ប្រភេទអាហារទាំងនេះ… អ្នកម្តាយគ្រប់រូបមិនត្រូវបញ្ជុកទារក ចន្លោះពី ៦ខែ ដល់ ១ខួប

របបអាហាររបស់កូនៗ គឺពិតជាសំខាន់ខ្លាំងណាស់ដែលអ្នកម្តាយគ្រប់រូប ដាច់ខាតត្រូវយល់ដឹងឱ្យបានច្បាស់អំពីអត្ថប្រយោជន៍ និង ផលប៉ះពាល់នៃសារធាតុរបស់អាហារទាំងអស់នោះ។ អាហារដែលមានជីវជាតិល្អអាចផ្តល់នូវអាហាររូបត្ថម្ភជាច្រើនក្នុងការទ្រទ្រង់រូបរាងកាយ និងសុខភាពរបស់ទារក ប៉ុន្តែក្នុងនោះផងដែរ ក៏មានប្រភេទអាហារមួយចំនួនដែលអ្នកម្តាយគ្រប់រូបត្រូវយល់ដឹង និងចៀសវាងកុំបញ្ចុកទារកចន្លោះ​វ័យ ៦ខែ ដល់ ១ខួប។

ចន្លោះអាយុ ៦ខែ ទៅ ២ខួប គឺជារយៈពេលដែលទារកមានការលូតលាស់ខ្ពស់ផ្នែកសរីរាង្គ និងអវយវៈរូបរាងកាយ ក៏ដូចជាខួរក្បាលមានការយល់ដឹង នឹងចាប់បានបន្តិចម្តងៗ ដូចនេះហើយទើបរបបអាហាររបស់កូនៗអ្នកក្នុងចន្លោះវ័យនេះ គឺសំខាន់បំផុត ក្នុងនាមជាមាតាដ៏ល្អម្នាក់។

ប្រភេទអាហារចម្អិនមិនឆ្អិនល្អ ឬអាហារឆៅ

1. សាច់ចម្អិន Medium-rare
2. សាច់គោ
3. សាច់មាន់
4. សាច់ត្រី ត្រី
5. សាល់ម៉ុន ឬ​ បន្លែឆៅ បន្លែមិនបានចម្អិនបានល្អ និងមិនបានកិនឱ្យម៉ត់ជាបបរសម្រាប់បញ្ចុកទារក

ប្រភេទអាហារផ្អាប់

1. ផ្លែឈើកំប៉ុង
2. ប្រភេទម្ហូបចម្អិនរួចក្នុងកំប៉ុង ឬប្រភេទអាហារជ្រក់

ប្រភេទអាហារកែច្នៃ

1. សាច់កែច្នៃដូចជា ហែម (Ham) បែខន (bacon)

អាហារដែលផ្ទុកជាតិផ្អែមខ្លាំង

1. បង្អែម ការ៉េម ទឹកស៊ឺរ៉ូ ភេសជ្ជៈកំប៉ុង នំខេក សូកូឡា​ ឬប្រភេទនំបង្អែមផ្សេងៗ

លើសពីនេះ អាហារដែលមានជាតិ Gluten រួមមានស្រូវសាលីជាដើម  ប្រភេទគ្រាប់ធញ្ញជាតិ​ (រឹង) ដែលងាយរងការប៉ះពាល់ធ្មេញរបស់ទារក បង្អាក់ដំណើរការលូតលាត់ធ្មេញ ។