ខ្មែរ
English
ប្រ៊េនប្រណិតលំដាប់ពិភពលោក Louis Vuitton បានរៀបចំកម្មវិធីដើរបង្ហាញម៉ូតមួយ មានឈ្មោះថា Cruise 2025 Show នៅទីក្រុង បាសេឡូណា ប្រទេសអេស្ប៉ាញ កាលពីពេលថ្មីៗនេះ។ ម៉ូតសម្លៀកបំពាក់ ដើរបង្ហាញដោយតារាម៉ូដែលនៅក្នុងកម្មវិធីនេះ ជា collection របស់ designer លោក Nicolas Ghesquiere។
លោក Nicolas Ghesquiere ជាអ្នករចនាម៉ូតល្បីល្បាញម្នាក់នៅលើពិភពលោក។ លោកបានបង្ហាញវត្តមាននៅក្នុងព្រឹត្តិការណ៍បង្ហាញម៉ូតធំៗមួយចំនួនដូចជា Paris Fashion Week និង Pre-fall 2024 collection នៅទីក្រុងសៀងហៃ។ ហើយថ្មីៗនេះ ម៉ូតដែលលោកបានរចនាជាពិសេស បានបង្ហាញខ្លួននៅក្នុងកម្មវិធី Cruise 2025 Show នៅបាសេឡូណា ប្រទេសអេស្ប៉ាញ។
ទីតាំងដែលគេបានជ្រើសសម្រាប់ប្រារព្ធកម្មវិធីដើរម៉ូត Cruise 2025 Show នេះ គឺ Parc Guell ជាកន្លែងប្រវត្តិសាស្រ្ត បានចុះក្នុងបញ្ជីបេតិកភណ្ឌពិភពលោក អង្គការយូណេស្កូ។ Collection បង្ហាញនៅក្នុងកម្មវិធីនេះ ជាការបំផុសគំនិតអំពីសិល្បៈវប្បធម៌របស់អេស្ប៉ាញ ដែលជាប្រទេសមួយមានការនិយមលេងហ្វេហ្សិន ដ៏គួរឱ្យចាប់អារម្មណ៏នៅក្នុងតំបន់អឺរ៉ុប។
