ស្វែងយល់អំពី.. ផលវិបាកនៃជំងឺមហារីកសុដន់នៅក្នុងដំណាក់កាលនីមួយៗចំពោះស្រ្តី

ជំងឺមហារីកសុដន់មាន ៤ ដំណាក់កាលដែលកើតឡើងចំពោះស្រ្តី។ គួរបញ្ជាក់ផងដែរ ជំងឺមហារីកសុដន់កើតឡើងនៅពេលកោសិកានៅខាងក្នុងសុដន់របស់ស្ត្រី មានការលូតលាស់មិនប្រក្រតីក្នុងជាលិកាសុដន់ និងមិនអាចគ្រប់គ្រងបាន ហើយបង្កទៅជាដុំសាច់/ដុំគីសតូចៗ។

ជំងឺមហារីកសុដន់កើតឡើងទៅលើស្រ្តីក្រោមមូលហេតុជាច្រើនដូចជា ជំងឺហ្សែនតំណរពូជ ឈានចូលវ័យចំណាស់ របបអាហារគីមី ការប៉ះពាល់វិទ្យុសកម្មច្រើន ភាពធាត់ មិនធ្លាប់ពរពោះ ការប្រើប្រាស់ថ្នាំពន្យារកំណើតរយៈពេលយូរ សេពគ្រឿងស្រវឹង ជក់បារី…។

1. ជំងឺមហារីកសុដន់ដំណាក់កាលទី ១ (Stage 1) ត្រូវបានបែងចែកជាពីរប្រភេទ ៖

• ដំណាក់កាល 1A ៖ នៅក្នុងដំណាក់កាលនេះ ដុំសាច់មហារីកមានទំហំមិនលើសពី 2cm (សង់ទីម៉ែត្រ) ហើយវាមិនរីករាលដាលនៅសាច់ខាងក្រៅសុដន់ ឬមានសាច់កូនកណ្តុរ (Lymph Nodes) នៃសុដន់ទេ។
• ដំណាក់កាល 1B ៖ ដំណាក់កាលនេះ ប្រហែលជាពិបាកក្នុងការមើលឃើញដុំសាច់ ភាគច្រើនដុំសាច់មហារីកមានទំហំតូចជាង 2cm ប៉ុន្តែមានច្រើនដុំ។ វេជ្ជបណ្ឌិតនឹងរកឃើញក្រុមតូចៗនៃកោសិកាមហារីកសាច់កូនកណ្តុរនៃសុដន់ (Lymph Nodes) ។

2. ជំងឺមហារីកសុដន់ដំណាក់កាលទី ២ (Stage 2) ត្រូវបានបែកចែកជាពីរប្រភេទ ៖

• ដំណាក់កាល 2A ៖ ដុំសាច់អាចមិនត្រូវបានរកឃើញនៅក្នុងបវិវេណសុដន់ ប៉ុន្តែកោសិកាមហារីកបានរីករាលដាលដល់សាច់កូនកណ្តុរយ៉ាងតិច 1 ទៅ 3 (Lymph Nodes) ។
• ដំណាក់កាល 2B ៖ ដុំសាច់មានទំហំពី 2 ទៅ 5 សង់ទីម៉ែត្រ ហើយវានឹងរីករាលដាលនៃសាច់កូនកណ្តុរពី 1 ទៅ 3 (Lymph Nodes)។

3. ជំងឺមហារីកសុដន់ដំណាក់កាលទី ៣ (Stage 3) ត្រូវបានបែងចែកជាបីប្រភេទ ៖

• ដំណាក់កាល 3A ៖ ដុំសាច់នៃទំហំណាមួយបានរីករាលដាលនៃសាច់កូនកណ្តុរពី 4 ទៅ 9 (Lymph Nodes) ហើយដុំសាច់មានទំហំធំជាង 5cm ។
• ដំណាក់កាល 3B ៖ ដុំសាច់បានរីករាលដាលដល់ជញ្ជាំងនៃទ្រូង។ វាអាចបណ្តាលឱ្យសុដន់ហើម ហើយអាចមានសាច់កូនកណ្តុរ (Lymph Nodes)  រហូតដល់ទៅ 9 ។ ដំណាក់នេះហើយដែលគេចាត់ទុកថាស្រ្តីមានជំងឺមហារីកសុដន់។
• ដំណាក់កាល 3C ៖ ដុំសាច់អាចមានទំហំណាមួយដែលរាលដាលដល់ 10 នៃសាច់កូនកណ្តុរ (Lymph Nodes) ឬអាចច្រើនជាងនេះ។

4. ដំណាក់កាលទី ៤ (Stage 4) (Metastatic) ៖ ជំងឺនេះបានរីករាលដាលដល់សរីរាង្គ និងជាលិកាផ្សេងៗទៀត ដូចជាឆ្អឹង ខួរក្បាល ថ្លើម សួត ហើយបណ្តាលឱ្យមានការឈឺចុកចាប់ខ្លាំង និងបង្កហានិភ័យខ្ពស់ដល់អាយុជីវិត។

រោគសញ្ញានៃជំងឺមហារីកសុដន់មានដូចជា ៖

• អស់កម្លាំងខ្លាំង
• ទន់ខ្សោយ
• ស្គមស្គាំង
• មានការឈឺចាប់ជុំវិញបរិវេណសុដន់ត្រង់កន្លែងដែលរីករាលដាលដុំសាច់