ខ្មែរ
English
ការបរិភោគអាហារសមុទ្រ គឺល្អចំពោះ រាងកាយអ្នក ដោយសារតែវា សម្បូរទៅដោយ សារជាតិប្រូតេអ៊ីន វីតាមីន និង ជាតិរ៉ែពីធម្មជាតិ ប៉ុន្តែអ្នកក៏ត្រូវកម្រិតបរិមាណឱ្យបានត្រឹមត្រូវដើម្បីឱ្យសមស្របទៅនឹងប្រតិកម្មរាងកាយទទួលបានផងដែរ។ អាហារសមុទ្រ រាប់ចូលជាផ្នែកមួយដ៏សំខាន់នៃរបបអាហាររបស់មនុស្សនៅជុំវិញពិភពលោក ហើយការទទួលទានវាត្រូវបានផ្សារភ្ជាប់ជាមួយនឹងអត្ថប្រយោជន៍ជាច្រើនចំពោះសុខភាព។
ប្រភេទអាហារសមុទ្រមានផ្ទុក ប្រូតេអ៊ីន និង អូមេហ្គា 3 ច្រើន ក្នុងការជួយកាត់បន្ថយហានិភ័យនៃជំងឺបេះដូង ជួយកាត់បន្ថយនូវកម្រិតកូឡេស្តេរ៉ូលអាក្រក់ កាត់បន្ថយនៃហានិភ័យជំងឺដាច់សរសៃឈាមខួរក្បាល ជាពិសេសផ្តល់អត្ថប្រយោជន៍ដល់ស្បែករបស់អ្នកដូចគ្នា “ការផលិតជាតិ Collagen រក្សាអោយស្បែករបស់អ្នកមានសភាពស្រស់ថ្លា និង ភ្លឺចែងចាំង ប្រកបដោយសុខភាពល្អ” ។
ខាងក្រោមនេះ ជាប្រភេទបណ្តុំអាហារសមុទ្រដែលអ្នកអាចទទួលទានដើម្បីទ្រទ្រង់សារពាង្គកាយបានល្អ ៖
- បង្គា
អាហារសមុទ្រ “បង្គា” សម្បូរទៅដោយជាតិប្រូតេអ៊ីន មានសមត្ថភាពជួយការពារសុខភាពរាងកាយពីជំងឺបេះដូង។ មិនត្រឹមតែប៉ុណ្ណោះ វាក៏មានផ្ទុកនូវអាស៊ីតខ្លាញ់អូមេហ្គា3 បរិមាណខ្ពស់ ដែលអាចកម្ចាត់កូលេស្តេរ៉ូលអាក្រក់ចេញពីចរន្តឈាម បង្ការការគាំងបេះដូង ឬការដាច់សរសៃឈាមខួរក្បាល។
- ក្តាម
ក្តាម ត្រូវបានគេរាប់ចូលជាអាហារបំប៉នដ៏អស្ចារ្យ ដោយវាសម្បូរទៅដោយអាស៊ីតខ្លាញ់ Selenium និងអូមេហ្គា 3 ហើយក្តាមក៏មានជាតិខ្លាញ់ កាឡូរី និងកាបូអ៊ីដ្រាតទាបផងដែរ។ ការទទួលទានក្តាម អាចជួយបង្ការជំងឺត្រអក រលាកសន្លាក់ ជំងឺមហារីក និងជំងឺបេះដូងជាដើម។
- ត្រីសាម៉ុន
សាម៉ុន-Salmon មានលក្ខណៈពិសេសបំផុតសម្រាប់សុខភាពស្បែកមនុស្សស្រី វាបានជួយឲ្យស្បែកភ្លឺរលោង និង ផ្តល់សំណើមដល់ស្បែក ថែមទាំងកាត់បន្ថយការឈឺចាប់ក្នុងកមឡុងពេលស្រ្តីមករដូវប្រចាំខែទៀតផង។
- ត្រីធូណា
ត្រីនេះ ជាប្រភេទអាហារសមុទ្រដែលពេញនិយមមិនចាញ់ត្រីសាម៉ុននោះទេ ដោយសារតែ វាមានឱជារសឆ្ងាញ់ពិសារ ព្រមទាំងមានសារធាតុចិញ្ចឹមជាច្រើនដែលរាងកាយរបស់អ្នកត្រូវការជាចាំបាច់។ វាមិនត្រឹមតែមានកាឡូរីទាប និងសម្បូរប្រូតេអ៊ីនបង្កើនកម្លាំងដល់រាងកាយ។
