អត្ថប្រយោជន៍នៃទឹកក្រូចឆ្មារដែលអ្នកនឹកស្មានមិនដល់

ទឹកក្រូចឆ្មារមានអត្ថប្រយោជន៍ជាច្រើន ក្នុងការជួយរបំពេញជាតិទឹកក្នុងខ្លួន ជំរុញការរំលាយអាហារ និងអាចជួយសម្រកទម្ងន់។ លើសពីនេះ ទឹកក្រូចឆ្មារជាប្រភពដ៏អស្ចារ្យនៃវីតាមីន C ដែលជួយប្រឆាំងនឹងការឆ្លងមេរោគ ជួយដល់ការស្រូបយកជាតិដែក និងជួយបង្កើតកូឡាជែន។

វីតាមីន C៖ ជាប្រភេទសារធាតុម្យ៉ាងដែលជួយលើកកម្ពស់ភាពស៊ាំក្នុងសារពាង្គកាយ ប្រឆាំងនឹងការឆ្លងមេរោគ និងពន្លឿនការព្យាបាលរបួសផ្សេងៗឱ្យឆាប់សះស្បើយ។ ក្រូចឆ្មារមួយផ្លែផ្តល់វីតាមីន C ប្រហែល 31 mg ។
កាល់ស្យូម៖ ក្រូចឆ្មាមានផ្ទុកជាតិកាល់ស្យូម ដែលមានសារៈសំខាន់សម្រាប់មុខងារសាច់ដុំ ការបញ្ចេញអ័រម៉ូន និងការកន្ត្រាក់សរសៃឈាម ។
ប៉ូតាស្យូម៖ អាចជួយឱ្យសរសៃប្រសាទដំណើរការបានត្រឹមត្រូវ។
Folate: ត្រូវបានរកឃើញផងដែរនៅក្នុងក្រូចឆ្មារ សារធាតុ Folate ប្រឆាំងនឹងជំងឺឆ្អឹងខ្នង និងជួយបង្កើតកោសិកាឈាមក្រហម។

តើទឹកក្រូចឆ្មារពិតជាផ្តល់អត្ថប្រយោជន៌ជាច្រើនមែនរឺ?

ហេតុផលខាងក្រោមនេះ អាចបញ្ជាក់ប្រាប់អ្នកបាន ៖

1. ជួយបំពេញជាតិទឹក

ការផឹកទឹកឱ្យបានគ្រប់គ្រាន់គឺមានសារៈសំខាន់សម្រាប់សុខភាពរបស់អ្នក។ យើងជឿជាក់ថា មានមនុស្សជាច្រើនពុំសូវចូលចិត្តការផឹកទឹកច្រើនឡើយ បើទោះបីគេដឹងថា ទឹកបានផ្តល់អត្ថប្រយោជន៍ច្រើនដល់សុខភាពរាងកាយ និងរូបរាងកាយរបស់គេត្រូវការបំពេញជាតិទឹកឱ្យបានគ្រប់គ្រាន់។ គេអាចនឹងមានអារម្មណ៍ធុញថប់ក្នុងការផឹកទឹកច្រើន ប៉ុន្តែជាដំណោះស្រាយល្អយើងសូមណែនាំឱ្យញុំាទឹកក្រូចឆ្មារ ព្រោះទឹកក្រូចឆ្មារមានគុណប្រយោជន៍ ក្នុងការបំពេញជាតិទឹកគ្រប់គ្រាន់ និង ទប់ស្កាត់ការខ្វះជាតិទឹក។