ខ្មែរ
English
កោះអភិជន ជារីសតលំដាប់ផ្កាយ 5 មានទីតាំងស្ថិតនៅលើកោះស្តេច។ កោះ ស្តេច ស្ថិតនៅ ឈូងសមុទ្រថៃ មានចម្ងាយប្រហែលជាង 2 គីឡូម៉ែត្រ នៅឆ្នេរសមុទ្រនៃ ឧទ្យានជាតិបុទុមសាគរ ក្នុងស្រុក គិរីសាគរ ក្នុង ខេត្តកោះកុង ប្រទេសកម្ពុជា ។
ផ្តល់នូវបដិសណ្ឋារកិច្ចលំដាប់ផ្កាយ 5 កោះអភិជន មានសេវាកម្មបម្រើភ្ញៀវយ៉ាងពេញចិត្ត។ ចំណែកបន្ទប់វិញ បំពាក់ដោយបរិក្ខាទំនើបៗ ជាមួយនឹងវ៉េរ៉ង់ដា សម្រាប់គយគន់ទេសភាពផងដែរ។ ម្ហូបជាលក្ខណៈ បូហ្វេ អមជាមួយនឹងអាហារពេលព្រឹកបែបអឺរ៉ុប។ នៅក្នុងរីសតនេះ មានភោជនីយដ្ឋានមួយ មានមីនុយអាហារជាច្រើនជម្រើសដូចជា ម្ហូបអាមេរិកកាំង ម្ហូបខ្មែរ និង ម្ហូបបារាំង។ ចំពោះអ្នកមិនចូលចិត្តសាច់ ខាងភោជនីយដ្ឋានក៏មានជម្រើសម្ហូបជាបន្លែសុទ្ធផងដែរ។
ភ្ញៀវភាគច្រើនដែលទៅលេងកម្សាន្តនៅកោះអភិជន និយមជួលកង់ជិះមើលទេសភាពនៅជុំវិញកោះ។ ខាងរីសត មានផ្តល់សេវាកម្មជួលកង់សម្រាប់ភ្ញៀវ។ គួរបញ្ជាក់ថា អាកាសយានដ្ឋាន ដែលនៅជិតកោះនេះបំផុត គឺ ព្រលានយន្តហោះអន្តរជាតិក្រុងព្រះសីហនុ មានចម្ងាយប្រមាណ 184 គីឡូម៉ែត្រពីរីសត កោះអភិជន។
Dining Menu
