ខ្មែរ
English
The Apprentice គឺជាខ្សែភាពយន្តនិយាយអំពីខ្សែជីវិតរបស់អតីតប្រធានាធិបតីអាមេរិក Donald Trump កាលពីអំឡុងពេលដែលលោកប្រឡូកនៅក្នុងអាជីវកម្ម អចលន្យទ្រព្យ នៅក្នុងទីក្រុងញូយ៉ក អំឡុងឆ្នាំ ១៩៧០ ដល់ ១៩៨០។ ភាពយន្តនេះ កំពុងចាក់បញ្ចាំង នៅមហោស្រពភាពយន្តទីក្រុងកាន ប្រទេសបារាំង និង ត្រូវបានដាក់ក្នុងបញ្ជីសម្រាប់ការប្រកួតយកពាន Palme d‘Or។
សាច់រឿង The Apprentice និយាយអំពីខ្សែជីវិតរបស់ Donald Trump នៅក្នុងអាជីវកម្មជំនួញក្នុងនាមជាអ្នករកស៊ីនៅក្នុងវិស័យអចលន្យទ្រព្យ។ ភ្ជាប់ជាមួយនឹងជីវិតជំនួញ រឿងនេះក៏បាននិយាយអំពីទំនាក់ទំនងរបស់ Trump ជាមួយ Roy Cohn ដែលជាមេធាវី និងត្រូវបានគេដឹងថាមានការទំនាក់ទំនងការងារគ្នាជាមួយសមាជិកព្រឹទ្ធសភាអាមេរិក Joseph ំMcCarthy។ ភាពយន្តមួយនេះ បានឆ្លុះបញ្ចាំងពីទិដ្ឋភាពសង្គមអាមេរិក នៅជំនាន់នោះ អំពីអ្នកមានអំណាច និង អំពីពុករលួយ។
ភាពយន្ត រឿង The Apprentice ត្រូវបានដឹកនាំផលិតដោយផលិតករល្បីឈ្មោះ លោក Ali Abbasi និងមានការចូលរួមសម្តែងពីតួល្បីៗ ដូចជា Sebastian Stan, Jeremy Strong, Maria Bakalova, Martin Donovan, Mark Rendall និង Joe Pingue។ រឿង និយាយអំពីជីវិតរបស់អតីតប្រធានាធិបតីអាមេរិក Donald Trump កំពុងចាក់បញ្ចាំង នៅក្នុងមហោស្រពភាពយន្តទីក្រុងកានលើកទី ៧៧ ហើយក៏បានស្ថិតក្នុងបញ្ជីឈ្មោះភាពយន្តដែលនឹងត្រូវប្រកួតយកពានកំពូល Palme d’Or ក្នុងនាមជារឿងល្អបំផុត៕
