តំបន់ទេសចរណ៍ទាំង ៥០ ដែលមានភាពទាក់ទាញ់បំផុតនៅលើពិភពលោក

ពិភពលោកគឺធំទូលាយណាស់ ហើយយើងមិនអាចមើល និងទៅដល់គ្រប់កន្លែងបានទេ។ ប៉ុន្តែទោះជាយ៉ាងណា លោកអ្នកនឹងបានឃើញ ទេសភាពយ៉ាងស្រស់ស្អាតបំផុតនៅលើពិភពលោកដែលបានបង្ហាញជូនបងប្អូនសម្រាប់ស្វែងយល់ អំពីតំបន់ទេសចរណ៍ដ៏មានភាពទាក់ទាញនៅទូទាំងពិភពលោក។ ខាងក្រោមនេះជាតំបន់ទេសចរណ៍ទាំង ៥០កន្លែង  ដោយមិនបានចាត់ជាចំណាត់ថ្នាក់នោះទេ គ្រាន់តែចង់បង្ហាញអោយបងប្អូនបានស្គាល់នូវទេសភាពស្អាតបំផុត និងសូមទស្សនាដោយក្តីរីករាយ៖

1- Bagan (ប្រទេសមីយ៉ាន់ម៉ា) វិស្សមកាលរបស់អ្នកក្នុងការកំសាន្តនៅបាកាននឹងបានធ្វើអោយអារម្មណ៍របស់លោកអ្នកស្រស់ស្រាយ  ដោយបានមើលឃើញប្រាសាទ និងវត្តឥដ្ឋក្រហមដ៏អស្ចារ្យជាង ១០០០ ហើយមើលទៅពិតជាអស្ចារ្យខ្លាំងណាស់ សម្រាប់តំបន់មួយនេះ។ ប្រាសាទបាកានបុរាណទាំងនេះគឺជាកេរដំណែលដ៏អស្ចារ្យរបស់ស្តេច Paukkan ដែលជារាជធានីទីមួយនៃប្រទេសមីយ៉ាន់ម៉ា (អតីតភូមា) ហើយត្រូវបានសាងសង់ឡើងនៅចន្លោះឆ្នាំ ១០៥៧ និង ១២៨៧ នៃគ.ស។ ប្រាសាទនានាគឺជាកន្លែងដ៏ធំ និងស្រស់ស្អាត ចំពោះជំនឿព្រះពុទ្ធសាសនា ហើយវត្តនីមួយៗបង្ហាញនូវស្ថាបត្យកម្មដ៏គួរឱ្យចាប់អារម្មណ៍ ក៏ដូចជាផ្នែកខាងក្នុងនៃផ្ទាំងគំនូរចម្រុះពណ៌ និងរូបចម្លាក់ដ៏ប្រណិតផងដែរ។

2- Angkor Wat ( ប្រទេសកម្ពុជា) តំបន់រមណីយដ្ឋានអង្គររបស់ខ្មែរ ត្រូវបានដាក់បញ្ចូលទៅក្នុងបញ្ជីបេតិកភណ្ឌពិភពលោក របស់អង្គការយូណេស្កូ នៅឆ្នាំ១៩៩២ ជាមួយនឹងភាពល្បីល្បាញរន្ទឺសុះសាយ ទៅកាន់ពិភពលោក ដែលស្ថិតនៅខេត្តសៀមរាប ប្រទេសកម្ពុជា។ ប្រាសាទអង្គរវត្ត​  បាន​ជាប់​ជាទី​តាំង​ល្អ​បំផុត នៅ​អាស៊ីអាគ្នេយ៍ និង​នៅលើ ពិភពលោក​សម្រាប់​មើល​ថ្ងៃ​រះ​នេះ​ផងដែរ​។ នេះ​ជា​មោទនភាព​សម្រាប់​កម្ពុជា ដែលជា​ចំណុច​ទាក់ទាញ និង​ជា​អត្តសញ្ញាណ​របស់​កម្ពុជា ដោយ​ទេសចរ​អន្តរជាតិ​ភាគ​ច្រើន​បំផុត មក​កម្ពុជា ក្នុង​គោល​ដៅ​ទស្សនា​រមណីយដ្ឋាន​ប្រា​សាទ​អង្គរ​ដ៏​ល្អ​វិចិត្រ​នេះ​។​ យោងតាម​គេហទំព័រ Mornings.co.uk បាន​បញ្ជាក់ថា​៖ «​ប្រាសាទអង្គរវត្ត​ជា​អច្ឆរិយវត្ថុ​មួយ​ក្នុងចំណោម​អច្ឆរិយ​ទាំង ​៧  ​របស់​ពិភពលោក​បុរាណ និង  ​ជា​សម្បត្តិ​បេតិកភណ្ឌ​ពិភព​លោក​របស់​អង្គការ​យូណេស្កូ​។ ទីនេះ​សម្បូរ​ទៅដោយ​វប្បធម៌ និង​ប្រវត្តិសាស្ត្រ និង​ជា​កន្លែង​ទាក់ទាញ​ដែល​អ្នកទេសចរ​ត្រូវតែទៅ​ទស្សនា​យ៉ាងហោចណាស់​បាន​ម្តង​ក្នុង​ជីវិត និង​មិនគួរ​រំលង​ឡើយ​»​។​ សូម​រំឭកថា ជា​រៀងរាល់ឆ្នាំ ព្រឹត្តិការណ៍​សម​រាត្រី (Equinox) ថ្ងៃ​រះ​នៅ​ចំ​កំពូល​កណ្តាល​ប្រាសាទអង្គរវត្ត តែង​កើតឡើង​ចំនួន ២ ​ដង ក្នុង​ ១ ​ឆ្នាំ ដោយលើក​ទី​ ១ នៅក្នុង​ខែមីនា និង​លើក​ទី​ ២​ ក្នុង​ខែកញ្ញា ដោយមាន​ការ​ចូលរួម​ទស្សនា​និង​ផ្តិត​យក​រូបភាព​យ៉ាងច្រើន​កុះករ​ក្នុង​ព្រឹត្តិ​ការណ៍​ដ៏​អស្ចារ្យ​នេះ​៕

3- Plateau de Valensole, Alpes de Haute-Provence (ប្រទេសបារាំង) លោកអ្នកពិតជាបានឃើញរូបនេះនៅលើបណ្តាញសង្គមផ្សេងៗ ដោយវាមានស្រមោលដ៏ស្រស់ស្អាតបំផុតនៃពណ៌ស្វាយ ដោយទីនោះគឺជា Plateau de Valensole។  វាជាទីតាំងដ៏ស្រស់ស្អាតបំផុតនៅអឺរ៉ុបដែលនេះជាផ្កាឡាវេនឌ័រ ដែលជារុក្ខជាតិក្លិនក្រអូប ដ៏ល្បីល្បាញ។ ទន្ទឹងនឹងនោះក៏មានវាលស្រែស្រូវសាលី និងភូមដ៏ស្រស់ស្អាតជាច្រើនដូចជា Esparron-de-Verdon, Riez និង Saint-Martin-de-Brômes ហើយនៅអំឡុងខែកក្កដា តំបន់នោះនឹងមានផ្កាឡាវេនឌ័រពណ៌ខៀវជាច្រើនបានរីកពោពេញទៅដោយភាពស្រស់ស្អាតនៃតំបន់នេះ។

