ទទួលទានផ្លែឪឡឹករយៈពេល ៧ថ្ងៃ… នឹងមានអ្វីកើតឡើងចំពោះសុខភាព?

ផ្លែឪឡឹក ត្រូវបានគេស្គាល់ថាជាប្រភេទផ្លែឈើដែលសម្បូរទៅដោយសារជាតិទឹកច្រើនបំផុត មានផ្ទុកនូវវីតាមីនជាច្រើន និងមានរសជាតិផ្អែមឆ្ងាញ់ពិសារ។ ជាមួយនឹងសាច់ផ្លែពណ៌ក្រហមភ្លឺ និងបង្កប់គ្រាប់តូចៗពាសពេញសាច់ (គ្រាប់អាចបរិភោគបាន) ឪឡឹកត្រូវបានគេចាត់ទុកថា ជាកញ្ចប់ថ្នាំទិព្វជាមួយនឹងសារធាតុចិញ្ចឹមយ៉ាងច្រើន រួមទាំងសារធាតុប្រឆាំងអុកស៊ីតកម្ម ដូចជាវីតាមីន A និង វីតាមីន C ជាដើម។

ក្រៅពីជួយដល់ការផ្តល់ជាតិទឹកដល់រូបរាងកាយ ឪឡឹកក៏អាចជួយលើកកម្ពស់សុខភាពផងដែរ។
ដោយហេតុថាឪឡឹកមានអត្ថប្រយោជន៍ជាច្រើនយ៉ាងដូច្នេះហើយ ទើបអ្នកជំនាញផ្នែកសុខភាពបានណែនាំដល់អ្នកដែលមិននិយមទទួលទានទឹក ឱ្យងាកមកទទួលទានផ្លែឪឡឹកជំនួសវិញ ដើម្បីឱ្យរាងកាយមានជាតិទឹកគ្រប់គ្រាន់ និងមានស្បែកភ្លឺថ្លា ស្រស់បស់។

តើការទទួលទានផ្លែឪឡឹកក្នុងរយៈពេល ៧ថ្ងៃ អាចនឹងមានអ្វីកើតឡើងចំពោះសុខភាពរាងកាយ?

ក្រុមវេជ្ជសាស្រ្តនៅជុំវិញពិភពលោក បានធ្វើការពីសោធន៍ទៅលើអ្នកជំងឺដែលបាត់បង់ជាតិទឹកឱ្យទទួលទានផ្លែឪឡឹកក្នុងរយៈពេល ៧ថ្ងៃ ក្រោយមកគេសង្កេតឃើញថា “រាងរបស់អ្នកជំងឺមានភាបប្រសើរជាងមុន និងមើលទៅស្រស់ថ្លាបានច្រើន។
ក្រឡេកមកមើល គុណសម្បត្តិដែលឪឡឹកបានហុចផលមកកាន់សុខភាពរាងកាយនៅខាងក្រោមនេះ។

1. ប្រយុទ្ធប្រឆាំងនឹងជំងឺមហារីក ៖ សមាសធាតុធម្មជាតិជាច្រើនដែលមាននៅក្នុងផ្លែឪឡឹក រួមទាំងសារធាតុ Lycopene និង Cucurbitacin E អាចមានឥទ្ធិពលប្រឆាំងនឹងមេរោគមហារីក។

2. រក្សាសុខភាពតម្រង់នោមបានល្អ ៖ ដោយសារតែផ្លែឪឡឹកសម្បូរទៅដោយជាតិទឹក ដូច្នេះហើយទើបឪឡឹកអាចរក្សាតុល្យភាពនៃសុខភាពតម្រង់នោមបានល្អប្រសើរ

3. បង្កើនសុខភាពភ្នែក ៖ សារធាតុ Lycopene របស់ផ្លែឪឡឹក មានអត្ថប្រយោជន៍ខ្លាំងចំពោះភ្នែករបស់អ្នក។

4. ចូលរួមប្រឆាំង និងការពាររោគជំងឺផ្សេងដែលកើតមាននៅលើរូបរាងកាយ

5. បន្ថែមថាមពលដល់រូបរាងកាយឱ្យមានថាមពលស្វាហាប់ក្នុងការធ្វើចលនា

6. សម្រលទម្ងន់ និងរក្សារាងបានស្អាត

7. សម្រួលប្រព័ន្ធសរសៃឈាម និងការពារបេះដូង

8. ការពាររោគរលាកផ្សេងៗដែលកើតមានទាំងក្នុង និងក្រៅសរីរាង្គកាយ

9. ឪឡឹកបានចូលរួមបន្ថយអាការតាន់តឹងអារម្មណ៍ និងព្យាបាលជំងឺបាក់ទឹកចិត្តទៀតផង។