដើម្បីជួយទ្រទ្រង់ដល់សុខភាព និងបង្កើនថាមពលដល់រាងកាយទាំងមូល ។ ផ្ទុយទៅវិញ របបអាហាររបស់យើងអាចជាប្រភពសំខាន់នៃសារធាតុពុល ដែលប៉ះពាល់យ៉ាងខ្លាំងដល់រាងកាយទាំងមូលរបស់យើង។

3.លំហាត់ប្រាណ

ការធ្វើលំហាត់ប្រាណមានសារ:សំខាន់ដូចជា៖ ជួយជំរុញលំហូរឈាម នាំយកអុកស៊ីហ្សែន និងសារធាតុចិញ្ចឹមទៅកោសិកាខួរក្បាលរបស់យើង ស្របពេលដែលរាងកាយកំពុងបញ្ចេញជាតិពុល។ ការធ្វើលំហាត់ប្រាណជួយ​ឱ្យ​យើង​គេង​លក់​ស្រួល និង​ធ្វើ​ឱ្យការគិត​របស់​យើង​ប្រសើរ​ឡើង ព្រមទាំងអាចជួយ​កាត់​បន្ថយ​ភាពតប់ប្រម៉ល់ផងដែរ។

នៅពេលដែលកោសិកាដើមរបស់មនុស្សអស់រលីងពីរាងកាយ រាងកាយរបស់យើងនឹងគ្មានសមត្ថភាពព្យាបាល និងបង្កើតឡើងវិញនូវជាលិកាថ្មីទេ។ ខណៈពេលដែលអ្នកវិទ្យាសាស្ត្រធ្វើការស្រាវជ្រាវអំពីមូលហេតុដែលចំនួនកោសិកាដើមថយចុះទៅតាមអាយុ ហេតុផលមួយចំនួនគឺដោយសារ telomeres អុកស៊ីតកម្មស្រ្តេស និងជំងឺរ៉ាំរ៉ៃ។

សញ្ញាណកោសិកា ប្រៀបដូចជាកុងតាក់ បើក/បិទ នៃរាងកាយ។ វាធ្វើឱ្យយើងមានភាពធន់ បន្ថយភាពចាស់ និងប្រឆាំងនឹងជំងឺផ្សេងៗ។ Redox ជាវិថីសាស្រ្តមួយនៃការដែលធ្វើឱ្យយើង មានភាពក្មេងជាងវ័យ​ និងកាន់តែរឹងមាំ។ សញ្ញាណម៉ូលេគុល Redox ជួយក្នុងមុខងារសំខាន់ៗជាច្រើនរបស់រាងកាយដូចជា៖

• ជួសជុល DNA
• ការបង្កើតឡើងវិញនូវសារធាតុប្រឆាំងអុកស៊ីតកម្ម
• អុកស៊ីតកម្មស្រ្តេស
• ការបែងចែកកោសិកា
• ការបង្កើតឡើងវិញនូវជាលិកា
• សម្រួលដល់លំហូរឈាមក្នុងរាងកាយ
• ប្រឆាំងការរលាក
• បង្កើនប្រព័ន្ធភាពស៊ាំ