4- Forbidden City, Beijing (ប្រទេសចិន) ប្រទេស​ចិន​ត្រូវ​បាន​គេ​ស្គាល់​ថា​ជា​កន្លែង​អាថ៌កំបាំង និង​អស្ចារ្យ​ជា​ច្រើន ហើយ​មួយ​ក្នុង​ចំណោម​នោះ​គឺ Forbidden City។ កន្លែង​នេះ​ជា​វិមាន​មួយ​នៅ​ក្នុង​ស្រុក Dongcheng ក្នុង​រដ្ឋធានី​ប៉េកាំង ហើយ​ស្ថិត​នៅ​កណ្តាល​នៃ​ទីក្រុង​អធិរាជ​ប៉េកាំង។ សាងសង់ក្នុងឆ្នាំ ១៤២០ ក្នុងកំឡុងដើមរាជវង្ស Ming ទីក្រុង Forbidden គឺជាវិមានអធិរាជដែលត្រូវបានថែរក្សាល្អបំផុត ហើយក៏ជាសំណង់បុរាណដ៏ធំបំផុតរបស់ពិភពលោកផងដែរ។ ដោយ​មាន​សាលធំ ជញ្ជាំង និង​ខ្លឹមសារ​នៃ​ស្ថាបត្យកម្ម​ប្រពៃណី​ចិន ហើយទីក្រុងនេះត្រូវ​បាន​ប្រកាស​ជា​តំបន់​បេតិកភណ្ឌ​ពិភពលោក​ក្នុង​ឆ្នាំ ១៩៨៧។

5- Sheikh Zayed Grand Mosque, Abu Dhabi (ប្រទេសអារ៉ាប់រួម) Sheikh Zayed Grand Mosque គឺជាវិហារអ៊ីស្លាមដ៏ធំបំផុតមួយក្នុងពិភពលោក ដែលស្ថិតនៅប្រទេសអារ៉ាប់រួម ដែលមានអគារចំនួន ៨២ ហើយមានសសរជាង ១០០០ បង្គោល និងកម្រាលព្រំដែលធ្វើដោយដៃធំជាងគេក្នុងពិភពលោក។ មិនតែប៉ុណ្ណោះ ការរចនាស្ថាបត្យកម្មឥស្លាមដ៏អស្ចារ្យ ដែលបានទាក់ទាញមនុស្សនៅជុំវិញពិភពលោកមកទសនា និងជាកន្លែងដ៏សំខាន់ក្នុងការគោរពបូជាសម្រាប់ប្រជាជនម៉ូស្លីម ផងដែរ។

6- Giza (ប្រទេសអេហ្ស៊ីប) លោកអ្នកនឹងដឹងពីមុនមកហើយថា ប្រទេសអេហ្ស៊ីប ដែលមានមហាពីរ៉ាមីត​ដ៏ធំជាងកេនៅលើពិភពលោក។ Giza វាជាទីក្រុងរបស់អេហ្ស៊ីប ដែលស្ថិតនៅលើច្រាំងខាងលិចនៃទន្លេនីល និងមានវិមានរបស់អហ្ស៊ីប រួមទាំងពីរ៉ាមីតដ៏ខ្ពស់ចំនួន ៣ ដែលមានភាពល្បីល្បាញលើពិភពលោក។ វាពិជាមានទេសភាពស្រស់ស្អាតបំផុត ហើយមាហាពីរ៉ាមីតដ៏ធំមួយនេះ គឺផ្នូររបស់ស្តេច Khufu។ គួរបញ្ជាក់ផងដែរថា រូបចម្លាក់ក្បាលមនុស្សនៅលើដងខ្លួនរបស់សត្វតោ ដែលមានឈ្មោះថា Great Sphinx ក៏មានតាំងនៅ Giza ផងដែរ។ 

7- Great Ocean Road ( ប្រទេសអូស្ត្រាលី) សូមនាំកូនជាទីស្រលាញ់របស់អ្នកធ្វើដំណើរដ៏វែងឆ្ងាយតាមមហាវិថីមហាសមុទ្រក្នុងប្រទេសអូស្ត្រាលី ព្រោះវាជាកន្លែងដ៏ស្រស់ស្អាតបំផុតមួយនៅក្នុងប្រទេសអូស្ត្រាលី។ Great Ocean Road នេះពិតជាធ្វើអោយដំណើរកម្សាន្តនៅតំបន់ដ៏ល្បីមួយនេះ ធ្វើងោយយើងបានមើលឃើញព្រៃប្រឹក្សាដ៏ស្រស់បំព្រង ទឹកសមុទ្រស្រស់ស្អាត ផ្លូវមហាសមុទ្រ ដែលធ្វើអោយយើងទទួលបានភាពស្រស់ស្រាយដោយមិនអាចបំភ្លេចបាន។ ហើយមិនតែប៉ុណ្ណោះ ក៏មានកន្លែង ជិះស្គីលើភ្នំ ជិះកង់លើភ្នំ ឬការដើរព្រៃ ហើយទទួលបានអត្ថប្រយោជន៍ច្រើនបំផុតពីការធ្វើដំណើរកំសាន្តរបស់លោកអ្នកនៅក្នុងប្រទេសអូស្រ្តាលី។

8- Chittorgarh Fort ( ប្រទេសឥណ្ឌា)  បន្ទាយ Chittorgarh ដែលគ្របដណ្ដប់លើផ្ទៃដីប្រហែល 700 ហិចតា ជាមួយនឹងជញ្ជាំងបរិវេណប្រវែង 13 គីឡូម៉ែត្រ ។ Chittorgarh Fort ត្រូវបានប្រកាសជាសម្បត្តិបេតិកភណ្ឌពិភពលោកដោយអង្គការយូណេស្កូនៅក្នុងឆ្នាំ២០១៣  រួមជាមួយនឹងបន្ទាយចំនួនប្រាំផ្សេងទៀតនៃរដ្ឋ។ ទីតាំងបន្ទាយ Chittorgarh នេះគឺជាបន្ទាយដ៏ធំបំផុតមួយក្នុងប្រទេសឥណ្ឌា ហើយមានភាពអស្ចារ្យដែលស្ថិតនៅក្នុងចំណោមតំបន់ទេសចរណ៍ដ៏ស្រស់ស្អាតនៅក្នុងប្រទេសឥណ្ឌា។ Chittorgarh លាតសន្ធឹងលើភ្នំមួយនៅមាត់ទន្លេ ហើយមានវិមាន ប្រសាទ និងកន្លែងដែលមានស្តុកទឹកនៅទីនោះផងដែរ។

