ខ្មែរ
English
នៅក្នុងរដូវធ្លាក់ភ្លៀង ត្រជាក់ៗ… ការញ៉ាំស៊ុបហតផត គឺជារឿងដែលមានក្តីសុខបំផុតសម្រាប់អ្នក។ ស្របពេលដែលនៅទីក្រុងភ្នំពេញ កំណើននៃហាងស៊ុបបែបចិន “ហតផត-Hot Pot” បានលេចវត្តមានបន្តបណ្តាក់គ្រប់ទីកន្លែង ប៉ុន្តែនៅទីនេះឡេឌីស៍នឹងធ្វើការណែនាំទៅភោជនីយដ្ឋានចិនចំនួន 4 ដែលអ្នកអាចស្រស់ស្រូបរសជាតិដើមនៃទឹកស៊ុបហតផត រួមជាមួយបរិយាកាសដ៏អស្ចារ្យរបស់ហាងក្នុងកំឡុងពេលរាត្រីជាមួយមនុស្សដែលខ្លួនស្រឡាញ់។
- ឡុក ហតផត “Luk Hot Pot”
ឡុក ហតផត មាននូវមីនុយមុខម្ហូបបែបចិនជាច្រើន ដែលអ្នកអាចទទួលបានរសជាតិឆ្ងាញ់ ជាពិសេសបរិយាកាសហាងប្លែកភ្នែកតាមបែបវប្បធម៌ហុងកុង។ ហាងនេះបានផ្តល់ជូនអតិថិជននូវរចនាប័ទ្មប្លែក រាប់តាំងពីការតុតែងហាង រហូតដល់មីនុយមុខម្ហូបដ៏សម្បូរបែប។ Menu ។ សាកមកទទួលរសជាតិពិសេសនៃស៊ុបហតផតតាមបែបហុងកុង អ្នកប្រាកដជាជាប់ចិត្តជាក់ជាមិនខាន។
ទីតាំង : #3 St 211, Phnom Penh
- Ying Fu Lou.Old Beijing Hot Pot
ជាមួយរសជាតិដ៏ប្រណីត និងរសជាតិដើមនៃហតផតគឺមាននៅ Ying Fu Lou.Old Beijing Hot Pot។ រចនាប័ទ្មនៃហាង មានការរៀបចំតាមបែបប្រពៃណីចិន មើលទៅពិតជាស្រស់ស្អាតណាស់ ហាក់ដូចអ្នកកំពុងអង្គុយញ៉ាំផ្ទាល់នៅទីក្រុងប៉េកាំង រីឯជម្រើសនៃតម្លៃក្នុងប្រូម៉ូសិនពិសេស រួមមាន ៖ 1នាក់: $9.9 , 2នាក់: $18.98 , 4នាក់ $38.98។
ទីតាំង : 102 St 315, Phnom Penh
- Happy Lamb Hot Pot
នេះគឺជាផ្ទះនៃស៊ុបហតផតដ៏ល្បីល្បាញ់នៅក្នុងតំបន់ម៉ុងហ្គោលលីខាងក្នុង ជាមួយជម្រើនសាច់ជាច្រើន ប៉ុន្តែអ្វីមុខម្ហូបប្រចាំហាងនោះគឺ សាច់ចៀម។ គ្រឿងផ្សំសម្រាប់ទឹកស៊ុប មានការចម្រាញ់ចេញប្រកបដោយគុណភាពខ្ពស់ អមដោយបរិយាកាសហាងផ្តល់ផាសុកភាព អ្នកគួរតែចាប់យកបទពិសោធន៍ថ្មីនេះ។
ទីតាំង : 12 St 315, Phnom Penh
- Shoo Loong Kan Hotpot
Shoo Loong Kan តែងប្រកាន់ខ្ជាប់នូវគោលជំហររបស់ខ្លួន ចំពោះកាតផ្តល់ជូនអតិថិជននូវមូលដ្ឋានស៊ុបហតផតជាមួយនឹងរសជាតិពិតប្រាកដ គ្រឿងផ្សំស្រស់ៗ សម្បូរបែប ជាពិសេសមិនមានហានិភ័យចំពោះសុខភាព ព្រមទាំងប្រកបដោយភាពច្នៃប្រឌិតយ៉ាងខ្លាំង។ បរិយាកាសនៃហាងអាចអន្ទងអារម្មណ៍របស់អ្នកត្រឡប់ទៅរកព្រះរាជវាំងរបស់ស្តេចឈីងនៅប្រទេសចិន។
ទីតាំង : 251 Rue Pasteur No. 51, Phnom Penh
