ក្លៀកខ្មៅប្រែមកជា ស តាមបែបធម្មជាតិក្នុងរយៈពេល ១ខែ

បញ្ហាក្លៀកខ្មៅ គឺជាសត្រូវដ៏ធំបំផុតសម្រាប់សុភាពនារីទាំងឡាយ ហើយវាក៏ជាមូលហេតុដែលធ្វើឱ្យស្រ្តីមិនមានភាពជឿជាក់ក្នុងការពាក់អាវដៃវាលក្លៀក ឬមិនហ៊ានបង្ហាញបរិវេណរង្វង់ក្លៀក ដោយសារមានភាពខ្មាស់អៀនជាខ្លាំង។

បញ្ឈប់កង្វល់ទាងនោះតទៅទៀត ឡេឌីស៍នឹងបង្ហាញអំពីវិធីក្នុងការកែប្រែបញ្ហានេះ ឱ្យសុភាពនារីទាំងអស់មានទំនុកចិត្តលើខ្លួនឯងឡើងវិញត្រឹមរយៈពេល ១ខែ ក្លៀករបស់អ្នកនឹងប្រែពីសភាពមិនស្អាត មកសភាពម៉ត់រលោង​ សស្អាត មិនមានដុំពកកន្ទួល គួរជាទីពេញចិត្ត។

គ្រឿងផ្សំ

ទឹកត្រសក់ក្រឡុក​ ៖ ១ ស្លា​បព្រាកាហ្វេ

ទឹកក្រូចឆ្មារ ៖ ១ ស្លា​បព្រាកាហ្វេ

ម្សៅរមៀត ៖ កន្លះស្លា​បព្រាកាហ្វេ

ប្រេងដូង ៖ ១ ស្លា​បព្រាកាហ្វេ

វិធីធ្វើ

អ្នកយកវត្ថុដែលបានត្រៀមទុកទាំងនោះមកលាយចូលគ្នាឱ្យក្លាយជាល្បាយម៉ាស់មួយ លាយឱ្យកើតជាល្បាយស្មើរសាច់តែម្តង ប៉ុន្តែមិនត្រូវលាយប្រេងដូងនៅក្នុងចានតែមួយនោះទេ។

វិធីម៉ាស្សា

បន្ទាប់ពីងូតទឹករួច ចូរអ្នកជូតខ្លួនឱ្យស្ងួត រួចយកសំឡីជ្រលក់ជាមួយប្រេងដូងមួយស្លាបព្រាបាយ ម៉ាស្សាដោយថ្នមៗនៅបរិវេណរង្វង់ក្លៀក។ ក្រោយមកទៀត សូមយកសំឡីជ្រលក់ជាមួយល្បាយម៉ាស់ដែលបានលាយរួច យលមកលាបថ្នមៗនៅលើបរិវេណក្លៀក រួចទុកចោលរយៈពេល២០នាទី ឬើបលាងសម្អាតចេញជាមួយទឹកស្អាតរួចជាការស្រេច។

ការអនុវត្ត

សម្រាប់អ្នកដែលមានបញ្ហាក្លៀកខ្លាំង គួរតែអនុវត្តវិធីនេះយ៉ាងហោចណាស់ឱ្យបាន ២ទៅ៣ដង ក្នុងមួយសប្តាហ៍ ទើបទទួលលទ្ធផលជាទីគាប់ចិត្ត។