9- Banff National Park (ប្រទេសកាណាដា) ឧទ្យានជាតិ Banff ជាកន្លែងដែលមានភាពទាក់ទញបំផុតនៅក្នុងប្រទេសកាណាដា ដោយប្រទេសនេះមានអំណោយផលទៅលើធម្មជាតិ ដោយមាន បឹង ភ្នំ ដែលមានសុទ្ធសឹងតែជាកន្លែងដែលមានភាពទាក់ទាញសម្រាប់ភ្ញៀវទេសចរសម្រាប់ធ្វើដំណើរកំសាន្តនៅទីនោះ។ លោកអ្នកប្រកដជាធ្លាប់បានឃើញឧទ្យាននេះនៅពេញអ៊ីនធឺណិត ព្រោះវាជាឧទ្យានជាតិដែលមានអ្នកចូលទស្សនាច្រើនបំផុតនៅក្នុងប្រទេសកាណាដា។ នៅទីនោះវាមានទឹកពណ៌ខៀវស្រងាត់ ហើយមានទេសភាពស្រស់បំព្រង គួរជាទីគយគន់ និងទទួលបានភាពកក់ក្តៅដោយទទួលបានសប្បាយរីករាយសម្រាប់លោកអ្នកដែលបានធ្វើដំណើរកំសាន្តនៅទីនោះ ព្រោះវាជាផ្នែកមួយដ៏សំខាន់បំផុតនៅក្នុងប្រទេស កាណាដា ផងដែរ។

 

​10. Li River (ប្រទេសចិន)​​ ទន្លេលី មានភាពល្បីល្បាញបំផុតនៅលើពិភពលោក ដែលមានទីតាំងស្ថិតនៅក្រុង Guilin ក្នុងខេត្ត Guangxi ភាគខាងត្បូងប្រទេសចិន។ ដើម្បីទទួលបានបទពិសោធន៍ដែលមិនអាចបំភ្លេចបាន និងប្លែកភ្នែក សូមជិះទូកកម្សាន្តតាមដងទន្លេលី ពីទីក្រុង Guinin ទៅកាន់ Yangshuo ហើយរីករាយនឹងទេសភាពដ៏អស្ចារ្យ។ នៅតាមផ្លូវទឹក ពិតជាទទួលបានភាពរីករាយ និងបានមើលឃើញក្របីទឹក កសិករធ្វើស្រែចម្ការ និងភូមិប្រពៃណីដែលស្ថិតនៅជើងភ្នំ។ ការជិះក្បូនឬស្សី ការនេសាទត្រី ការឡើងភ្នំ និងការមើលកម្មវិធីពេលរាត្រី គឺជាសកម្មភាពដ៏មានភាពទាក់ទាញ និងសម្បាយរីករាយនៅទីនោះផងដែរ។

11- Meteora ( ប្រទេសក្រិក)  Meteora ត្រូវបានបញ្ចូលក្នុងបញ្ជីបេតិកភណ្ឌពិភពលោករបស់អង្គការយូណេស្កូ នៅឆ្នាំ ១៩៨៨ ។ Meteora គឺជាកន្លែងដ៏ល្អមួយដែលមានទេសភាពដ៏អស្ចាសរ្យ និងវត្តអារាម Byzantine ដែលស្ថិននៅលើកំពូលថ្មីដ៏ចោត ដែលមានវត្ថុបុរាណ និងគំនូរជញ្ជាំងដែលមានតំលៃមិនអាចកាត់ថ្លៃបាន។ សព្វថ្ងៃនេះមានវត្តចំនួន ៦ ប៉ុណ្ណោះ ដែលមានព្រះសង្ឃ និងដូនជីមួយចំនួនដែលបានរស់នៅលើ Meteora។

12- Zhangye Danxia Landform in Gansu ( ប្រទេសចិន)  ប្រសិនបើអ្នកចង់ឃើញភាពស្រស់ស្អាតនៃតន់ទេសចរណ៍នៅប្រទេសចិន លោកអ្នកត្រូវទៅទស្សនាឧទ្យានជាតិ Zhangye Danxia នេះ។ វា​គឺ​ជា​ទេសភាព​ដ៏​ស្រស់​ស្អាត​បំផុត​មួយ​ក្នុង​ពិភពលោក ហើយ​លោកអ្នកនឹងបានផ្តិតរូបភាពស្អាតៗ និងទទួលបានភាពសប្បាយរីករាយជាមួយនឹងភាពស្រស់បំព្រងរបស់ ឧទ្យានជាតិ Zhangye Danxia ។ គ្រាន់តែក្រឡេកមើលពណ៌នៃ “ភ្នំឥន្ទធនូ” នឹងធ្វើឱ្យអារម្មណ៍របស់អ្នកមានការភ្ញាក់ផ្អើល និងរំភើបបំផុតសម្រាប់តំបន់ទេសចរណ៍ដ៏ស្រស់ស្អាត ដែលលោកអ្នកមិនគួរមើលរំលងនៅតំបន់មួយនេះ។

និង​មិនគួរ​រំលង​ឡើយ​»​។​ សូម​រំឭកថា ជា​រៀងរាល់ឆ្នាំ ព្រឹត្តិការណ៍​សម​រាត្រី (Equinox) ថ្ងៃ​រះ​នៅ​ចំ​កំពូល​កណ្តាល​ប្រាសាទអង្គរវត្ត តែង​កើតឡើង​ចំនួន ២ ​ដង ក្នុង​ ១ ​ឆ្នាំ ដោយលើក​ទី​ ១ នៅក្នុង​ខែមីនា និង​លើក​ទី​ ២​ ក្នុង​ខែកញ្ញា ដោយមាន​ការ​ចូលរួម​ទស្សនា​និង​ផ្តិត​យក​រូបភាព​យ៉ាងច្រើន​កុះករ​ក្នុង​ព្រឹត្តិ​ការណ៍​ដ៏​អស្ចារ្យ​នេះ​៕

13- Huacachina (ប្រទេសប៉េរូ) Huacachina Lagoon ត្រឹមតែ 20 នាទីពីទីក្រុង Ica គឺជាកន្លែងដ៏ល្អមួយ ដែលមានទេសភាពស្រស់ស្អាត គួរជាទីចាប់អារម្មណ៍។ Huacachina ត្រូវបានគេស្គាល់ថាជា Oasis of America នៅទីនោះ លោកអ្នកនឹងឃើញបឹងដ៏ស្រស់ស្អាតមួយដែលហ៊ុំព័ទ្ធដោយរុក្ខជាតិបៃតង ផែរ និងការផ្តល់ជូនផ្សេងៗនៃសណ្ឋាគារដើម្បីរីករាយលើសពីមួយថ្ងៃនៅកន្លែងដ៏អស្ចារ្យមួយនេះ។

14- Blue Lagoon (ប្រទេសអ៊ីស្លង់)  ៖ ត្រៀម​ខ្លួន​សម្រាប់​រដូវ​សម្រាក​ស្ប៉ា​ហើយ​ឬ​នៅ?  Blue Lagoon ក្នុងប្រទេសអ៊ីស្លង់ ដែលជាកន្លែងដ៏ស្រស់ស្អាតបំផុតមួយក្នុងពិភពលោក ហើយរីករាយជាមួយពេលវេលាស្ប៉ាដ៏ស្ងប់ស្ងាត់ជាមួយមនុស្សជាទីស្រលាញ់របស់អ្នក។ ស្ថិតនៅភាគនិរតីនៃទីក្រុង Reykjavik បឹង Blue Lagoon គឺជានិមិត្តរូបនៃប្រទេស និងទាក់ទាញភ្ញៀវទេសចរពីគ្រប់ទិសទី។

