ការថែរក្សាស្បែកឱ្យនៅក្មេងជាងវ័យ

វេលានៃដំណើរជីវិតដើរទៅមុខបន្តិចម្តងៗ ស្បែកមុខនិងរូបរាងកាយក៏មានការវិវត្តប្រែប្រួលជ្រេរទៅតាមវ័យ។ អ្នកប្រហែលជាត្រូវការវិធីជាច្រើនក្នុងការរារាំងភាពចាស់នៃស្បែក តើអ្នកដឹងទេ? ទម្លាប់ប្រចាំថ្ងៃខ្លះ​របស់អ្នកអាចជួយពន្យឺតការបាត់បង់ និងថែមទាំងជំរុញការលូតលាស់កូឡាជែន។​ ប្រសិនបើអ្នកប្រព្រឹត្តទម្លាប់ប្រចាំថ្ងៃទាំងនោះឱ្យបានត្រឹមត្រូវតាមក្បួនខ្នាត វាពិតជាមានប្រសិទ្ធិភាពខ្ពស់អាចជួយរក្សា និងបង្កើនកូឡាជែនក្នុងស្រទាប់ស្បែក ដែលជាគន្លឹះធ្វើឱ្យស្បែកស តឹងណែន ក្មេងជាងវ័យក៏បាន។

ការផលិតកូឡាជែនក្នុងសារពាង្គកាយមនុស្សអាចធ្លាក់ចុះបន្តិចម្តងៗ ដោយចាប់ផ្តើមពីចុងឆ្នាំនៃអាយុ ២០ ក្បែរអាយុ ៣០ឆ្នាំ។

ប៉ុន្តែកុំអស់សង្ឃឹម! ទម្លាប់ប្រចាំថ្ងៃរបស់យើងអាចជួយពន្យឺតការបាត់បង់កូឡាជែន និងថែមទាំងជំរុញការលូតលាស់កោសិកាកូឡាជែនថ្មីទៀតផង ប្រសិនបើអ្នកអនុវត្តតាមក្បួនដែលយើងខ្ញុំបានស្រាវជ្រាវក្នុងការចែកជូនជាចំណេះដឹងដល់មិត្តៗនារី ដើម្បីរក្សាសម្រស់ឱ្យនៅតែក្មេងវ័យ។

តើកូឡាជែនជាអ្វី? ហេតុអ្វីបានវាមានសារៈសំខាន់ក្នុងរាងកាយមនុស្ស?

កូឡាជេនគឺជាប្រភពនៃប្រូតេអ៊ីនដែលមានអត្ថប្រយោជណ៍ច្រើនបំផុតនៅក្នុងសិរីរាង្គកាយមនុស្ស។ វាជាធាតុផ្សំសំខាន់នៃជាលិកាភ្ជាប់ដែលបង្កើតសារធាតុចិញ្ចឹមជាច្រើនទៅគ្រប់ផ្នែកនៃរាងកាយ រួមទាំងសរសៃពួរ សរសៃចង ស្បែក និងសាច់ដុំ។ វាមានមុខងារសំខាន់ៗជាច្រើន រួមទាំងធ្វើឱ្យស្បែករបស់អ្នកនូវភាពថ្លាស្រស់ស្អាតពីខាងក្នុង និងការពង្រឹងឆ្អឹងរបស់អ្នកការពារពីការពុកឆ្អឹង។ នៅពេលដែលយើងកាន់តែចាស់ ការផលិតកូឡាជែនថយចុះ ដែលនាំឱ្យស្បែកស្តើង មានភាពជ្រីវជ្រួញ ឡើងអុចខ្មៅ និងស្បែកយឺតនៅតាមតំបន់ខ្លះ។ ការបាត់បង់ខូឡាជេន រួមជាមួយនឹងការថយចុះ អេឡាស់ទីនElastin និងការខ្វះជាតិទឹក គឺជាកត្តាចម្បងនៅពីក្រោយភាពចាស់នៃស្បែក។

