នេះគឺ​កាបូប​ដៃ​​​ថ្លៃជាងគេលើលោក ២០១០ តម្លៃជិត ៤លានដុល្លារ តើសាងពីអ្វីខ្លះទើបថ្លៃកប់ពពកបែបនេះ

ជាមួយនឹងតម្លៃ 3.8 លានដុល្លារអាមេរិក Mouawad 1001 Nights Diamond Purse ត្រូវបានគេដាក់ឈ្មោះថាជាកាបូបថ្លៃបំផុតនៅលើពិភពលោកដោយ Guinness World Records 2010។

កាបូប​នេះ ត្រូវបានរចនាជា​រាងបេះដូង ជាផលិតផលធ្វើដោយដៃច្នៃចេញពីមាស 18 ការ៉ាត់ រួមបញ្ចូលពេជ្រចំនួន 4,517 គ្រាប់។ ក្នុងចំនួននេះមានចែកជាពេជ្រ 105 គ្រាប់ ពេជ្រពណ៌ផ្កាឈូក 56 គ្រាប់ និងពេជ្រធម្មតាអត់ពណ៌ចំនួន 4,356 គ្រាប់ ដែលសរុប​ទម្ងន់កាបូបតូចច្រឡឹងនេះ មានទម្ងន់ 381.92 ការ៉ាត់។

ដូចបានប្រាប់ពីខាង​លើ Mouawad 1001 Nights Diamond Purse ជាប់កំណត់ត្រាពិភព​លោកជាកាបូបដៃមានតម្លៃថ្លៃជាងគេ​ក្នុងឆ្នាំ ២០១០។ ប៉ុន្តែគិតមកដល់បច្ចុប្បន្ន កំណត់ត្រា​នេះ ត្រូវ​បានគេត្រូវបានបំបែកបាន​ហើយ៕