អបអរ​ទិវានារីអន្តរជាតិ ៨មីនា សម្ដេចបវរធិបតី លើកជា​ថ្មីអត្ថប្រយោជន៍​កម្មការិនីទទួលបានពេលលំហែមាតុភាព

រាជរដ្ឋាភិបាល​អាណត្តិទី៧ ដឹកនាំ​ដោយ​សម្ដេច​ធិបតី ហ៊ុន ម៉ាណែត នៅ​តែ​​កំណត់​ជា​អាទិភាព​ក្នុង​ការ​លើក​កម្ពស់​សមភាពយេនឌ័រ ជំរុញការចូលរួម​របស់ស្ត្រី​ទាំង​ក្នុងសកម្មភាពសង្គម និងសេដ្ឋកិច្ច រួម​ទាំង​ការ​ទទួល​បាន​អត្ថប្រយោជន៍​ផង​ដែរ ពិសេស​អត្ថប្រយោជន៍របស់កម្មការិនី​​ពេល​សម្រាក​លំហែមាតុភាព។

តាមការថ្លែងសុន្ទរកថា អបអរសាទរខួបទី១១៣ ទិវាអន្តរជាតិនារី ៨មីនា ឆ្នាំ២០២៤ ក្រោមមូលបទ «ស្រ្តី​ និងក្មេងស្រី ក្នុងបរិវត្តកម្មឌីជីថល» របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បាន​ឲ្យដឹង​ថា អត្ថប្រយោជន៍កម្មការិនី សម្រាកលំហែមាតុភាព ៣ខែ ទទួលបានប្រាក់បៀវត្ស ១២០%។

 

លើស​ពី​ពួកគេ​នឹង​ទទួល​បាន​ប្រាក់បូកបន្ថែមជាជំនួយរាជរដ្ឋាភិបាល ចំនួន​៤០ម៉ឺនរៀលសម្រាប់​ការ​សម្រាលកូនម្នាក់។ ប្រសិនសម្រាលកូនភ្លោះ២នាក់ ទទួលបាន៨០ម៉ឺនរៀល និងភ្លោះ៣នាក់ ១២០ម៉ឺនរៀល បូកជាមួយ សម្ដេចតេជោ ៥លានរៀលទៀត។

 

ការ​យកចិត្តទុកដាក់នេះ គឺបន្តពីកេរមរកត​របស់​រាជរដ្ឋាភិបាល​មុន និង​ជា​ចំណុច​អាទិភាព​១ក្នុង​

យុទ្ធសាស្ត្រ​បញ្ជកោណដំណាក់កាលទី១ ដែលកំណត់យកជាអាទិភាពលើ៥ចំណុច គឺ មនុស្ស ផ្លូវ ទឹក ភ្លើង និងបច្ចេកវិទ្យា។

 

រាជរដ្ឋាភិបាល​បន្ត​កំណត់​ជា​អាទិភាពក្នុង​ការ​លើក​កម្ពស់​សមភាពយេនឌ័រ និង​ការ​បង្កើនភាពអង់អាច​របស់​ក្មេងស្រីនៅគ្រប់វិស័យក្នុង​របៀបវារៈគោលនយោបាយ និងយុទ្ធសាស្ត្របញ្ចកោណដំណាក់កាលទី១ តាមរយៈ​បង្កើនភាពជាពលរដ្ឋក្នុងសង្គមដែលមានអារ្យធម៌ខ្ពស់ ប្រកបដោយ សីលធម៌ សមធម៌ និងបរិយាប័ន៕