វ៉ែនតា មិនត្រឹមជួយការពារភ្នែកប៉ុណ្ណោះទេ ប៉ុន្តែជាគ្រឿងលម្អជួយលើកសម្រស់ឱ្យកាន់តែក្មេងជាងវ័យ!

វ៉ែនតា មិនត្រឹមតែជាឧបករណ៍ជំនួយសម្រាប់អ្នកមានបញ្ហាភ្នែកប៉ុណ្ណោះទេ ប៉ុន្តែវាបានក្លាយជាគ្រឿងតែងលម្អកាយ ដែលជួយលើកសម្រស់របស់អ្នកថែមទៀតផង។ ការជ្រើសរើសប្រភេទវ៉ែនតា ឱ្យសមជាមួយនឹងទម្រង់មុខរបស់យើង នឹងជួយឱ្យយើងជាមនុស្សម្នាក់ដែលមានរសនិយមបែបហ្វេហ្សិន និង ជួយលើកសម្រស់ឱ្យមើលមកកាន់តែក្មេងជាងវ័យ។

១. Oversized square frames

វ៉ែនតាប្រភេទនេះ ជាជម្រើសមួយដ៏ល្អសម្រាប់នារីសម័យថ្មី។ ដងរបស់វ៉ែនតា អាចទ្រាំទ្រនឹងប្រភេទកញ្ចក់ក្រាស់ៗបានយ៉ាងមានប្រសិទ្ធភាព។ ក្រៅពីការជួយការពារភ្នែករបស់យើង វាក៏បានជួយមួយផ្នែកធំ ក្នុងការលើកសម្រស់របស់យើងផងដែរ។

២. Round glasses

វ៉ែនតាប្រភេទនេះ កំពុងស្ថិតនៅក្នុងតារាង Trending ដោយសារតែមានតារា k-pop និង k-drama ល្បីៗជាច្រើនរូបបានពាក់វា។ អ្នកដែលមានទម្រង់មុខ​វែង និងចង្ការស្រួច វ៉ែនតានេះជាជម្រើសល្អឥតខ្ចោះ ក្នុងការជួយលើកសម្រស់របស់អ្នកឱ្យមើលទៅកាន់តែក្មេងជាងវ័យ និងមានមន្តស្នេហ៍​។

៣. Cat eye glasses

នេះជាប្រភេទវ៉ែនតា​ដែលកំពុងស្ថិតនៅក្នុងរ៉ាដា របស់អ្នករចនាម៉ូត និង អ្នកនិយមហ្វេហ្សិន។ ខុសប្លែកពីវ៉ែនតាផ្សេងទៀត Cat eye glasses មិនរើសប្រភេទទម្រង់មុខនោះទេ ដោយអ្នកមានទម្រង់មុខបែបណា ក៏អាចពាក់វ៉ែនតានេះ មើលទៅស្អាត និង ជួយលើកសម្រស់ឡើងថែមមួយកម្រិត។

៤. Geometric wire frame glasses

នេះជាប្រភេទវ៉ែនតា បែប classic ដែលមិនរើសទម្រង់មុខនោះទេ។​ នារីគ្រប់រូបអាចពាក់វាបាន​ ដោយភាពជឿជាក់។ ទម្ងន់របស់វា ស្រួល ងាយស្រួលពាក់ និង ជួយការពារពីពន្លឺជះចូលភ្នែកបានមួយកម្រិត។ ដោយសារតែវា ជាប្រភេទវ៉ែនតា classic យើងមិនអាចរំពឹងខ្ពស់ថាវា នឹងផ្តល់ភាពហ្វេហ្សិន ដល់យើងច្រើននោះទេ។

៥. Transparent acetate glasses

ប្រសិនបើអ្នកជាអ្នកនិយមម៉ូតបែបសុភាពៗ នេះជាប្រភេទវ៉ែនតាដែលត្រូវគ្នាជាមួយអ្នក។ វាមិនរើសទម្រង់មុខ ហើយក៏មិនខោអាវដែរ។ អ្នកចង់ស្លៀកសម្លៀកបំពាក់បែបណា ក៏វ៉ែនតានេះ នឹងមិនធ្វើឱ្យអ្នកមើលមកចាស់ជាងមុន។ ដងវ៉ែនតានេះជាប្រភេទ គ្រីស្តាល់​។

៦. Flat-top aviators

វ៉ែនតាប្រភេទនេះ កំពុងពេញនិយមនៅក្នុងស្រទាប់តារាល្បីៗ និង អ្នកច្នៃម៉ូត។ វាមិនរើសទម្រង់មុខនោះទេ ហើយបើទោះបីជាយើងពាក់វាជារៀងរាល់ថ្ងៃ ក៏នៅតែមើលមកស្រស់ស្អាត និង មិនសាំភ្នែកឡើយ៕