ប្រេងដូងគឺជាប្រេងចម្រាញ់ចេញពីសាច់ដូង

តើ​  “ប្រេងដូង”ជាអ្វី?

ប្រេងដូង គឺជាប្រេងចម្រាញ់ចេញពីសាច់ដូង។ វា​មាន​សារធាតុ​ខ្លាញ់​​ខ្ពស់ ប្រេងដូង​ត្រូវបានយក ទៅប្រើប្រាស់​សម្រាប់​៖ ការចម្អិន​អាហារ គ្រឿងសំអាង និង​ឧស្សាហកម្ម​ប្រេង​ឥន្ធនៈ។

ប្រេងដូងត្រូវបានគេប្រើជាញឹកញាប់នៅក្នុង​ផលិតផល​ថែរក្សា​ស្បែក 

ប្រេងដូងត្រូវបានគេប្រើនៅក្នុង​ផលិតផល​ថែរក្សា​ស្បែក។ សារធាតុប្រេង និងអាស៊ីតអាមីណូសំខាន់ៗនៅក្នុងប្រេងដូង បានជួយជារបាំងការពារស្បែករបស់យើងឱ្យនៅតែរឹងមាំ ធ្វើឲ្យស្បែកមានសំណើម និងគុណប្រយោជន៍លើសពីការរំពឹងទុក! 

 1.    ប្រឆាំងការឆ្លងមេរោគលើស្បែក :អាស៊ីតខ្លាញ់ដែលប្រេងដូងមានគឺអាស៊ីត lauric និង capric គឺអស្ចារ្យណាស់ក្នុងការរក្សាស្បែកឱ្យមានសុខភាពល្អដោយសារតែលក្ខណៈសម្បត្តិប្រឆាំងនឹងមេរោគ ក៍ដូចជាសម្លាប់មីក្រូសរីរាង្គដែលបង្កគ្រោះថ្នាក់លើស្បែក។

2.   ល្អសម្រាប់ស្បែកស្ងួត ផ្តល់សំណើមខ្ពស់ :ប្រេងដូងត្រូវបានគេរកឃើញថាជាសារធាតុសំណើមដ៏មានប្រសិទ្ធភាពខ្ពស់សម្រាប់ស្បែកស្ងួត។  

3.   ជំនួយការព្យាបាលមុន :លក្ខណៈសម្បត្តិប្រឆាំងនឹងការរលាកនៃប្រេងដូងគឺមាន សមត្ថភាពជួយព្យាបាលមុន និងបញ្ហារលាកស្បែក។ លើសពីនោះទៅទៀត ទាំងអាស៊ីត lauric និង capric ដែលមាននៅក្នុងប្រេងដូង ត្រូវបានគេបង្ហាញថា មានសមត្ថភាពសម្លាប់បាក់តេរីដែលបង្កជាមុននៅលើស្បែកមុខ។ 

4.   មានប្រសិទ្ធភាពទៅលើបញ្ហារលាក :អត្ថប្រយោជន៍មួយទៀតនៃប្រេងដូងសម្រាប់ស្បែកគឺថាវាអាចជួយបន្ថយការរលាកតាមរយៈការប្រឆាំងអុកស៊ីតកម្ម។ សារធាតុប្រឆាំងអុកស៊ីតកម្មជួយប្រឆាំងនឹងរ៉ាឌីកាល់សេរី (អាតូមមិនស្ថិតស្ថេរដែលភ្ជាប់ទៅនឹងស្បែករបស់យើង) បង្កឲ្យរលាក។ 

5.   រួមចំណែកធ្វើឱ្យស្បែកភ្លឺម៉ត់រលោង :គុណសម្បត្តិប្រេងដូង​សម្រាប់​ស្បែក​ត្រូវ​បាន​គេទទួលស្គាល់​ថា ​អាច​ជួយ​កាត់​បន្ថយ​ស្នាម​អុច​ខ្មៅ បំបាត់​មុខ​ក្រហម និង​ជួយ​ជួសជុល​ស្បែក​ឲ្យមានសភាពភ្លឺម៉ត់រលោង។ 

6.   ជួយកាត់បន្ថយសញ្ញាភាពចាស់នៃស្បែក :អត្ថប្រយោជន៍មួយទៀតនៃប្រេងដូងសម្រាប់ស្បែកគឺវាជួយបង្កើនការផលិតកូឡាជែនធម្មជាតិ។