“មណ្ឌលគីរី” ជាដែនដីព្រៃប្រឹក្សា និងជម្រកធម្មជាតិដ៏ស្រស់ត្រកាល – ប្រទេសកម្ពុជា

ខេត្តមណ្ឌលគីរី គឺជាខេត្តដែលមានផ្ទៃដីធំជាងគេនៅក្នុងព្រះរាជាណាចក្រកម្ពុជា ប៉ុន្តែមានប្រជាជនរស់នៅចំនួនតិច មានភូមិភាគស្ថិតនៅខាងកើតនៃព្រះរាជាណាចក្រកម្ពុជា ហើយនៅក្នុងខេត្តនេះសម្បូរទៅដោយសម្បត្តិធម្មជាតិជាច្រើនរួមមាន ជួរភ្នំដែលគ្របដណ្តប់ដោយព្រៃក្រាស់ខ្មឹក វាលស្មៅពណ៌បៃតងដ៏ខៀវស្រងាត់ ព្រមទាំងទឹកជ្រោះ ម្ហូបអាហារតំបន់ (បងប្អូនជនជាតិភាគតិច) និងជាបណ្តុំនៃថនិកសត្វព្រៃ។

 

សូមស្វាគមន៍មកកាន់ដែនដីជម្រកព្រៃព្រឹក្សានៃព្រះរាជាណាចក្រកម្ពុជា… មណ្ឌលគីរី!

តើអ្នកអាចនឹងទទួលបាននូវបទពិសោធន៍ថ្មីដ៏រីករាយអ្វីខ្លះនៅក្នុងតំបន់នេះ?

 

• ភ្នំដោះក្រមុំ

ភ្នំដោះក្រមុំ ត្រូវបានគេស្គាល់ថាជារមណីយដ្ឋានមួយក្នុងចំណោមរមណីយដ្ឋានទាំងអស់ក្នុងខេត្តមណ្ឌលគីរី ដែលមានសម្រស់ព្រៃប្រឹក្សាគ្របដណ្តប់ជម្រៀលភ្នំបណ្តាក់យ៉ាងស្រស់ស្អាត។ ដោយហេតុ ភ្នំនេះមានឈ្មោះថា ភ្នំដោះក្រមុំ ព្រោះរូបសណ្ឋានភ្នំមានរូបរាងដូចទៅនឹងសុដន់មូលក្លំរបស់នារីក្រមុំ ហើយជនជាតិភាគតិច “ព្នង” ក៏បានតាំងនាមឱ្យថា ភ្នំដោះក្រមុំរហូតមកដល់សព្វថ្ងៃ។

នៅចំពីលើកំពូលភ្នំ គេឃើញមានទេសភាពវាលស្មៅពណ៌បៃតងដ៏អស្ចារ្យនៃភ្នំយ៉ាងធំល្វឹងល្វើយ បន្ថែមពីនេះជនជាតិភាគតិចព្នងបានដាក់ឈ្មោះទេសភាពនេះថា “សមុទ្រព្រៃ”។

• ទស្សនាភូមិដំរីជនជាតិព្នង

ជនជាតិភាគតិចព្នងបានរួមរស់ជាមួយដំរីអស់រយៈពេលជាង ១២០ឆ្នាំមកហើយ។ ពួកគេក៏បានបង្កើតសហគមន៍ភូមិជនជាតិដើមភាគតិច ដោយមានការមើលថែថិកសត្វដំរីព្រៃ ហើយត្រូវបានចិញ្ចឹមមើលថែ និងចាត់ទុកជាសមាជិកគ្រួសារ។ អ្នកអាចចូលរួមទស្សនាសហគមន៍ថនិកសត្វដំរី និងស្វែងយល់អំពីរបៀបរបបក្នុងការរស់នៅនៃបងប្អូនជនជាតិដើមភាគតិច ជាពិសេសទស្សនាគម្រោង Elephant Valley Project (EVP)។

 

• ទឹកជ្រោះប៊ូស្រា

ទឹកជ្រោះប៊ូស្រា មានទីតាំងស្ថិតនៅក្នុងស្រុកពេជ្រចិន្តា ចម្ងាយប្រមាណ 43 គីឡូម៉ែត្រ ពីក្រុងក្រុងសែនមនោរម្យនៃទីរួមខេត្តមណ្ឌលគិរី ក្រុងសែនមនោរម្យ។ “ប៊ូស្រា”ត្រូវបានភ្ញៀវទេសចរជាច្រើនចាត់ទុកថាជាទឹកជ្រោះដ៏ស្រស់ស្អាតបំផុតប្រចាំខេត្តមណ្ឌលគិរី។ វាត្រូវបានចែកចេញជាបីដំណាក់កាល ៖

ដំណាក់កាលទី1 : ទឹកធ្លាក់មានកម្ពស់ 8 – 12 ម៉ែត្រ នៅរដូវប្រាំង

ដំណាក់កាលទី2 : ទឹកធ្លាក់មានកម្ពស់ពី 15 – 20 ម៉ែត្រ នៅរដូវវស្សា និងមានចម្ងាយ 150 ម៉ែត្រពីដំណាក់កាលទី1

ដំណាក់កាលទី3 : ល្បឿនទឹកធ្លាក់លឿនជាងដំណាក់ទី2 ដំណាក់កាលនេះសម្បូរទៅដោយសត្វព្រៃ និងជាតំបន់គ្រោះថ្នាក់

• ក្រុង “សែនមនោរម្យ”

ពាក្យនេះប្រែថា “មន្តស្នេហ៍” “អស្ចារ្យ” ឬ “រីករាយ” ទីក្រុងនេះ ត្រូវបានគេចាត់ទុកថាជាគោលដៅទេសចរណ៍នៅក្នុងក្តីស្រមៃសម្រាប់អ្នកដែលស្រឡាញ់ធម្មជាតិ។ អ្នកអាចទស្សនាទិដ្ឃភាពព្រៃភ្នំរុំព័ទ្ធនៅពេលធ្វើដំណើរតាមផ្លូវ ភ្លក់រសជាតិអាហារបងប្អូនជនជាតិភាគតិច និងជាវវត្ថុអនុស្សាវរីយ៍ប្រចាំខេត្ត ធានាថាអ្នកប្រាកដជាទទួលបាននូវបទពិសោធ៍នៃដំណើរកំសាន្តដ៏រីករាយ។