នេះជាអ្វីដែលនារីគ្រប់រូបប្រាថ្នាចង់បាន

សក់ភ្លឺរលោងគ្មានបញ្ហាបែកចុង ស្ងួត រឺសំពោង គឺអាចបញ្ជាក់យ៉ាងច្បាស់បានថាជាសក់ដែលមានសុខភាពល្អ។ នេះជាអ្វីដែលនារីគ្រប់រូបប្រាថ្នាចង់បាន… ទោះជាយ៉ាងណាក៏ដោយ មានមនុស្សស្រីតិចណាស់ដែលមានពេលវេលាគ្រប់គ្រាន់ ឬយល់ដឹងទៅលើរបៀបថែរក្សាសក់ឱ្យនៅតែភ្លឺរលោង និងក្រាស់ខ្មឹកមានទម្ងន់។

ប្រសិនបើអ្នកកំពុងស្វែងរកវិធីដ៏មានប្រសិទ្ធិភាពដើម្បីសក់ភ្លឺចែងចាំងគួរឱ្យច្រណែន យើងសូមណែនាំវិធីខាងក្រោមនេះ។

ជំហានទី ១: បញ្ឈប់ការកក់សក់លើសបរិមាណសាប៊ូកក់សក់របស់អ្នកនឹងកម្ចាត់ចោលនូវភាពកខ្វក់ និងប្រេងបង្កមកពីធូលីដីដែលជាប់សសៃសក់ ប៉ុន្តែការកក់សក់ច្រើនពេកអាចកម្ចាត់ប្រេងធម្មជាតិចេញពីសក់ និងស្បែកក្បាលរបស់អ្នក។ លើសពីនោះ ការលាងជម្រះសាប៊ូមិនអស់ពីសក់ អាធ្វើឲ្យ សក់ស្ងួត និងមិនរលោង ។

ជំហានទី ២ : ប្រើម៉ាសអប់សក់ប្រចាំសប្តាហ៍ ឬតាមតម្រូវការ ម៉ាសអប់សក់គឺជាការព្យាបាលដោយផ្តល់សំណើម ដល់កោសិកាសក់ ជួយឱ្យសក់របស់អ្នកទន់ ភ្លឺរលោង និងរឹងមាំ។

ជំហានទី ៣ : គន្លឹះថែរក្សាសក់នៅពេលគេង ទាញ​សក់​វែកមក​ដាក់ជំហៀងស្របនឹងស្មា ឬ​ដាក់​សក់​ចូល​ក្នុង​មួក​គេង។ សាកល្បងផ្លាស់ប្តូរស្រោមខ្នើយកប្បាស ឬប្រើសូត្រជំនួសវិញ។ ក្រណាត់រលោងអាចជួយការពារ ឬកាត់បន្ថយការទាក់រមូលសក់នៅពេលអ្នកគេង។

ជំហានទី ៤ : កាត់សក់ឱ្យបានទៀងទាត់ កាត់សក់របស់អ្នករៀងរាល់ 3 ទៅ 7 សប្តាហ៍ ប្រសិនបើសក់ខ្លី ឬ bob រៀងរាល់ 8-12 សប្តាហ៍សម្រាប់សក់រួញអង្កាញ់ ហើយយ៉ាងហោចណាស់រៀងរាល់ 12 សប្តាហ៍សម្រាប់សក់វែង ដើម្បីបំបាត់សក់ខូច ឬបែកចុង និងរក្សាទម្រង់សក់របស់អ្នក។

ជំហានទី ៥ : ញ៉ាំអាហារដែលមានសុខភាពល្អ និងផឹកទឹកឱ្យបានច្រើន ទទួលទានអាហារសម្បូរប្រូតេអ៊ីន អាស៊ីតខ្លាញ់សំខាន់ៗ និងវីតាមីន B ដើម្បីជួយផ្តល់សារធាតុចិញ្ចឹមដល់រាងកាយដែលវាត្រូវការសម្រាប់ផលិត keratin ដែលជាប្រូតេអ៊ីនរចនាសម្ព័ន្ធនៅក្នុងសក់ និងក្រចករបស់អ្នក។ ផឹកទឹកឱ្យបានច្រើន ដើម្បីជួយឱ្យស្បែក និងសក់មានជាតិទឹកផងដែរ។