15- Yellowstone National Park, Wyoming ( សហរដ្ឋអាមេរិក) ៖ ឧទ្យានជាតិ Yellowstone នៅសហរដ្ឋអាមេរិក វាគឺជាកន្លែងដ៏ស្រស់ស្អាតបំផុតមួយដែលអ្នកទេសចរណ៍បានមើលឃើញនូវទេសភាពដ៏អស្ចារ្យមួយនេះនៅលើទឹកដីសហរដ្ឋអាមេរិក។​ ឧទ្យានជាតិ Yellowstone មានទន្លេអាល់ផែន កន្លែងទឹកក្ដៅ អន្លង់ដ៏ធំ ព្រៃខៀវស្រងាត់ និងប្រភពទឹកហូរ រួមទាំងកន្លែងដ៏ពេញនិយមរបស់ Old Faithful ។ មិនត្រឹមតែប៉ុណ្ណោះ ឧទ្យានជាតិនេះមានថនិកសត្វជាច្រើនប្រភេទដូចជា ខ្លាឃ្មុំ ចចក ប៊ីសុន និងសត្វស្វាជាដើម។

16- Tianzi Mountains ( ប្រទេសចិន) ភ្នំ Tianzi ស្ថិតនៅក្នុងប្រទេសចិនត្រូវបានគេស្គាល់ថាជា “ស្តេចនៃព្រៃកំពូល” ។ ទាំងនោះគឺជាកំពូលភ្នំពេលមើលទៅពិតជាអស្ចារ្យខ្លាំងណាស់។ ដើម្បីទៅដល់កំពូលបាន គឺឡើងតាមរយៈរថយនខ្សែកាប សម្រាប់ការធ្វើដំណើរតាមរថនយ្តខ្សែកាបនោះ គឺមានទេសភាពគួរជាទីទាក់ទាញនៅតាមដងផ្លូវ។ ភ្នំ Tianzi គឺមានភាពអស្ចារ្យចំនួន៤ រួមាន សមុត្រពពក រស្មីនៃពន្លឺព្រះច័ន្ទ រស្មីនៃពន្លឺថ្ងៃ និងព្រិលក្នុងរដូវរងា។

17. Maldives ( ប្រទេសម៉ាល់ឌីវ) ទឹក​ពណ៌​ខៀវ​ខ្ចី ឆ្នេរ​ខ្សាច់​ពណ៌​ស និង​ផ្ទៃ​មេឃ​ស្រឡះ​ថ្លា​ធ្វើ​ឱ្យ​ប្រទេស​ម៉ាល់ឌីវ ​ក្លាយ​ជា​កន្លែង​ដ៏​ស្រស់​ស្អាត​បំផុត​មួយ​ក្នុង​ពិភពលោក។ វាជាទិសដៅកម្រនិងជាតំបន់មួយល្អឯកសម្រាប់លោកអ្នកទៅទស្សនា ជាពិសេសសម្រាប់អ្នកក្រេបទឹកឃ្មុំ និងអ្នកចូលចិត្តផ្សងព្រេង។ ស្ថិតនៅក្នុងសមុទ្រអារ៉ាប់នៃមហាសមុទ្រឥណ្ឌា ម៉ាល់ឌីវ ពិតជាមានភាពទាក់ទាញ និងផ្តល់ជូនលោកអ្នកនូវអារម្មណ៍ស្រស់ថ្លា ជាមួយមនុស្សជាទីស្រលាញ់របស់អ្នក នៅពេលបានទៅដល់ទីនោះ។

18.Santorini Island (ប្រទេសក្រិក) លោកអ្នកនឹងបានឃើញនូវរូបភាពដ៏ស្រស់ស្អាតនៃផ្ទះពណ៌ស ជាមួយនឹងទិដ្ឋភាពមហាសមុត្រពណ៌ខៀវ និងរបៀបរស់នៅដ៏ប្រណិត នោះជាគឺជាកោះ Santorini ។ លោកអ្នកដឹងហើយថា នៅគ្រប់កន្លែងនៃប្រទេសក្រិចសុទ្ធតែជាកន្លែងកំពូលៗ ហើយអ្វីដែលអស្ចារ្យនោះគឺ Santorini។

19-  St. Lucia ៖ ដោយទទួលបានអំណោយផលពីធម្មជាតិ កោះ St. Lucia មានភូមិសាស្រ្ត និងវប្បធម៌ដ៏សំបូរបែប គឺនៅភាគខាងកើតការ៉ាប៊ីន ដែលអាចធ្វើអោយប្រទេសធំៗជាច្រើនមានការសរសើរគ្រប់គ្នា។ វាជាកន្លែងមួយក្នុងចំណោមតំបន់ដែលមានទេសភាពស្រស់ស្អាតនៅលើពិភពលោកផងដែរ។

20- Taj Mahal (ប្រទេសឥណ្ឌា)  Taj Mahal គឺជាកន្លែងដ៏ស្រស់ស្អាតបំផុតមួយនៅក្នុងប្រទេសឥណ្ឌា ក៏ដូចជាពិភពលោកដែលអ្នកនឹងបានឃើញ និងធ្វើអោយជីវិតរបស់លោកអ្នកមានភាពសប្បាយរីករាយនៅពេលទៅលេងនៅទីនោះ។ Taj Mahal ត្រូវបានសាងសង់ឡើងដោយព្រះចៅអធិរាជ Mughal Shah Jahan ក្នុងការចងចាំរបស់ភរិយាជាទីស្រឡាញ់របស់គាត់ Mumtaz។ ការរៀបចំធ្វើឡើងពីថ្មម៉ាបពណ៌សដ៏អស្ចារ្យឈរជាគំរូនៃសេចក្តីស្រឡាញ់។ អ្នកទេសចរមកពីជុំវិញពិភពលោកមកទស្សនា និងកោតសរសើរស្ថាបត្យកម្មដ៏អស្ចារ្យមួយនេះ។

 21- Reine (ប្រទេសន័រវេស) Reine គឺជាភូមិនេសាទមួយដែលមានទីតាំងនៅ Lofoten ហើយភូមិ​នេះ​ជា​កន្លែង​ដ៏​ល្អ​មួយ​សម្រាប់​ធ្វើដំណើរកំសាន្តរនៅ Lofoten ។ នៅទីនោះបានផ្តល់នូវសកម្មភាពផ្សងព្រេងជាច្រើនដែលមានចំនួនរហូតដល់ទៅ ២៣ កន្លែង រួមទាំងការជិះទូកកាយ៉ាក់ មុជទឹកស្កាយបា ការឡើងភ្នំ ដំណើរកម្សាន្តជិះកង់ និងច្រើនទៀត។ ដូច្នេះ ប្រសិនបើលោកអ្នកចង់ធ្វើដំណើរកំសាន្តដែលមានទេសភាពដ៏ស្រស់ស្អាត និងមានកន្លែងជាច្រើនសម្បូរបែប លោកអ្នកអាចទៅទីនោះ នឹងទទួលបានអារម្មណ៍ដ៏ស្រស់ស្រាយនៅក្នុងជីវិតផងដែរ។

