ខ្មែរ
English
ព្រឹត្តិការណ៍ WWDC ប្រចាំឆ្នាំ របស់ Apple នឹងធ្វើឡើងចាប់ពីថ្ងៃពី ១០ ដល់ ដល់ថ្ងៃទី ១៤ ខែមិថុនា ឆ្នាំ ២០២៤ ខាងមុខនេះ។ Worldwide Developers Conference ត្រូវបានគេចាត់ទុកថាជាកម្មវិធីសំខាន់បំផុតមួយ របស់ Apple ដែលជានិច្ចជាកាល ជាពេលបញ្ចេញនូវប្រព័ន្ធប្រតិបត្តិការថ្មីៗ និង កំណែអាប់ដែតទៅលើឧបករណ៍ iPhone, iPad, Mac និង Apple TV។
នៅក្នុងឆ្នាំ ២០២៤ នេះ Apple បានប្រកាសថានឹងរៀបចំព្រឹត្តិការណ៍ WWDC តាមរយៈការ ផ្សាយបន្តផ្ទាល់ livestream នៅលើគេហទំព័រផ្លូវការរបស់ខ្លួន។ គេរំពឹងថា ក្រុមហ៊ុនបច្ចេកវិទ្យាយក្សរបស់អាមេរិកមួយនេះ នឹងបញ្ចេញមុខងារ បញ្ញាសប្បនិម្មិត Ai នៅក្នុងព្រឹត្តិការណ៍ធំប្រចាំឆ្នាំរបស់ខ្លួនមួយនេះ។ បើមិនមានអ្វីផ្លាស់ប្តូរនោះទេ ជាធម្មតា Apple តែងបញ្ចេញ “Keynote” វីដេអូមួយ នៅក្នុងថ្ងៃដំបូងនៃព្រឹត្តិការណ៍ WWDC។ វីដេអូនោះ គឺនិយាយអំពី software update ចុងក្រោយរបស់ iPhone, iPad, Mac និង Apple TV ដោយមានការចូលរួមធ្វើបទបង្ហាញពីនាយកប្រតិបត្តិ Tim Cook និង បុគ្គលិក Apple មួយចំនួនទៀត។
ទន្ទឹមនឹងការបញ្ចេញនូវការអាប់ដែត software ជំនាន់ចុងក្រោយ សម្រាប់ឧបករណ៍សំខាន់ៗរបស់ខ្លួន Apple មានគម្រោងបញ្ចេញនូវ software update ផ្លូវការដំបូងបង្អស់ សម្រាប់ Vision Pro នៅក្នុងព្រឹត្តិការណ៍ WWDC ឆ្នាំ ២០២៤នេះ។ សរុបមក នៅអំឡុងខែមិថុនា ខាងមុខ ប្រិយមិត្តដែលជាអ្នកគាំទ្រនិងប្រើប្រាស់ផលិតផលរបស់ Apple រំពឹងចង់ឃើញ គឺ iOS 18 with AI focus, iPadOS 18, macOS 15, watchOS 11, tvOS 18, visionOS 2 និង HomePod Software 18 ៕
