ខ្មែរ
English
ធ្លាប់ឮអំពី ហ្វេសិនសត្វគោ (Cow Print) ទេ? នេះមិនមែនធ្វើពីស្បែកគោ វាគឺជាការយកលំនាំពណ៌សម្បុរស្បែកសត្វគោយកមកធ្វើជាម៉ូតសម្លៀកបំពាក់។ វាហាក់ដូចជា ការបោះពុម្ពគូសវាសម៉ូតខោ អាវ ស្បេកជើង ឬកាបូបយកលំនាំតាមបែបសត្វគោ ដោយមានការឆ្លាស់ពណ៌យ៉ាងស្អាត ហើយពណ៌ដែលមានការពេញនិយមបំផុតគឺ ពណ៌សធម្មជាតិ លាយលំប្រឡាក់បំណែកតូចៗពណ៌ខ្មៅ ឬពណ៌ត្នោត។
សត្វគោមានភាពល្បីល្បាញដោយសាររោមភ្នែកវែងដ៏ស្រស់ស្អាត និងពណ៌សម្បុររោមរបស់វា ជាពិសេសមានសមត្ថភាពក្នុងការផលិតទឹកដោះគោដ៏ឈ្ងុយឆ្ងាញ់ ដូច្នេះទស្សនៈមួយចំនួនក៏បាននិយាយថា “យើងគួរតែធ្វើអ្វីមួយ ទុកជាថ្នូរក្នុងការក្រើនរំលឹកចំពោះសត្វមួយនេះ” ក្រោយមកក៏មានការលិចឡើងនូវនិន្នាការហ្វេសិនសម្បុរស្បែកគោ នៅក្នុងម៉ូតសម្លៀកបំពាក់ ឬគ្រឿងលម្អប្រាណ និងរបស់របរប្រើប្រាស់។
បើទោះបីហ្វេសិនប្រភេទនេះ បង្កប់ពណ៌ជាច្រើនក្រឡាក៏ពិតមែន ប៉ុន្តែបើអ្នកយល់ដឹងអំពីការជ្រើសម៉ូតក្នុងការលេងស្ទីលប្រចាំខ្លួន នោះវាមើលទៅគឺសាកសមល្អឥតខ្ចោះនៅក្នុងការធ្វើដំណើរចេញក្រៅ… ជឿជាក់ថាមនុស្សជុំវិញខ្លួនប្រាកដជាចោលភ្នែកសម្លឹងមើលអ្នក។
ឡេឌីស៍ សូមពាំនាំនូវហ្វេសិនសត្វគោ “Cow Print” ដែលប្រិយមិត្តអាចទស្សនាខាងក្រោមនេះបាន ៖