22- Neuschwanstein Castle (ប្រទេសអាល្លឺម៉ង់) អាល្លឺម៉ង់ស្ថិតក្នុងចំណោមប្រទេសដែលល្អបំផុតមួយសម្រាប់កន្លែងតំបន់ទេសចរណ៍ដែលមានភាពស្រស់ស្អាត។ វាមានប្រសាទដ៏អស្ចារ្យបំផុតមួយនៅអឺរ៉ុប និងជាកន្លែងទាក់ទាញភ្ញៀវទេសចរដ៏ល្បីល្បាញមួយនៅក្នុងពិភពលោក គឺប្រសាទ Neuschwanstein ក្នុងប្រទេសអាល្លឺម៉ង់។ វាជាកន្លែងក្នុងក្តីស្រម៉ៃរបស់អ្នកដែលមិនធ្លាប់បានទៅដល់កន្លែងនោះ។ បើលោកអ្នកបានទៅលេងនៅទីនោះ អ្នកនឹងទទួលបានអារម្មណ៍មួយដ៏រំភើបនៅក្នុងជីវិតផងដែរ។

23-Aogashima Volcano ( ប្រទេសជប៉ុន) ងាកមកប្រទេសជប៉ុនវិញម្តង យើងដឹងហើយថា ប្រទេសជប៉ុនគឺជាប្រទេសដែលមានបច្ចេកវិទ្យាខ្ពស់នៅលើពិភពលោក ហើយក៏ជាប្រទេសដែលមានសេដ្ឋធំទី៣ នៅលើពិភពលោកផងដែរ។ អ្វីដែលពិសេស ប្រទេសជប៉ុនក៏មានកន្លែងទេសចរណ៍ដ៏ច្រើនសម្បូរបែប លោកអ្នកនឹងបានឃើញទិដ្ឋភាពខ្លះមួយចំនួននៅលើប្រព័ន្ទអ៊ិនធឺណេត ថាប្រទេសជប៉ុនគឺមានកន្លែងកំសាន្តស្អាត។ នេះ Aogashima គឺជាកោះភ្នំភ្លើងជប៉ុន ហើយជាកន្លែងដ៏ស្រស់ស្អាតរបស់ប្រទេសជប៉ុន។ វាជាតំបន់ដាច់ស្រយាល ដែលដាច់ឆ្លាយ ហេតុនោះហើយបានជាមនុស្សមួយចំនួនមិនសូវបានស្គាល់ទីកន្លែងដ៏ស្រស់ស្អាតមួយនេះ។ Aogashima គឺជាកន្លែងដ៏ល្អឥតខ្ចោះសម្រាប់លោកអ្នកចូលចិត្តបែបការផ្សងព្រេងដើម្បីស្វែងយល់ពីតំបន់ទេសចរណ៍ប្រភេទនេះ។

24- Longji Rice Terrace (ប្រទេសចិន) ពេលមើលទៅស្រដៀងនឹងវាលស្រែនៃ Munnar ក្នុងប្រទេសឥណ្ឌា។ Longji គឺស្ថិតនៅក្នុងចំណោមទេសភាបដ៏ស្រស់ស្អាតបំផុតក្នុងពិភពលោកដែលត្រូវបានអ្នកទេសចរណ៍មានការចាប់អារម្មណ៍ជាខ្លាំង ទៅលើតំបន់ដែលមានភាពស្ថានភាពប្លែកភ្នែកមួយនេះ។

25- Pamukkale ( ប្រទេសទួគី)  ក្នុងចំណោមអាងទាំងអស់ដែលអ្នកបានឃើញក្នុងជីវិត Pamukkale គឺជាអាងដ៏ល្អបំផុត។ Pamukkale គឺជាកន្លែងដ៏គួរឱ្យគយគន់នៅក្នុងប្រទេសទួរគី ហើយមានភាពល្បីល្បាញដោយសារប្រភពទឹកក្ដៅធម្មជាតិ សំបូរទៅដោយសារធាតុរ៉ែ និងព្រិលពណ៌សដែលបញ្ចេញចេញពីផ្ទៃរាបស្មើរ travertine នៅលើភ្នំក្បែរនោះ។ អាងទឹកបុរាណមានភាពល្បីល្បាញដោយសារជួរឈររ៉ូម៉ាំងលិចទឹក ដែលអ្នកអាចងូតទឹក និងមានអារម្មណ៍ពិតជាអស្ចារ្យខ្លាំងណាស់។

26- Ha Long Bay (ប្រទេសវៀតណាម) ស្ថិតនៅភាគឦសានប្រទេសវៀតណាម ឈូងសមុទ្រ Ha Long មានភាពល្បីល្បាញដោយសារទឹកពណ៌ខៀវស្រងាត់ និងកោះថ្មកំបោរដែលប៉ះលើមេឃជាច្រើន ដែលគ្របដណ្ដប់ដោយព្រៃទឹកភ្លៀង។ វា​គឺ​ជា​តំបន់​បេតិកភណ្ឌ​ពិភពលោក​របស់​អង្គការ​យូណេស្កូ ដែល​មាន​ផ្ទៃដី​ប្រមាណ ១៥០,០០០ ហិកតា។ អ្នកអាចរីករាយនឹងដំណើរទេសចរណ៍តាមទូក Junk និងដំណើរទេសចរណ៍កាយ៉ាកសមុទ្រ ដើម្បីធ្វើជាសាក្សីលើកោះដែលមានរូបរាងដូចកោះ Teapot និង Stone Dog។ មិនត្រឹមតែប៉ុណ្ណឹងទេ អ្នកក៏អាចរីករាយជាមួយការមុជទឹក ដើរលេង និងឡើងភ្នំជាពេលវេលាដ៏គួរឱ្យចងចាំផងដែរ។

27- Machu Picchu (ប្រទេសប៉េរូ) Machu Picchu ជា​តំបន់​បេតិកភណ្ឌពិភពលោក ​ដែល​បាន​ប្រកាស​ដោយ​អង្គការ​យូណេស្កូ Machu Picchu ជា​កន្លែង​ដែល​ស្អាត​បំផុត​ក្នុង​ពិភពលោក។ វាមានកំពស់ជាង ៧,០០០ហ្វីតពីលើនីវ៉ូទឹកសមុទ្រនៅលើភ្នំ Andes ។ វាគឺជាកន្លែងទាក់ទាញភ្ញៀវទេសចរដែលបានទៅទស្សនាច្រើនបំផុតនៅក្នុងប្រទេសប៉េរូ ដោយសារមានរុក្ខជាតិបៃតងខៀវស្រងាត់ជុំវិញ ទំហំនៃរចនាសម្ព័ន្ធ និងការតម្រឹមតារាសាស្ត្រដ៏គួរឱ្យចាប់អារម្មណ៍។ Machu Picchu ក៏ត្រូវបានប្រកាសថាជាអច្ឆរិយៈទាំងប្រាំពីរថ្មីនៃពិភពលោកកាលពីឆ្នាំ ២០០៧ ផងដែរ។

