រឿងល្អ មានម៉ូត​អាវ​ខ្មែរច្រើន បង​ប្អូន​អាច​ទិញពាក់ដើរលេងចូលឆ្នាំថ្មីនេះ

នៅតែប្រមាណ ៣សប្ដាហ៍​ទៀត​ប៉ុណ្ណោះ បុណ្យ​ចូលឆ្នាំប្រពៃណីជាតិខ្មែរ​យើង​នឹង​ចូល​មក​ដល់។ ក្នុង​ឆ្នាំ​នេះ ជំនួស​ឲ្យ​ការ​ទិញ​អាវ​នាំចូល​ពីក្រៅ បងប្អូនមានជម្រើសច្រើន​ក្នុង​ការ​ពាក់អាវ​ខ្មែរ​ ផលិតនៅខ្មែរ រចនាដោយ​កូន​ខ្មែរ ហើយដើរ​លេង​បុណ្យ​ចូល​ឆ្នាំ​ខ្មែរ។

មាន​ក្រុម​ផលិត​ចំនួន ២ ដែល​កំពុង​លេច​ធ្លោនៅពេលបច្ចុប្បន្ន ហើយ​ពួកគេ​បាន​ផ្ដល់​ប្រយោជន៍​សេដ្ឋកិច្ច​ទៅ​ក្នុង​សហគមន៍ជាច្រើន។ ក្នុង​ក្រុម​ទី១ គឺ​មក​ពី​តារាសម្ដែង និង​ម៉ូដែល មាន សូនីតា។ រាជនី​ក្រមា បាន​ដឹកនាំ​យុទ្ធនាការ ផ្សព្វផ្សាយ​ខោអាវក្រមាខ្មែរ បន្ទាប់ពី​ជោគជ័យ​លើ​ការ​ផ្សព្វផ្សាយ​ក្រមា​ខ្មែរ​កាល​ពី​ប៉ុន្មានឆ្នាំ​មុន។ ម៉ូត​ទាំង​នោះ​ប្រិយមិត្ត​អាច​មើល​ខាង​ក្រោម ពេញចិត្ត​ម៉ូតមួយណា សូមបញ្ជាទិញដោយ​ផ្ទាល់ជាមួយទំព័រហ្វេសប៊ុសរបស់សូនីតា។

 

ក្នុង Collection ថ្មី​របស់​ក្រមា សូនីតា បាន​ច្នៃ​ចេញ​ជា​សំលៀកបំពាក់​ក្រមាច្រើន​ម៉ូត សុទ្ធ​តែ​ស្អាតៗ ស័ក្តិសម​បំផុត​សម្រាប់​យុវជន ស្លៀកហើយដើរ​លេង​ជុំគ្នាក្នុងបុណ្យប្រពៃណីជាតិ​ដ៏​ធំ​នេះ។

ក្រុម​ទី២ គឺ​ក្រុម Ahsora World របស់យុវជនខ្មែរ ២នាក់ ដែល​បាន​ផ្ដួចផ្ដើមគំនិតបង្កើតនូវ Collection មួយចំនួន ​ដោយ​បាន​ដាក់​បញ្ចូល​សិល្បៈ វប្បធម៌ ប្រពៃណីខ្មែរជាច្រើនប្រភេទ​ ក្នុង​នោះមានដូចជា Collection Khmerism, គោព្រៃ និង Collection ​ទេសចរណ៍ជាដើម។ ទស្សនា Collection ទាំង​នោះ ហើយ​ប្រិយមិត្ត​អាច បញ្ជាទិញ​ដោយផ្ទាល់ទៅក្រុមផលិតរបស់ Ahsora World។