វីតាមីនសំខាន់ទាំង ៨ ដែលស្រី្តគួរទទួលទានមុនពេលតាំងគភ៌ និងអំឡុងពេលមានគភ៌

តើអ្នកគិតយ៉ាងណា នៅពេលដែលក្រុមគ្រួសាររបស់អ្នកជិតបន្ថែមនូវសមាជិកថ្មីម្នាក់ទៀត?

អ្នកប្រហែលជាទទួលអារម្មណ៍ត្រេកអរខ្លាំងណាស់ ហើយប្រាកដក្នុងចិត្តថា អ្នកត្រូវតែមើលថែទាំ និងបំប៉នគភ៌មួយនេះឱ្យទទួលបាននូវជីវជាតិគ្រប់គ្រាន់។ ដើម្បីមើលថែរក្សាកូនសម្លាញ់បស់អ្នកក្នុងអំឡុងពេលតាំងគភ៌ គឺអ្នកត្រូវតែទទួលទានអាហារដែលល្អៗ និងមានប្រយោជន៍ដល់រូបរាងកាយកូនដែលនៅក្នុងគភ៌។ អាហារល្អៗ គឺសំខាន់ចំពោះស្រ្តីមានផ្ទៃពោះ។

ជីវជាតិ ដែលអ្នកគួរតែទទួលទានតាំងពីមុនពេលតាំងគភ៌ និងអំឡុងពេលមានគភ៌ មានដូចជា ៖

1. អាស៊ីតហ្វូលិក

អាស៊ីតហ្វូលិក មានភាពសំខាន់ខ្លាំងណាស់សម្រាប់ស្រ្តីមានគភ៌គ្រប់រូប។ ស្រ្តីដែលមានផែនការចង់តាំងគភ៌ គួរទទួលទានជីវជាតិអាស៊ីតហ្វូលិកយ៉ាងតិចមុនពេលតាំងគភ៌រយៈពេលពី ១ ​ទៅ ៣ខែ។ អាស៊ីតហ្វូលិកអាចជួយកាត់បន្ថយពិការរភាពដោយអចេតនារបស់ទារកក្នុងផ្ទៃ។ ជីវជាតិមួយនេះ មាននៅក្នុងអាហារដូចជា សណ្តែកខ្មៅ បន្លែបៃតង ស្លឹកផ្ទី និងថ្លើមជាដើម។

2. ជាតិស័ង្កសី

ជីវជាតិនេះ សំខាន់ចំពោះបុរស និងស្រ្តីគ្រប់ៗរូប ព្រោះវាជំនួយដល់ប្រព័ន្ធបន្តពូជធ្វើការបានល្អ និងការបំបែកខ្លួននៃកោសិកាធ្វើការបានយ៉ាងមានប្រសិទ្ធភាព។​ អាហារទាំងនោះមានដូចជា ទឹកដោះគោជូរ យ៉ាអ៊ួរ សណ្តែកខៀវ អយស្ទ័រ សាច់មាន់ សាច់គោ បង្គារស្រស់…។

3. សារធាតុដែក

សារធារតុដែក ជាប្រភពអាហារសំខាន់ក្នុងការការពារអ្នកពីជំងឺលោហិតស្លេក និងសំខាន់ខ្លាំងណាស់ចំពោះស្រ្តីមានគភ៌។ ប្រភពនៃអាហារនេះមាននៅក្នុង តៅហ៊ូ គ្រាប់សណ្តែក បន្លែត្រកួន សាច់គោ និងគ្រាប់ល្ពៅ។

4. វីតាមីន C

បើស្រ្តីដែលចាប់ផ្តើមតាំងគភ៌បានទទួលទានវីតាមីន C យ៉ាងត្រឹមត្រូវ វាអាចជួយការពារការរលូតបុត្រដោយប្រការណាមួយ ។

5. វីតាមីន E

វីតាមីន E សំខាន់ខ្លាំងណាស់ចំពោះបុរស និងស្រ្តីដែលត្រៀមយកបុត្រ។​ សម្រាប់បុរស វីតាមីននេះនឹងធ្វើឱ្យមេជីវិតរឹងប៉ឹង ហើតសម្រាប់មនុស្សស្រីនឹងធ្វើឱ្យចរន្តនៃការទម្លាក់ស៊ុតញីដំណើរការយ៉ាងប្រក្រតី។

6. វីតាមីន​ B6

ជួយគ្រប់គ្រងប្រព័ន្ធការទម្លាក់ស៊ុតឱ្យដំណើរការប្រក្រតីសម្រាប់ស្រ្តី និងចំពោះស្រ្តីមានផ្ទៃពោះដែលមានអាការៈចាញ់កូនអាចទទួលទានវីតាមីននេះ ដើម្បីជួយសម្រាលអាការនេះបាន។ អាហារដែលផ្ទុកវីតាមីន B6 មាន បន្លែផ្ទី មើមស្ពៃ ខ្ទឹមស​ ត្រីធូណា ថ្លើម ស្ពៃក្តោប និងជីបារាំង…។

7. អាហារដែលសម្បូរទៅដោយសារធាតុប្រឆាំងអនុមូលឥស្សរៈ

អាហារទាំងនេះនឹងជួយឃុំគ្រងស៊ុតញីរបស់ស្រី្ត និងមេជីវិតរបស់បុរសពីភាពខុសប្រក្រតីរបស់ប្រព័ន្ធក្រម៉ូសូម។

8. អាស៊ីតខ្លាញ់ចាំបាច់ផ្សេងៗ

អូមេហ្គា 3 អាចជួយគ្រប់គ្រងកម្រិតអ័រម៉ូនរបស់ស្រ្តីមានគភ៌ ធ្វើឱ្យស្បូនរឹងមាំ ជួយដល់ប្រព័ន្ធឈាមរត់ កាត់បន្ថយសភាវប្រសូតមុនកំណត់ និងធ្វើឱ្យទម្ងន់ខ្លួនកូនល្អ។​