28- Marrakesh (ប្រទេសម៉ារ៉ុក) កន្លែងដ៏ស្រស់ស្អាតមួយនៅភាគខាងលិចម៉ារ៉ុក Marrakesh ត្រូវបានទៅទស្សនាយ៉ាងច្រើន និងទទូលបានភាពសប្បាយរីករាយពីការធ្វើដំណើរកំសាន្តនៅ Marrakesh។ នៅទីនោះត្រូវបានស្ថបត្យកម្មរៀបចំបានយ៉ាងប្លែប និងមានភាពស្រស់ស្អាត ហើយជាតំបន់ដែលមានភាពទាក់ទាញបំផុតសម្រាប់អ្នកទេសចរដែលមកលេងកំសាន្តនៅប្រទេសម៉ារ៉ុក ផងដែរ។

29. Bora Bora (ប្រទេសបារាំង) អ្នកពិតជាធ្លាប់បានឃើញ នៅលើបណ្តាញសង្គម នៃរូបភាពដែលមានភាពស្រស់ស្អាត និងពណ៌ផ្ទៃទឹកថ្លាត្រចង់ នោះគឺជា Bora Bora។ វា​គឺ​ជា​កន្លែង​ដ៏​ស្រស់​ស្អាត​បំផុត​មួយ​សម្រាប់ភ្ញៀវទេសចរនៅទូទាំងពិភពលោក។ វាជាកន្លែងសម្រាប់ហែលទឹកដ៏គួរអោយមានភាពទាកទាញបំផុតផងដែរ។

30- Aurora Borealis (ប្រទេសស៊ុយអែត) ពន្លឺភាគខាងជើងត្រូវបានគេហៅថា Aurora Borealis ឬ Australis គឺជាបាតុភូតធម្មជាតិដ៏ល្បីបំផុតមួយនៅក្នុងពិភពលោក ហើយជាកន្លែងដ៏ស្រស់ស្អាតបំផុតមួយសម្រាប់ទស្សនានៅលើភពផែនដី។ មានប្រតិបត្តិករទេសចរណ៍ Scandinavian ជាច្រើនដែលផ្តល់ជូនអ្នកឱ្យឃើញពីស្ថានភាពអាកាសធាតុនេះ ដែលបង្ហាញពន្លឺពណ៌ក្រហម បៃតង និងពណ៌ខៀវ។ និយាយតាមបែបវិទ្យាសាស្ត្រ ពន្លឺខាងជើងគឺបណ្តាលមកពីអន្តរកម្មនៃភាគល្អិតដែលមានបន្ទុកពីព្រះអាទិត្យជាមួយ ionosphere របស់ផែនដី។

31- Mount Rinjani, Lombok (ប្រទេសឥណ្ឌូនេស៊ី) Mount Rinjani ជាភ្នំភ្លើងនៅក្នុងប្រទេសឥណ្ឌូនេស៊ី ដែលមានទេសភាពដ៏ស្រស់ស្អាតបំផុតនៅលើពិភពលោក។ វាជាភ្នំភ្លើងដែលមានកម្ពស់ខ្ពស់បំផុតទីពីររបស់ប្រទេសឥណ្ឌូនេស៊ី យើងអាចឡើងទៅលើភ្នំនេះបាន ហើយភ្នំនេះមានកម្ពស់ ១៥០០ម៉ែត្រក្នុងចម្ងាយ ៨គីឡូម៉ែត្រ ផងដែរ។

32- Marble Caves (ប៉ាតាហ្គោនី) រូងភ្នំដ៏ស្រស់ស្អាតដែលជាអច្ឆរិយៈធម្មជាតិតែមួយគត់ ដែលជាថ្មម៉ាបនៅ Patagonia គឺជាកន្លែងដ៏ស្រស់ស្អាតបំផុតនៅក្នុងពិភពលោក លោកអ្នកនឹងទទួលបានអារម្មណ៍ដ៏ស្រស់ថ្លា ដោយឃើញទេសភាពស្អាគួរជាទីគយគន់។ យើងអាចចូលទៅជិតរូងភ្នំ ដោយធ្វើការជិះទូកកាយ៉ាក ហើយបានឃើញថ្មម៉ាបក្នុងរូបភាពដ៏ល្អបំផុត ដោយមើលទៅពិតជាស្រស់ស្អាតខ្លាំងណាស់។

33- Tamil Nadu Temple (ប្រទេសឥណ្ឌា) Tamil Nadu ត្រូវបានគេស្គាល់ថាជាទីក្រុងប្រាសាទនៃប្រទេសឥណ្ឌា និងមានប្រាសាទដ៏អស្ចារ្យជាច្រើនរបស់ប្រទេស។ ភាពប៉ិនប្រសប់ផ្នែកស្ថាបត្យកម្ម ចម្លាក់ និងជំនាញសិល្បៈរបស់វិស្វករ និងសិប្បករនៃសម័យអតីតកាល ធ្វើឱ្យពួកគេក្លាយជាកន្លែងដ៏ស្រស់ស្អាតបំផុតដើម្បីទស្សនានៅក្នុងប្រទេសឥណ្ឌា។ ប្រាសាទតាមីល ណាឌូ បង្ហាញពីរសជាតិដ៏ប្រណីត និងសម្បូរបែបនៃស្តេចរាជវង្សកាលពីដើម។ ប្រាសាទទាំងនេះដើរតួជាឆ្អឹងខ្នងនៃវប្បធម៌តាមីល ហើយសព្វថ្ងៃនេះដើរតួជាផ្នែកមួយនៃគ្រឿងអលង្ការដ៏មានតម្លៃរបស់ប្រទេសឥណ្ឌាដែលបន្ថែមទៅលើបេតិកភណ្ឌវប្បធម៌ដ៏សម្បូរបែបរបស់វា។

34- Salar de Uyuni ( ប្រទេសបូលីវី)​ នៅភាគនិរតី បូលីវី គឺជាផ្ទះអំបិលដ៏ធំបំផុតក្នុងពិភពលោក។ នៅពេលដែលវាស្ងួត អំបិលមានពន្លឺភ្លឺដូចពេជ្រ ហើយនៅពេលដែលមានភ្លៀងធ្លាក់ បឹងនេះបង្កើតជារូបភាពបំភាន់នៃភាពគ្មានទីបញ្ចប់។ Salar de Uyuni ក្នុងប្រទេស Bolivia គឺជាកន្លែងដ៏ស្រស់ស្អាតបំផុតរបស់ពិភពលោក ដែលជាលទ្ធផលនៃបឹងស្ងួត និងបន្សល់ទុកកន្លែងដូចសុបិននៅលើផែនដី។

35- Kuang Si Falls, Luang Prabang (ប្រទេសឡាវ)   Kuang Xi ឬ Tat Kuang Si ទឹកធ្លាក់ Kuang Si មានទីតាំងនៅភាគខាងជើងនៃប្រទេសឡាវ ហើយវាជាកន្លែងឋានសួគ៌មួយសម្រាប់អ្នកធ្វើដំណើរកំសន្ត។ ប្រសិនបើអ្នកកំពុងស្វែងរក ភាពស្ងប់ និងការសំរាកលំហែ ខណៈពេលនោះ អ្នកនឹងបានឃើញភាពស្រស់ស្អាតនៃធម្មជាតិ វាគឺជាកន្លែងដ៏ល្អឥតខ្ចោះសម្រាប់អ្នក។ នៅក្រោមព្រៃជ្រៅ នេះគឺជាការទាក់ទាញដ៏សំខាន់ក្នុងចំណោមភ្ញៀវទេសចរ។ ទឹក​ពណ៌​ខៀវ​ខ្ចី​ដែល​ស្រក់​ពី​ព្រៃ​ក្រាស់​ខាង​លើ​ចូល​ទៅ​ក្នុង​អាង​ថ្មកំបោរ​ដែល​មាន​ចម្លាក់​អាច​ជា​ចំណុច​សំខាន់​នៃ​ដំណើរ​កម្សាន្ត​ទៅ​ប្រទេស​ឡាវ។

