ថែរក្សាសុខភាពកែវភ្នែកទាំងគូរបស់អ្នកដោយការញុំាទឹកការ៉ុតជាប្រចាំ

ទឹកការ៉ុតមានបរិមាណសារធាតុចិញ្ចឹមខ្ពស់ដែលផ្តល់អត្ថប្រយោជន៍ដល់សុខភាពភ្នែកទាំងគូរបស់អ្នក។

ការ៉ុតមានផ្ទុកសារធាតុ បេតាការ៉ូទីន (Beta-carotene) ដែលជាសារធាតុធ្វើការបំប្លែងទៅជាវីតាមីន A  គឺជាសារធាតុសំខាន់មួយសម្រាប់សុខភាពភ្នែករបស់អ្នក។ កង្វះវីតាមីន A ខ្លាំងអាចបណ្តាលឱ្យងងឹតភ្នែក និងភ្នែកងាយទទួលរងបញ្ហាផ្សេងៗ។

លើសពីនេះ វីតាមីន អាចការពារការកកើត ជំងឺភ្នែកឡើងបាយ ជំងឺដក់ទឹកក្នុងភ្នែក និងការប៉ះពាល់ដល់សរសៃប្រសាទអុបទិក ហើយទាំងនេះហើយគឺជាមូលហេតុចម្បងដែលអាចបណ្តាលឱ្យអ្នកឈានទៅរកភាពពិការភ្នែក។

ក្រៅពី Beta-carotene នៅក្នុងផ្លែការ៉ុតក៏មានផ្ទុកសារជាតិ Lutein ដែលជាសារធាតុប្រឆាំងអុកស៊ីដកម្មផងនៅក្នុងសារពាង្គកាយរបស់អ្នកផងដែរ។

ការសិក្សាមួយចំនួនបានបង្ហាញថាសារជាតិ lutein អាចជួយការពារការចុះខ្សោយនៃភ្នែកទាក់ទងទៅនឹងការវិវដ្ដន៍ដំណើរអាយុទៅតាមវ័យ (AMD) ដែលវាបង្កទៅជាជំងឺ Degenerative ធ្វើឱ្យភ្នែកអ្នកចុះខ្សោយ ស្រវាំងភ្នែក ព្រិលភ្នែក និងឈើភ្នែកដោយកត្តាផ្សេងជាច្រើនទៀត។

គួរបញ្ជាក់ផងដែរថា ការ៉ុតក៏ត្រូវមិនត្រឹមតែជាអាហារជំនួយដល់សុខភាពភ្នែកតែប៉ុណ្ណោះនោះទេ វាអាចផ្តល់គុណប្រយោជន៍ច្រើនទៀតដល់សុខភាពផ្លូវកាយ រួមមាន ៖ 

• ធ្វើឱ្យស្បែកមានសភាពភ្លឺថ្លា (ការ៉ុតផ្ទុកនូវ វីតាមីនA និង វីតាមីនC)
• ជួយប្រឆាំងអុកស៊ីដកម្មក្នុងសារពាង្គកាយ និងចូលរួមកាត់បន្ថយហានិភ័យនៃជំងឺមហារីកគ្រប់ប្រភេទ
• ជួយដល់ការសម្រកទម្ងន់
• ផ្តល់អត្ថប្រយោជន៍ជាច្រើនដល់ស្រ្តីមានផ្ទៃពោះ
• បង្កើនការចងចាំទ្វេដង
• បង្កើនមេតាប៉ូលីស
• កាត់បន្ថយកូលេស្តេរ៉ូល
• បង្កើនភាពស៊ាំក្នុងសិរីរាង្គ
• ថែរក្សាភ្នែករបស់អ្នកឱ្យមានសុខភាពល្អ និងកាត់បន្ថយការស្ងួតភ្នែក ..

អ្នកគួរផឹកទឹកការ៉ុតមួយថ្ងៃមួយកែវដើម្បីទទួលការថែរក្សាភ្នែក ក៏ដូចជាបញ្ជូលនូវសារធាតុចិញ្ចឹមជាច្រើនដល់កែវភ្នែកទាំងគូ និងរូបរាងកាយរបស់អ្នកជារៀងរាល់ថ្ងៃ។