ខ្មែរ
English
កញ្ញា សុគា គឹមលាង ហៅ កូនស្រមោច ថ្មីៗនេះ មាន ដំណឹងលេចឡើងមកថា នាងគ្រោងនឹងចូលប្រឡងក្នុងកម្មវិធី Miss Planet Cambodia 2024 ដែលធ្វើអោយអ្នកគាំទ្រជាច្រើនសប្បាយចិត្ត។
ដំណឹងបានលេចឡើង បន្ទាប់ទំព័រហ្វេសប៊ុកកញ្ញា ខាត់ ស្រីច័ន្ទ ជា PD Miss Grand កំពង់ឆ្នាំង បានទម្លាយពីតម្រុយមួយនៅលើហ្វេសប៊ុករបស់នាង។ នាយកថ្នាក់ខេត្តនៃកម្មវិធីខាងលើ បានបង្ហោះរូបភាពមួយសន្លឹក បង្ហាញពីការសន្ទនារវាងនាង និងភាគីម្ខាងទៀត ជាមួយសារថា៖សុំ Spoil បន្តិចថាខ្ញុំរំភើបណាស់ មនុស្សដែលគ្រប់គ្នា ក៏ដូចជាខ្ញុំតែងតែស្រលាញនៅគ្រប់យ៉ាងដែលនាងមាន ជួបគ្នាក្នុង Miss Planet Cambodia ណា!”។
ត្បិតថាសារខ្លី មិនបាននិយាយអោយចំសមាសភាព ប៉ុន្តែបានជាតម្រុយនាំទៅដល់ការសង្ស័យថា ស្ត្រីដែលនៅពីក្រោយវាំងននរបស់ ស្រីច័ន្ទ គឺជាកញ្ញា សុគា គឹមលាង នាដការីរបាំបុរាណ ដែលអំណោយផលគ្រប់យ៉ាង ទាំងសម្រស់ សមត្ថភាពជំនាញសិល្បៈ ព្រមទាំងចរិតឬកពារថ្លៃថ្នូរថែមទៀត។
ពិសេសនោះ គឺត្រង់ឈ្មោះគណនី ដែលមានលេចពាក្យ Sokea តែម្ដង។ ទាំងនេះ បាននាំអោយប្រិយមិត្តលើបណ្ដាញសង្គម កាត់យល់ភ្លាមៗថា ម្នាក់នោះ គឺកញ្ញា សុគា គឹមលាង យ៉ាងប្រាកដ ដោយពួកគេថែមទាំង Mention ឈ្មោះរបស់នាដការីផង។
មិនត្រឹមប៉ុណ្ណឹង សាមីខ្លួន សុគា គឹមលាង ក៏បានចូលមកខមិនជារូបលើកដៃប្រណំបញ្ជាក់ពីការថ្លែងអំណរគុណចំពោះការលើកតម្កើងនាង។
ចំពោះបញ្ហានេះ ឡេឌីស៍ នៅមិនទាន់អាចភ្ជាប់ទំនាក់ទំនងជាមួយ សុគា គឹមលាង ដើម្បីសុំការបញ្ជាក់ការពិតបាននៅឡើយ។ ដូច្នេះមានតែចាំមើលទាំងអស់គ្នាថា ថ្ងៃបើកឆាករបស់ មីស ផ្លាណិត កម្ពុជានាពេលខាងមុខ មានយុវត្តីដ៏ស្រស់ស្អាត ថ្លៃថ្នូររូបនេះឬអត់។