36- St. Basil’s Cathedral, Moscow (ប្រទេសរុស្ស៊ី)  ព្រះវិហារ St. Basil’s ពិតជាមានភាពល្បីល្បាញខ្លាំងណាស់នៅលើបណ្តាញសង្គមផ្សព្វផ្សាយ ដែលមានភាពស្រស់ស្អាតបំផុតនៅក្នុងប្រទេសរុស្ស៊ី និងពិភពលោក។

37- Lofoten Islands (ប្រទេសន័រវេស) កោះ Lofoten ជាតំបន់ទេសចរណ៍ដ៏សំខាន់មួយរបស់ប្រទេស​ ន័រវេស វាមានភាពស្រស់ស្អាត និងទទួលបានការគាំទ្រពីភ្ញៀវទេសចរដែលបានទៅកំសាន្តនៅទីនោះ ព្រោះវាមានភាពទាក់ទាញដោយសារ មានបរិយាកាសមួយដ៏ល្អ ភ្នំដ៏អស្ចារ្យ ទឹកជ្រៅ សម្បូរទៅដោយសត្វសមុទ្រ និងឆ្នេរខ្សាច់ដ៏វែងបានធ្វើឲ្យកោះ Lofoten  ក្លាយជាកន្លែងដ៏ស្រាស់ស្អាតបំផុតមួយសម្រាប់អ្នកទេសចរណ៍នៅលើពិភពលោក។

38- Barcelona (ប្រទេសអេស្ប៉ាញ) រាជធានី​នៃ​ប្រទេស​អេស្ប៉ាញ Barcelona ល្បីល្បាញ​ខាង​សិល្បៈ និង​ស្ថាបត្យកម្ម។ មិនត្រឹមតែប៉ុណ្ណឹងទេ សារមន្ទីរសិល្បៈទំនើប ឧទ្យានដ៏ស្ងប់ស្ងាត់ និងឆ្នេរសមុទ្រពណ៌មាស គឺជាហេតុផលផ្សេងទៀតដែលបានដាក់ទីក្រុងនេះឱ្យស្ថិតក្នុងចំណោមកន្លែងដ៏ស្រស់ស្អាតបំផុតក្នុងពិភពលោក។ ព្រះវិហារ Romanesque ភាពសម្បូរបែបនៃទ្រព្យសម្បត្តិសិល្បៈ និងឈ្មោះដ៏អស្ចារ្យនៅក្នុងសិល្បៈ និងស្ថាបត្យកម្មទំនើបបានធ្វើឱ្យ Barcelona ក្លាយជាកន្លែងមួយក្នុងចំណោមកន្លែងដែលមានអ្នកទស្សនាច្រើនបំផុតនៅលើពិភពលោក។

39. Iguazú Falls  ( ប្រទេសអាហ្សង់ទីន) Iguazu ជាទឹកធ្លាក់ធំជាងគេបំផុតរបស់ពិភពលោក ហើយមានភាពស្ងប់ស្ងាត់ គួរជាទីទាក់ទាញ ស្រស់ស្រាយ និងជាកន្លែងដ៏ស្រស់ស្អាតបំផុតនៅលើពិភពលោក។ វាមានទីតាំងនៅព្រំដែននៃប្រទេសប្រេស៊ីល និងអាហ្សង់ទីន។ វាត្រូវបានបែងចែកទៅជា Iguazú ខាងលើ និងខាងក្រោម ហើយផ្តល់នូវទេសភាពដ៏អស្ចារ្យ។

40- Faroc Islands (ប្រទេសដាណឺម៉ាក) សូមណែនាំកន្លែងដ៏ស្រស់ស្អាតបំផុតមួយនៅខាងអឺរ៉ុប គឺកោះ ហ្វារ៉ូ ដែលស្ថិតនៅប្រទេសដាណឺម៉ាក។ គ្រប់គ្នាបានផ្តល់ភាពសប្បាយរីករាយជាមួយតំបន់កោះដែលមានភាពទាក់ទាញ ដោយទទួលបាននូវចំណីជីវិតថ្មីនៅតំបន់នោះ។ នៅទីនោះគឺជាប្រជុំកោះនៃកោះចំនួន ១៨ ដែលមានរាងដូចភ្នំភ្លើង និងផ្ទាំងទឹកក ផងដែរ។

41- Lake Tekapo (ប្រទេសនូវែលសេឡង់) ទីក្រុមមួយនៅលើកោះភាគខាងត្បូងនៃប្រទេសនូវែលសេឡង់ គឺបង Tekapo ជាកន្លែងដែលមានមនុស្សរស់នៅតិចបំផុតក្នុងចំណោម ៥ ផ្សេងទៀតនៅលើពិភពលោក ហើយមានអ្នកស្រុកត្រឹមតែ ៥៥៨នាក់តែប៉ុណ្ណោះ នេះបើយោងតាមជំរឿនឆ្នាំ ២០១៨។ វា​គឺ​ជា​កន្លែង​ដ៏​ស្រស់​ស្អាត​បំផុត​មួយ​ដែល​ត្រូវ​ទៅ​ទស្សនា​ក្នុង​ប្រទេស​នូវែលសេឡង់ ព្រោះ​វា​បង្ហាញ​ស្រមោល​ដ៏​ស្រស់​​នៃ​ពណ៌​ខៀវ បៃតង និង​ពណ៌​ស្វាយ។

42- Venice (ប្រទេសអ៊ីតាលី) Venice ជាកន្លែងដែលក្រុមហ៊ុនថតភាពយន្តបូលីវូដ និង ហូលីវូដជាច្រើន នៅទីក្រុងនេះ ដែលបានក្លាយទៅជាគោលដៅដ៏ពេញនិយមនៅក្នុងប្រទេសអ៊ីតាលីអស់រយៈជាច្រើនទសវត្សរ៍មកហើយ។ ត្រូវបានគេស្គាល់ថាជា City of Canals’, The Floating City និង Serenissima ដោយកន្លែងនេះគឺជាទីក្រុងដ៏ស្រស់ស្អាតបំផុតមួយក្នុងពិភពលោកដែលមិនអាចប្រកែកបានសម្រាប់អ្នកក្រេបទឹកឃ្មុំ និងគូស្នេហ៍ ផងដែរ។

43- Serengeti National Park (ប្រទេសតង់ហ្សានី) ឧទ្យានជាតិ Serengeti នៃប្រទេសត់ហ្សានី ដោយមានទំហំដ៏ធំមួយ ដែលមានសត្វខ្លាជាង ២លានក្បាល សត្វស្លាប ៥០០ក្បាល ប្រទេសសត្វតោ ៤០០០ក្បាល និងមានសត្វជាច្រើនទៀតដោយអ្នកសឹងមិនជឿងថា ជាឧទ្យានជាតិ ដែលមានសត្វដ៏ច្រើនបែបនេះ។ ភាពដ៏ល្វឹងល្វើយ និងភាពសម្បូបែបនៃត្វនៅទីនោះ ត្រូវបានដាក់ចូលទៅក្នុងបញ្ជីបេតិកភណ្ឌពិភពលោក ផងដែរ។

