ខ្មែរ
English
ត្បូង Evil Eye គឺជាគ្រឿងអលង្ការក្រិចបុរាណ ដែលត្រូវបានគេនិយមពាក់ដើម្បីការពារថាមពលអវិជ្ជមាននៅជុំវិញខ្លួន។ គេតែងមានជំនឿថា ប្រសិនបើអ្នកទទួលអារម្មណ៍ថា អស់កម្លាំងដោយគ្មានមូលហេតុ ឬអ្នកតែងមានភាពតានតឹងជាប់ជានិច្ច មិនថាទាំងផ្លូវកាយ ឬផ្លូវចិត្ត នោះប្រហែលជាអ្នកត្រូវការ ត្បូង Evil Eye ដើម្បីជួយការពារឥទ្ធិពលអាក្រក់ទាំងនោះហើយ។
តើ Evil Eye គឺជាអ្វី? តើការពាក់ Evil Eye មាននិមិត្តសញ្ញាការពារសំណាងអាក្រក់យ៉ាងដូចម្តេច?
និមិត្តសញ្ញា Evil Eye គឺជាប្រភេទត្បូងម្យ៉ាងមានរូបរាងដូចភ្នែកដែលមានមានត្របកភ្នែកពណ៌ខៀវព័ទ្ធជុំវិញ រង្វង់ភ្នែកពណ៌ខ្មៅ ហើយអ្នកអាចពាក់ធ្វើជាខ្សែក ខ្សែដៃ ឬទុកនៅតាមខ្លួន ដើម្បីការពារពីសំណាងអាក្រក់កើតឡើងជាយថាហេតុ។ ជំនឿនៅពីក្រោយការពាក់ត្បូងប្រភេទនេះ គឺដើម្បីប្រាកដថាអ្នក និងមនុស្សជាទីស្រលាញ់របស់អ្នកត្រូវបានការពារឥទ្ធិពលអាក្រក់ផ្សេងៗ អាចមានដូចជា ការច្រណែនឈ្នានីសផ្លូវកាយ និងផ្លូវចិត្ត “ជំងឺ របួស បញ្ហាហិរញ្ញវត្ថុ និងសំណាងអាក្រក់ទូទៅកើតមានលើបុគ្គល និងគ្រួសាររបស់ពួកគេ”។
Evil Eye ត្រូវបានគេជឿថាវាមានដើមកំណើតនៅតំបន់មេឌីទែរ៉ាណេ និងអាស៊ីខាងលិច ជំនឿនៃការពាក់ត្បូងមួយនេះត្រូវបានរកឃើញនៅក្នុងគម្ពីរអក្សរសិល្ប៍ដែលមានអាយុកាលតាំងពីសតវត្សទីប្រាំមួយមុនគ.សរបស់អ្នកនិពន្ធផ្លាតូ ហេស៊ីយ៉ូដ និងផ្លូតារ។ ទោះបីជាមិនមានការពិតណាដែលអាចបញ្ជាក់អំពីជំនឿមួយនេះ ប៉ុន្តែត្បូង Evil Eye ត្រូវបានគេទុកដូចជាអបិយជំនឿ និងវប្បធម៌ទូទៅដែលគេនិយមពាក់វា ដើម្បីបញ្ចៀសបញ្ហាអាក្រក់ និងថាមពលអវិជ្ជមានកើតឡើង។
ប្រភេទនៃគ្រឿងអលង្ការ និងអត្ថន័យនៃពណ៌នីមួយៗ ៖
1. ពណ៌លឿង/មាស៖ ពណ៌នេះតំណាងឱ្យការមានកម្លាំងរាងកាយ និងផ្លូវចិត្ត ចៀសពីជំងឺផ្សេងៗ។ អ្នកដែលប្រឈមនឹងបញ្ហាសុខភាពច្រើន ត្រូវតែប្រើពណ៌នេះ។
2. ពណ៌ក្រហម៖ តំណាងឱ្យភាពក្លាហាន និងការកម្លាំងចិត្តខ្លាំងក្លា។ វាអាចផ្តល់ឥទ្ធិពលឱ្យអ្នកសម្រេចក្តីសុបិនរបស់ខ្លួនដោយមិនមានភ័យខ្លាច។
3. ពណ៌ទឹកក្រូច៖ តំណាងឱ្យសេរីភាពនៃការច្នៃប្រឌិតខ្ពស់ និងមិនប្រកាន់អារម្មណ៍ច្រើន។
4. ពណ៌បៃតង៖ ជំរុញឱ្យមនុស្សម្នាក់ កាន់តែមានមូលដ្ឋានច្បាស់លាស់ ដឹងអំពីគោលដៅរបស់ខ្លួន។
5. ពណ៌ផ្កាឈូក៖ ល្អបំផុតសម្រាប់អ្នកដែលមានបំណងស្វែងរកសន្តិភាពនៃចិត្ត។
6. ពណ៌ស្វាយ៖ សម្រាប់មនុស្សដែលកំពុងវិវត្តក្នុងដំណើរព្យាបាលដើម្បីដើរទៅមុខជម្នះបញ្ហាបន្តទៀត។
7. ពណ៌ស៖ សម្រាប់អ្នកដែលចាប់ផ្តើមដំណើរជីវិតសារជាថ្មី ព្រោះពណ៌សតំណាងឱ្យភាពបរិសុទ្ធ និងអារម្មណ៍ល្អៗ។
ខ្សែក – Necklace
ក្រវិល – Earrings
ចិញ្ចៀន – Finger Rings
ខ្សែដៃ – Bracelets
