រោគសញ្ញារាងកាយ ដែលបញ្ជាក់ថាអ្នកកំពុង ស្រ្តេស (Stress) ខ្លាំង

ស្រ្តេស មិនត្រឹមតែប៉ះពាល់ផ្លូវចិត្ត ផ្លូវអារម្មណ៍នោះទេ វាអាចបង្កជាហានិភ័យដល់រូបរាងកាយ និងសុខភាពស្បែករបស់អ្នកដូចគ្នា។ នៅទីនេះ ឡេឌីស៍ នឹងនិយាយអំពីបញ្ហារូបរាងកាយដែលបង្កឡើងដោយ អារម្មណ៍ស្រ្តេស។ មនុស្សមួយចំនួនអាចគិតថា ស្រ្តេសគ្រាន់ជាអារម្មណ៍សាមញ្ញ ប៉ុន្តែបើយើងក្រឡេកទៅមើលផលអវិជ្ជមានដែលស្រ្តេសហុចមកអោយផ្លូវកាយ និងផ្លូវចិត្ត អ្នកប្រាកដជាគិតថា វាមិនមែនជារឿងតូចតាចទេ។

វាពិតជាត្រឹមត្រូវហើយដែល របបអាហារ ផលិតផលថែទាំស្បែក និងទម្លាប់រស់នៅល្អប្រចាំថ្ងៃ បានចូលរួមលើកកម្ពស់សុខភាពស្បែករបស់អ្នក ប៉ុន្តែប្រសិនបើអ្នកមិនបានគ្រប់គ្រងស្រ្តេស បន្ធូរបន្ថយអារម្មណ៍តានតឹង ស្មុគស្មាញ មួរម៉ៅច្រើន របស់ទាំងនោះនឹងក្លាយទៅជាអាសារបង់ជាក់មិនខាន ។

តាមរយៈការសិក្សាស្រាវជ្រាវជាច្រើនបានបង្ហាញឱ្យដឹងថា អារម្មណ៍ស្ត្រេសខ្លាំង អាចបណ្តាលឱ្យចេញរោគសញ្ញាមួយចំនួននៅលើរូបរាងកាយដូចជា ៖

រលាកស្បែក និងឡើងកន្ទួល
ស្ត្រេស អាចបណ្តាលឱ្យស្បែករបស់អ្នកកើតមាន កន្ទួលក្រហមៗ របកស្បែក រលាកស្បែក អាឡែកហ្សី និងជម្ងឺត្រអក។ នៅពេលដែលខួរក្បាលរបស់អ្នកដំណើរការហួសកម្រិត (Stress) វាធ្វើឱ្យអ័រម៉ូនក្នុងរាងកាយ ពិបាកគ្រប់គ្រងស្បែក និងរក្សាតុល្យភាពស្បែក។
ម្យ៉ាងវិញទៀត ការរលាកស្បែកអាចបណ្តាលឱ្យមានការកើតមុននៅលើស្បែកដូចគ្នា មុនទាំងនោះមិនងាយសះ ហើយមានបង្កប់ខ្ទុះធំៗ និងមានការឈឺចាប់ខ្លាំង។

បង្កឱ្យស្បែកមុខឡើងខ្លាញ់ខ្លាំង
ស្រេ្តស អាចបង្កហានិភ័យខ្ពស់ទៅលើការកើតមុននៅលើស្បែក ជាពិសេសចំពោះស្ត្រីភេទ។ នៅពេលប្រព័ន្ធសរសៃប្រសាទនៃស្បែករបស់យើងរងការប៉ះពាល់ មិនអាចគ្រប់គ្រងបាន នោះសរីរាង្គកាយនៃស្បែកនឹងធ្វើការផលិតខ្លាញ់ច្រើនជាអតិបរមា ដែលខ្លាញ់ទាំងនោះអាចបណ្តាលឱ្យកើតមានមុនពាសពេញរាងកាយ និងផ្ទៃមុខរបស់អ្នក។

ស្បែកក្បាលមានក្លិនមិនល្អ ជ្រុះសក់ និងរបកស្រទាប់ក្រចក
បញ្ហាទាំងនេះ តែងកើតមានឡើងទៅលើបុគ្គលដែលទទួលរងភាពតានតឹងផ្លូវអារម្មណ៍ (Stress) ខ្លាំង។ បើអ្នកចាប់អារម្មណ៍រោគសញ្ញាទាំងនេះកំពុងកើតមាននៅលើខ្លួន សូមព្យាយាមដកឃ្លាអារម្មណ៍។
អ្នកគួរជៀសវាងការងូតទឹកក្តៅខ្លាំង ដើម្បីការពារសុខភាពស្បែកក្បាល ព្យាយាមធ្វើលំហាត់ប្រាណឱ្យបានទៀងទាត់ និង ទទួលទានអាហារសម្បូរសារធាតុចិញ្ចឹមដូចជាបន្លែ ផ្លែឈើ។

1. ស្បែកស្តើង និងងាយរងប្រតិកម្ម