44- Torres del Paine National Park, Patagonia ( ប្រទេសឈីលី)  អ្នកប្រាកដជាធ្លាប់ឃើញកន្លែងភ្នំជាច្រើននៅក្នុងជីវិតនៅក្នុងការធ្វើដំណើររបស់អ្នក  នៅពេលដែលលោកអ្នកបានទៅទស្សនានៅតំបន់ Patagonia របស់ប្រទេសឈីលី ដើម្បីមើលទេសភាពដ៏ល្អបំផុតមួយចំនួននៅក្នុងពិភពលោក គឺលោកអ្នកនឹងបានឃើញទេសភាពដ៏ស្រស់ស្អាតមួយនេះ ដែលធ្វើអោយដិតដាមនៅក្នុងអារម្មណ៍ជាមួយតំបន់ទេសចរណ៍មួយនេះ។ ឧទ្យានជាតិ Torres del Paine ត្រូវបានគេស្គាល់ដោយសារផ្ទាំងទឹកកកពណ៌ខៀវភ្លឺរបស់វា ភ្នំខ្ពស់ៗ និងវាលស្មៅពណ៌មាស ដែលមានសត្វព្រៃដ៏កម្រដូចជា guanacos ស្រដៀងនឹងឡាម៉ា។ ឧទ្យាននេះយកឈ្មោះរបស់វាពីប៉មថ្មក្រានីតចំនួន ៣ និងកំពូលភ្នំដែលមានរាងដូចស្នែងដែលគេស្គាល់ថា Cuernos Del Paine ។

45- Camps Bay (អាហ្វ្រិកខាងត្បូង) Camps Bay គឺជាតំបន់ជាយក្រុងមួយនៅកណ្តាលទីក្រុង និងជាកន្លែងដ៏ស្រស់ស្អាតបំផុតមួយនៅក្នុងពិភពលោក។ វាមានប្រវតិ្តសាស្រ្តដ៏យូរលង់មកហើយ និងជាកន្លែងសម្រាកលំហែកាយសម្រាប់ភ្ញៀវទេសចរទៅកាន់ទីក្រុង Cape Town ។ តំបន់ដែលនៅ ប្រទេសអាហ្វ្រិកខាងត្បូងមួយនេះ វាជាកន្លែងមួយសម្រាប់ធ្វើអោយយើងមានការសប្បាយរីករាយ ជាមួយនឹងការពិសារអាហារដ៏ឆ្ងាញ់ កន្លែងហែលទឹក មានឆ្នេរខ្សាច់ពណ៌ស និងគយគន់ទេសភាពដ៏អស្ចារ្យមួយនេះ។

46.Twelve Apostles (ប្រទេសអូស្ត្រាលី) Twelve Apostles ជាកន្លែងទាក់ទាញដ៏ល្បីល្បាញបំផុតមួយរបស់ប្រទេសអូស្ត្រាលី និងក្នុងចំណោមទេសភាពដ៏ស្រស់ស្អាតនៅក្នុងពិភពលោក។ Twelve Apostles ត្រូវបានបង្កើតឡើងដោយការហូរច្រោះជាបន្តបន្ទាប់នៃច្រាំងថ្មកំបោរនៃដីគោក ។ ដូច្នេះ ប្រសិនបើអ្នកធ្លាប់ទៅប្រទេសអូស្ត្រាលី សូមមើលភាពតដ៏ត្រចះត្រចង់នេះ ដែលស្ថិតនៅលើឆ្នេរសមុទ្រដ៏អស្ចារ្យរបស់ Victoria ។

47- Plitvice Lakes National Park (ប្រទេសក្រូអាស៊ី) នៅពេលដែលលោកអ្នកឃើញរូបភាបនេះ លោកអ្នកនឹងមានអារម្មណ៍ថា ពិតជាអស្ចារ្យខ្លាំងណាស់ ដោយនេះគឺជាឧទ្យានជាតិ Plitvice Lakes។ វាត្រូវបានគេស្គាល់ដោយសារបឹងរាបស្មើចំនួន ១៦ ដែលត្រូបានភ្ជាប់ដោយទឹកជ្រោះ ដោយនៅទីនោះក៏មានផ្លូវដើរនៅជុំវិញឧទ្យានជាតិ និងមានទូកអគ្គិសនីសម្រាប់ជិះ ដោយបានភ្ជាប់នឹងបឹងទាំង ១២ ខាងលើ និងបឹងចំនួន ៤ នៅខាងក្រោមទៀត ផងដែរ។

48- Seljalandsfoss (ប្រទេសអ៊ីស្លង់) Seljalandsfoss ជាកន្លែងដ៏ស្រស់ស្អាតបំផុតមួយរបស់ពិភពលោក គឺជាជ្រោះដ៏ស្អាតមួយនៅ អ៊ីស្លង់។ វាមានកម្ពស់ ៦០ម៉ែត្រ ហើយជាតំបន់ធម្មជាតិមួយដ៏ស្រស់ស្អាតសម្រាប់លោកអ្នកធ្វើដំណើរកំសាន្តនៅតំបន់នោះ។ Seljalandsfoss គឺជាផ្នែកមួយនៃទន្លេ Seljalands ដែលមានប្រភពចេញពីផ្ទាំងទឹកកកភ្នំភ្លើងដែលមានឈ្មោះថា Eyjafjallajökull។

49-Great Barrier Reef (ប្រទេសអូស្ត្រាលី) នៅប្រទេសអូស្ត្រាលី តំបន់ Great Barrier Reef ដែលមានផ្កាថ្មដ៏ធំបំផុតនៅក្នុងពិភពលោក និងជាកន្លែងដ៏ស្រស់ស្អាតបំផុតមួយដែលលោកអ្នកបានធ្វើដំណើរកំសាន្តមិនគួរមើលរំលង។ Great Barrier Reef មានទីតាំងនៅក្បែររដ្ឋឃ្វីនឡែន និងមានប្រភេទសត្វកម្រ និងប្លែកពីគេ និងមានអ្វីផ្សេងៗជាច្រើទៀត ដែលកន្លែងនោះបានធ្វើឲ្យមានប្រព័ន្ធអេកូធម្មជាតិដ៏ច្រើនបំផុតមួយនៅក្នុងពិភពលោក។

50- Petra (ប្រទេសហ្ស៊កដានី) Petra ដែស្ថិតនៅហ្ស៊កដានី ដែលជាតំបន់បេតិកភណ្ឌពិភពលោករបស់អង្គការយូនេស្កូ និងជាតំបន់អច្ឆរិយៈទាំងប្រាំពីរបស់ពិភពលោក។ វាជាតំបន់ទេសចរណ៍បែបប្រវត្តសាស្រ្តដ៏ស្រស់ស្អាត ដែលធ្វើអោយអ្នកទៅលេងកំសាន្តមានការសប្បាយចិត្តនៅពេលទៅដល់ទីនោះ។