ខាងក្រោម​នេះ​ជា​ទម្លាប់​ដ៏​សាមញ្ញ​ទាំង ៦ ក្នុងការពន្យឺតការបាត់បង់កូឡាជែន ៖

1.ការពារស្បែករបស់អ្នកពីពន្លឺកាំរស្មីយូវី: សូមកុំឱ្យស្បែករបស់អ្នកស្ថិតក្រោមកម្តៅថ្ងៃច្រើនពេក ។​ សូមប្រើប្រាស់ផលិតផលដែលមានផ្ទុកនូវសារធាតុ SPF ជារៀងរាល់ថ្ងៃ​ ដើម្បីការពារស្បែករបស់អ្នកពីកាំរស្មី UV ដែលបំផ្លាញខូឡាជែនក្នុងស្បែក ដូច្នេះការការពារពីពន្លឺព្រះអាទិត្យគឺពិតជាមានសារៈសំខាន់ណាស់។

2. ញ៉ាំជាប្រភេទតែបៃតង ឬតែខ្ញី៖ សារធាតុប្រឆាំងអុកស៊ីតកម្ម និងប្រឆាំងនឹងការរលាកដែលមាននៅក្នុងប្រភេទតែទាំងពីរនេះ អាចជួយប្រឆាំងនឹងការបំផ្លិចបំផ្លាញកោសិកាស្បែក។

3. ញ៉ាំអាហារដែលមានផ្ទុកសារធាតុកូឡាជែន៖ ដូចជាទំពាំងបាយជូរ ត្រី ទឹកដោះគោ គ្រាប់ធញ្ញជាតិ និងផ្លែឈើដែលសម្បូរវីតាមីន C ដូចជា ប៉េងប៉ោះ និងក្រូច ជួយដល់ការផលិតកូឡាជែន។

4. កុំបរិភោគអាហារកែច្នៃច្រើនលើសលប់៖ បរិភោគអាហារកែច្នៃ ស្ករ និងខ្លាញ់ច្រើនហួសហេតុរារាំងដល់ការផលិតកូឡាជែន និងអេឡាស្ទីន ដោយសារអាហារទាំងនោះផ្ទុកប្រូតេអ៊ីនគុណភាពទាបបំផុត។

5. រក្សាជាតិទឹក៖ ទឹកមានសារៈសំខាន់សម្រាប់ការបង្កើតឡើងវិញនូវកោសិកា និងការបណ្តេញជាតិពុលក្នុងខ្លួនប្រាណ។ សូមផឹកទឹកឱ្យត្រូវតាមក្បួនខ្នាត និងក្នុងបរិមាណគ្រប់គ្រាន់!

6. បញ្ឈប់ការជក់បារី និងសេពគ្រឿងស្រវឹង៖ ការជក់បារី និងសេពគ្រឿងស្រវឹងគឺជាដំណឹងអាក្រក់សម្រាប់សុខភាពស្បែករបស់អ្នក។ ពួកវាធ្វើឱ្យសរសៃ collagen អន់ថយចុះជាកំហិត និងធ្វើឱ្យខ្សោះជាតិទឹកក្នុងខ្លួន លើសពីនេះវាធ្វើឱ្យកោសិកាបាត់បង់អុកស៊ីសែន និងសារធាតុចិញ្ចឹម។

សូមអ្នកធ្វើការអនុវត្តទម្លាប់សាមញ្ញៗទាំងនេះរាប់ចូលជាទម្លាប់ប្រចាំថ្ងៃរបស់អ្នកក្នុងជីវិត នោះអ្នកនឹងទទួលបាននូវស្បែកដែលមានសភាពភ្លឺថ្លា តឹងណែន និងក្មេងជាងវ័យបើទោះបីជាអាយុកាន់តែជ្រេរទៅមុខក៏ដោយ។