មនុស្សប្រមាណ ១០០០នាក់ មកពី១៣ប្រទេស បានចូលរួមព្រឹត្តិការណ៍កីឡារត់ ដើម្បីអបអរសាទរ ប្រសាទព្រះវិហារ ខួបលើកទី១៦

ប្រាសាទព្រះវិហារ នៅក្នុងប្រភេទតំបន់ទេសចរណ៏ ប្រាសាទ, ព្រៃភ្នំ, ប្រវត្តិសាស្ត្រ និងសញ្ញាសំគាល់។ សម្រាប់ចំណុចសំខាន់ៗ ក៏ដូចជាភាពទាក់ទាញនៃតំបន់ទេសចរណ៏ប្រាសាទព្រះវិហារដែលអាចធ្វើអោយភ្ញៀវទេសចរមានចំណាំអារម្មណ៏នោះ មានដូចជា៖ មើលរចនាប្រាសាទ, ទស្សនាទេសភាពព្រៃភ្នំ, ស្វែកយល់ពីប្រវត្តិសាស្ត្រ, គយគន់ថ្ងៃលិច និងចំណុចផ្សេងៗទៀត។សព្វ​ថ្ងៃនេះ​អ្នក​លក់ដូរ និង​ប្រជាជន​តំបន់​នោះ​ភាគច្រើន​តែងតែ​ឡើង​ទៅ​លើ​ភ្នំ​តាម​ផ្លូវ​ស៊ី​១ ពីព្រោះ​ថា​ផ្លូវ​នោះ​ងាយស្រួល​ក្នុង​ការ​ធ្វើ​ដំណើរ​។ ប្រាសាទព្រះវិហារ​គឺជា​តំបន់​ប្រវត្តិសាស្ត្រ​មួយ​ ហើយ​ត្រូវ​បាន​សាងសង់​ឡើង​នៅ​ក្នុង​អំឡុង​ចុង​សតវត្ស​ទី​៩ និង​ដើម​សតវត្ស​ទី​១០​។

សម្រាប់ព្រឹត្តិការណ៍កីឡារត់ ដើម្បីអបអរខួបលើកទី១៦ នៃការដាក់បញ្ចូលប្រាសាទព្រះវិហារ ក្នុងបញ្ជីសម្បត្តិបេតិគភណ្ឌពិភពលោករបស់អង្គការយូណេស្កូ ដែលមានអ្នកចូលរួមរត់ប្រមាណ ១០០០នាក់ មកពី ១៣ប្រទេសដើម្បីអបអរខួបលើកទី១៦​ នៃការដាក់បញ្ចូលប្រាសាទព្រះវិហារ​ ក្នុងបញ្ជី​សម្បត្តិបេតិកភណ្ឌពិភពលោករបស់អង្គការយូណេស្កូ​ កម្មវិធីរត់ជាមួយសាយ “Run with SAI” និងអាជ្ញាធរជាតិព្រះវិហារ ព្រមទាំងគាំទ្រដោយក្រសួងវប្បធម៌ និងវិចិត្រសិល្បៈ ក្រសួងទេសចរណ៍ រដ្ឋបាលខេត្តព្រះវិហារ និងសហភាពសហព័ន្ធយុវជនកម្ពុជា បានរៀបចំព្រឹត្តិការណ៍កីឡារត់​ដែលមានអ្នកចូលរួមរត់ប្រមាណ ១០០០នាក់ មកពី ១៣ប្រទេស លើវិញ្ញាសាររត់ចម្ងាយ ៣០គីឡូម៉ែត្រ ២១គីឡូម៉ែត្រ ០៧គីឡូម៉ែត្រ និង ៧០០ម៉ែត្រ ដែលរៀបចំឡើងកាលពីថ្ងៃទី ០៧ ខែកក្កដា ឆ្នាំ២០២៤។

គួររំឭកថា ប្រាសាព្រះវិហារទត្រូវបានដាក់បញ្ចូលជាបេតិកភណ្ឌពិភពលោកនៅថ្ងៃទី៧ ខែកក្កដា ឆ្នាំ២០០៨ នៅក្នុងកិច្ចប្រជុំលើកទី៣២ របស់គណៈកម្មាធិការបេតិកភណ្ឌពិភពលោក ក្នុងទីក្រុង កេប៊ិច ប្រទេសកាណាដា។ បច្ចុប្បន្នប្រាសាទព្រះវិហារ​ស្ថិតនៅក្រោមការគ្រប់គ្រងរបស់អាជ្ញាធរជាតិព្រះវិហារ និងទទួលបានការយកចិត្តទុកដាក់គាំទ្រពីប្រទេសស្ថាបនិក ICC-Preah Vihear ទាំងជំនួយថវិកា បច្ចេកទេសលើការងារអភិរក្ស និងអភិវឌ្ឍន៍ក្នុងតំបន់ប្រាសាទព្រះវិហារ៕